🔞حكايات القدر 🔞

البارت السابع عشر

هلو متابعيني ورجعت الكم وبارت جديد
🌛أعز الناس🌜:
❤أدام الله:
السكينة في قلوبكم
والسعادة في بيوتكم
والصحة في أبدانكم
والتوفيق في حياتكم 
والأمن في دروبكم
والبركة في ارزاقكم
وجعل الله ذكره لا يفارق ألسنتكم. 
وجعل الفردوس مستقرا لكم ولوالديكم  وذريتكم  وأهليكم
وكل عزيزٍ وغالٍ عليكم.

أسأل الله أن يجعل هذا اليوم خيراًٍ لكم مكفراً للخطايا فاتحاً للأرزاق مملوءاً بالأجر مصحوباً بالعافية مختوماً بالمغفرة.
         
          اللهم آمين
🍒🍒🍒🍒🍒🍒🍒🍒🍒🍒🍒

واحنه بهذا الوضع اني كنت راغب بيه وهي تحاول تدفعني بيديهة الناعمه بعدني ابوس بيه ما حسيت اله الباب انفتح بسرعه وسمعت صوت من وراي يكول :شنو هاي شدا اسوي هنا ؟😡😡
اني بسرعه ابتعدت عنه وهي ظلت تعدل بنفسه بس ما اهتميت لان اني ما مسوي شيء غلط زوجتي والي حق بيه
اوس :شنو شكو
نسمه :انت شنو هذا تصرفك
درة خلت وطلعت بسرعه من الغرفه خجلانه بدون متحجي اي كلمه
اوس :والله اعتقد ما تصرفت تصرف غلط بعدين انتي شلون تفتحين الباب بهذي الطريقه مو اكو اختراع اسمه باب ويندك
نسمه :والله يا استاذ اوس انت كاعد بغرفتي والمفروض متدخل بمكان مو الك
اوس :اسمعي لج اني ادخل بأي مكان يعجبني وانتي مالج دخل فهمتي لو لا ويلا  وخري منا 
خليت وطلعت وهي ظلت تهز بيدهة
رحت لامي اخذت الصينيه منه وصعدت لغرفتي فوك لكيت سرى نايمه 😴😴😴😴😴😴ورايحه بسابعه نومه كعدته ردت ماكو اخر شيء تغديت وعفت غداهة غطيته ونزلت جوة مريت من يم غرفة نسمه اسمع صوتهن يشاقن ويلعبن سوة
جان صوتهن حلو  سمعت درة تغني وهنه فرحانات
اسمعهة تغني لاسراء الاصيل  اهز ايدي  على الربيته بين ايدي واللي انطيته حنيتي اهز ايدي
اهز اييييدي على النساي على الناكر على اللي بالجذب شاطر اهز ايدي
سمعت وراهة نسمه غنت بصوت عالي اجتك طايرة الونه وبيده مخده شمرته على درة ودرة فتحت الباب وطلعت تركض مثل الطفله بدون ما تنتبه الي انصدمت بيه لحد ما صارت كله بحضني ونسمه تركض وراهة  ويضحكن من شافتني درة سحبت نفسه مني اني من وكعت بحضني ما صدكت اخذته بين ايديه ولميته لصدري عبالك رايد فرصه حتى اخذه لحضني واظمه بين اضلاعي  من ابتعدت مني حسيت بيهة اخذت روحي وياهة رفعت راسه الي وكالت بخجل اني اسفه
اوس حجيت بهمس :لاعادي ولايهمج
اول مرة احجي هيج وياهة بدون عصبيه هي دخلت جوة واسمعه تكول لنسمه ها ارتاحيتي خليتيني انصدم بالوحش صراحه حيل ضجت من نفسي يعني درة هيج شايفتني وحش
بس حقه اني اللي سويته بيهة مو شويه
رجعت لغرفتي لان مليت وين اروح دخلت للغرفه لكيت سرى على فد نومه فتحت التلفزيون اكلب بيه وطلعت نفس الاغنيه حسيت بنفسي اسمعه واني مبتسم تذكرت درة وصوته وغنائة ومن طلعت تركض وانصدمت بيه ما اعرف ليش صاير افكر بيهة اوووف

