🔞حكايات القدر 🔞

حكايات القدر الجزء الاول

الام :انتي لسه نايمه ولج كومي راح الوكت عليج
.....:اووووف ماما والله تعبانه ما اريد اروح للدوام
الام :ولج انتي خامس علمي كومي بلكت يصير براسج حظ .
....:يووم ابوس ايدج خليني نايمه لان حيل تعبانه والدراسه اني ما احبه .
الام :دكومي كومي لاتصيرين مدمغه مثل امج بعدين تتبهذلين
...:ليش اصير مدمغه شبيج شحلاتج وبابا يموت عليج كافي بابا مدرس جبير والناس كوله تحترمه .
الام :اووووووف 😔صح هو مدرس جبير وحبله بنيه فلاحه لاتقرة ولاتكتب هو علمه الحروف وكبره بس شحصل غير العذاب من وراي
....:كمت على ماما وحظنته لا ماما لاتكولين هيج انتي احلى ام بالدنيا يكفي انتي مخلفه هذا الملاك اللي كدامج .
الام :ههههههههه ولا تبطلين سوالفج تعرفين شلون تنسيني دكومي يمه الله يرضى عليج بدلي وروحي لدوامج
......:لعيونج يا احلى ام راح ابدل واروح ولو اني ما راضيه بس لخاطرك .
الام :ولج تحركي بسرعه واني راح احظر ريوك الج ولخوتج
....:براحتج ماما (رحت على السريع حظرت جدول اليوم ولبست صدريتي وقميصي ومشطت كفشتي خاف ارعب الشارع 🤪بعدهة غسلت وجهي ونزلت اصبح على اجمل اب بالدنيه ).نزلت لكيت بابا بالمطبخ

....:صباح الخير بابا وطبعت بوسه على خده فديته ابو وجه الحنون .
الاب :صباح النور بنتي تعاي تريكي وياي
.....:اويلي اكيد يصير احلى ريوك
الاب :اي طبعا لان ويه العسل
.....:فدوة لكلبك بابا انت العسل ياروحي .
الاب :يلا بابا كملي ريوكج حتى اوصلج بطريقي .
....صار بابا .
🌹🌹🌹🌹🌹🌹🌹🌹
ما عرفت عن نفسي ولا عن عائلتي اني درة  بابا سماني هيج لان بابا يعتبرني الدرة الثمينه اللي نورت حياتهم ويعتبرني ثروة لان على عين ولاتي بابا كدر يشتري بيت ووراه اشترى سيارة وحياتنه صارت افضل وعندي ثنين خوان اسد وسيف واسيل اختي الزغيرة اني جان ترتيبي بالعائلة الثالثه طبعا احنهوكولنه طلعنه شبه ماما ولد وبنات كولنه حلوين عليه اخويه اسد تخرج من كليه الهندسه والثاني تخرج من كليه التربيه وصار مدرس مثل بابا واسيل عمره  ١٦ واني عمري ١٨ سنه واخويه اسد عمره ٢٨ سنه وسيف عمره ٢٥ سنه اني طبعا بالجمال نسخه ثانيه من ماما ما خليت شيء منه شبيهته التؤم .
احنه قصتنه طويله وصارت ويانه ظروف عيشتنه بوضع صعب لكن بابا كدر يتخطى هاي الظروف ويعيشنه بمستوة بسيط اهل بابا ناس اغنياء جدا ومن كثر غناهم صار عدهم نوع من التكبر هلى الماس الفقراء يعني جانو يستعارون من الناس الفقرة جدو ابو بابا جانت عنده اراضي وكيعان وعنده شركات فجان مشغله ولده كلمن شغله معينه جدو عنده اربع اولاد عمي راهي الكبير وهذا جان ميتحاجه وعمي زهير وهذا كظاهة كله سفرات وكاطع عن العالم الخارجي كله اما عمي راضي هذا انسان حنون لكن دائما مشغول يجينه كل شهر مرة مرات الحك اشوفه ومرات لا فصدفة التقي بيه فجنت افرح من اشوفه وبابا عادل هو اخر العنقود جان مدلل بيبتي لكن من ماتت بيبتي بابا  تبهذل من بعده جان بابا قبل زواجه من ماما يهتم بالاراضي وجان جدو مسعود ابو ماما يشتغل فلاح باراضي جدي ابو بابا وجان جدي منطي بيت لجدو مسعود هناك بابا جان يروح يشرف على الزرع بيوم من الايام بابا يفتر بالزرع وشاف بنيه جانت تحاول تترس ماي من الساكيه ليش ما فلتت رجله وطاحت بالساكيه وكامت تصيح وتستنجد بابا راح يركض صوب الساكيه ولمن تقرب منه شاف ماما واكعه بيه نزل للساكيه وانقذهة من الغرق ماما من الخوف فقدت الوعي جانت ملثمه وجه ما طالع منه شيء بابا راد يصحيه سحب اللثام من وجه وانصدم

مو ذنبك حلاتك كل ذنب ما بيك
لاكن صووج گلبي لما يگدر يصبر..
شگد ردت أكتفي بالنظرة الأولى وياك..
أغمض والفصوص من الجفن تطفر
يا نظرة برائه تضل برائه وياك
أذا نضراتي چانت بالجلد تحفر ....

لمن شاف بنيه ايه من الجمال وجه مدور وخدود ريانه وعيون واسعه سودة ورموش طوال وبياض مثل بياض الحليب هنا بابا تخبل وابتعد عنه هي صحت وعاينت عليه ولفت وجه بسرعه تشكرت منه لان نقذه وحاولت تكوم تروح لاهله صاح بابا وراهة يبت الناس اني من الانس لو جن
...:التفت اله وكالت انه من البشر يا ابن الناس
عادل :يعني اكو بشر هيج خاف انتي ملاك ونازل
........:بضحكه لا يا ابن الناس ارجع لعكلك ترة ماكو ملاك بالارض انه من هاي الديرة واهلي ناس اجاويد وراحت واخذت قلب بابا
وظل بابا يدور ويستفسر الى ان عرف هاي نبعه بنت جدو سعود كام بابا يوميه يروح للساكيه حتى يشوفه وهي تاخذ مي وجان يتمنى توكع حتى ينقذه مرةةثانيه وجان يشوفه تجي هي وبنات من عمره بس كلبه جان دليله عليه جان يميزه من بين ميه حس بابا ان روحه تعلكت بنبعه وما راح يتزوج غيره وبيومه وكف نبعه بالطريق
عادل :يا نبعه اني كلبي هاويج
نبعه :يا ابن ناس اذا انت هاويني ذاك بيت ابوي لا تجي مثل الحرامي
عادل :عفا عليج يا بنت الناسىوانه رجال وكد كلمتي بس ردت موافقتج قبل لا اخطب
نبعه :ابتسمت وراحت وبهاي ابتسامته سهام نبتن بصدر بابا وخلنه يذوب بحبه وفعلا بابا راح لجدو وفاتحه بالموضوع لكن جدو عارضه وما قبل منه وحاول بابا اكثر من مرة وكل محاوله يحاوله تفشل بعده بابا ترك البيت وراح زعلان وشكد حاول جدو يرجعه لكن ما قبل،، بالاخير جدي وافق بس بشرط

البارت قصير لكن هذي بداية اتمنى لكم قراءة ممتعه
احبكم متابعيني
😍😍😍😍
لاتنسو اضغطو على نجمه
وعلقو بأي شيء كتشجيع الي
شكررررررراً
باااي