درة من طلعت اركض من يم اوس لحكتني نسمه واكلت كلبي عبالك اني جنت ابوس باخوهة مو هو
دخلت اليه رزلتني رزاله معدله وحذرتني اتقرب منه وذكرتني باللي سواه الي
كلت اله والله ما ناسيه بس هو
نسمه :هو شنو اني ليش متسيطرين على نفسج ابعديه عنج
درة :ولج شسيطر اليسمعج يكول اني اعتديت عليه لو اغتصبته مو هو اللي هجم عليه مثل الوحش
نسمه :اي وانتي ما صدكتي اتلقيت البوسات بكل رحابت صدر
درة بشقه :شسوي انتم متيهين ولدكم متكولون بنات بالبيت 
نسمه :ولج شبيج انتي ما عندج اخوان متخافين على ولد العالم
درة :😂😂😂😂😂😂هم ولد العالم ميكعدون راحه ويثبتون بغرفه وحده
نسمه :ههههههه خرب يومج كمت اخاف على اخويه منج
درة :ههههه لا بالله 
وكعدنه بالغرفه نتشاقه ونغني جنت واكفه على السرير واكمز واغني لاسراء الاصيل
اهز ايدي على اللي ربيته
بعدني اغني مخلصت الاغنيه ما حسيت اله نسمه شايله المخده وتركض ورايه شمرت الولى وهي تكلي اجتك طايرة الونه اني طفرت وركض للباب ردت اشرد منهة عيني عليه ورايه ما انتبهت   منو كدامي ما حسيت نفسي اله واني بأحضان اوس اللي بدوره ما قصر بسرعه اخذني بالاحضان اني بسرعه ابتعدت عنه وكلت اله اسفه استغربت رد عليه بهدوء بدون عصبيه كلي لا عادي ولا يهمج عفته ورجعت للغرفه ظليت اركض ورة نسمه لان بسببه صار ويايه هيج 
وراهة نزلنه نجهز العشه كل وحده تسوي شغله بين سوالف وشقه متونسين لشويه ونزلت سرى بيده الصينيه مال الغده دخلت سلمت
سرى :هلوو
الجميع ظل مشغول ما منتبهين اله
سرى :عيني ردو السلام لله
نسمه بسخريه :هلوو ورحمة الله وبركاته
سرى :عود شنو حظرتج تستهزئين
نسمه ذبت السجينه اللي جانت تسوي بيه زلاطه وكالت :اللهم طولج يا روح مو ردينه عليج السلام بعد شتردين  نوكف استعداد لحظرتج
سرى هزت ايده وكالت :والله يا الله والتفت الي من شافتني وجهة انعقج ها هلا ست درة منورة
درة :النور نورج بنت عمي
سرى :ههههههههاي انتي بت عمي غير اطم روحي
نسمه :لعد طمي روحج لان ترضين ما ترضين هاي بنت عمج وتاج راسج
سرى :هههههههاي منو تاج راسي هذي
درة :ليش شبيه اني اشو انتي ما تحترمين
نسمه :سرى ترة عيب هذا الحجي استحي شويه
سرى :على كيفجن عيني اكلتني بكشوري هو اني شكلت
نسمه :اكلج انتي جايه هنا شمحتاجه
سرى :حبيبتي قابل اني غريبه وداخله عليجن اشو هو بيت زوجي وبيت عمي هم
نسمه :كولي شتردين بعدين ذني مواعينج اللي اكلتي بيهن غسلهين بسرعه احنه مو خدم عندج
سرى :حبي ذني المواعين اليه اني واخوج واني عروس بشهر العسل ميصير اغسل مواعين خلي ضرتي المصونه وتاشر على درة هي تغسلهن
نسمه :درة ما تغسلهن وبعدين هي ما تشتغل عندج
سرى :ههههههههههه ما تشتغل عندي حبيبتي حجايه مني اخليه تصير  خدامه جوة رجلي فهمتي لو لا
الام :شو جنج متحشمين احد انتي ما تستحين شنو هل الاسلوب مو عيب
درة :عمه عوفيه  معليج بيه احنه منريد مشاكل
سرى تقربت على درة وجرته من ايده حيل ولج يا هي اللي تسوي مشاكل
درة سحبت ايدي منهة ودفعته على كيف عني اشو هذي كامت نكشت شعرهة كدامنه وشككت من ثوبه بمكانات مختلفه وكامت تعيط على اوس
اوووووووس اوووووووس الحكلي موتوني وسوت روحهة خايفه وخاتله بمكان ضيك بالمطبخ عود احنه جاي نضرب بيه وسوت روحه ترجف من الخوف احنه ظلينه مصدومين من تصرفهة ووحده تعاين على الثانيه وهيه بعدهة على صوت واحد اوسسس الحكلي اووووس راح يموتوني ما حسينه اله اووس بنص المطبخ ويصيح بعالي صوته هذا منو وياج منوو سوة هيجي بيج احجي اشرت بيده عود ترجف هايه هاايه ددرة  هو التفت الي مثل الثور الهايج بدون تفاهم وسحبني من شعري ودك راشديات وكام يغلط عليه ذاك الغلط اللي ما يلبس عليه ثوب عمتي ونسمه رادن يخلصني منه ما كدرن اله لان هو ضخم وعنده عضلات قوي  كام يجيبني منا ويردني منا (يمعود انته فاهم الموضوع غلط ترة اني درة مو كيس ملاكمه حجيت بكلبي ) لحد ما اجاه صوت من وراه صوت عمي اللي سحبني من ايده والتفت اله بعصبيه وهو يأشر بصبعه بتحذير اسبوع بس اسبوع الك تطلع من البيت وتطلك درة وبعد ما الك اي شيء يمه
شفت اوس رفع راسه بصدمه لعمي ومن كثر العصبيه كام جسمه كله يرجف وهو يصيح والله طلاك ما اطلك درة مرتي واني حر بيه انتم مالكم شغل بينه 
راضي :تطلكه وغصبا ما عليك باجر ارفع عليك قضيه وابهذلك وكل حقوقه اطلعهن منك  فهمت لو لا
والتفت لدرة وكال كومي بنيتي روحي للغرفه ارتاحي
درة :صار عمو
عفتهم وطلعت واوس اخذ مرته الذيبه وصعدت وياه اسمعه يكول اله ها حبيبتي بيج شيءمتاذيه اخذج للدكتور وهي تعوج بحلكه وتكله الله يكسر ايده اذتني
اوس :ولايهمج حبي اخذتلج حقج منه
سرى :بعد عمري اووسي شعندي غيرك لوما انته جان موتتني هاي بنت الفلاحه
اوس :غير اذا اذتج معناهة حفرت كبرهة بيده
صراحه حيل انقهرت منه ومن كلامه وهاي العوجه لو ضاربته جان ما انقهرت عاد اكول اني العايله
المهم خلص اليوم بالف ياويل ثاني يوم كعدت الصبح شفت البيت هدوء فتحت الباب اريد اروح اغسل وجهي اكو مقابيل الحمام مغسله بيه مرايه اللي يجي من الممر يشوف هذا اللي يغسل بالمغسله واني اغسل  ملتهيه بغسل وجهي واني اشوف اثر اصابعه مطبوعه بوجهي وصايره حمرة اوووف مو ايد تكول طابوكه احجي ويه نفسي ما حسيت اله واحد واكف ورايه منتجي على الباب وشابك ايديه سوة ويعاين عليه وكال :انكسرت ايده المده عليج
درة بارتباك : هااا لااا ممموو
اوس تقربت عليه وهي تريد تحجي كلمه مفهومه ماكو كلامه كله مو واضح تقربت منه لزمت خدهة بيدي وظليت امرر اصابعي على وجه الناعم نزلت لركبته وهمست بذنه اني اسفه لان اذيتج
درة بارتباك :لا لا تتاسف بس 
بعدني ما كملت كلامي قطع صوتي ببوسه طويله لحد ما حسيت النفس ضاك عليه  ابتعد عني  شويه وسحبني من حنجي وقرب خدي منه ويلمس الاثر بصابعه ويكلي هذا اني اذيتج يا روحي صراحه  ظليت صافنه عليه لمن يكون يمي احسه مو اوس واحد ثاني شنو اللي غيره ولما تتقرب منه سرى احسه يصير وحش يسحك اليابس والاخضر 
كلش باتصالك واضح الصوت ...
بس مو واضحه كلش نبرتك
فرق كلش چبير ابين الاثنين
حرورة دمعي وبرودة ضحكتك

حبيبي تدلل ادري تريدني أنساك
عفوا قصدي تتدلل حضرتك ....
  سمعنه صوت سرى وهي تنادي عليه هو تركني وراح بعده ما دخل غرفته جنت واكفه واعاين عليه التفت الي غمزلي وابتسم ودخل جوة بس احس روحي انسحبت وياه صح يأذيني بس ما اعرف ليش كل كياني يتخربط من اكون وياه
مشيت للغرفه بدلت ونزلت جوة تريكت ويه بيت عمي من خلصنه ريوك لمينه المطبخ وطلعنه ونزلت سرى عود تسوي ريوك لرجله  خابصه المطبخ خبص اظاهر متعرف كولشي دخلت عمتي عليه وهي تطبخ كامت تدردم عليه وهي لسانه شطوله عمتي ما طولت شويه وطلعت تكول خاف تتبلى عليه مابيه حيل مشاكله
بعدنه كاعدين نسولف ودخل عمي يصيح اوووس اوووس اووس

يتبع
نلتقيكم غدا ان شاء الله
بنات اعرف البارت قصير لان هي القصه ما راح تطول كله كم يوم وتخلص لذلك اكتب بارت قصير
تحياتي لمتابعاتي الحلوات
بااااي
😘😍❤