🔞حكايات القدر 🔞

البارت الثالث عشر /زواج واوجاع

هلو بنات شلونكم  وارجع الكم وبارت جديد واحداث جديده مع ابطالنه
🍒🍒🍒🍒🍒
تم زواجي من اوس بس زواجنه كان عبارة عن حبر على ورق بليلة زواجنه الاولى المفروض تكون احلى ليلة تعيشه البنت ويه زوجه وابو بيته للمستقبل لكن اني كان زواجي يختلف ما كان زواج كان عبارة عن انتقام بس انتقام لشنو ما اعرف ومن منو الانتقام طبعا مني الشيء الوحيد اللي ما عرفته هو ليش اوس جان يريد ينتقم مني شنو الذنب اللي سويته مكنت اعرف كل اللي اسمعه منه كله من وراج خسرت حبي ،بيوم زواجنه دخلت عمتي ونسمه ويايه للغرفه جابت الي الثوب الابيض وطلبت مني ابدل نزعت البدله ولبست الثوب الابيض ورة شويه طلعت عمتي وبقيت وحدي بالغرفه كنت محرجه من الثوب اللي لبسته لان كان كولشي مبين منه كنت خجلانه شلون راح ابقى هيج ويه اوس واني بالغرفه سمعت برة هوسه وصياح وعياط مفهمت شيء وراهة دخل عليه اوس نظرات عيونه كانت تفسر الشر كوله عيونه حمر وصاير نار عصبي دفع الباب بقوة ودخل عليه وسحلني من شعري ولطخني بالكاع رفعت نفسي ما كان بهمي الضرب اللي يضربني بيه كان كل عمي استر نفسي كام يدورني بديه واني احاول افلت نفسي منه بس وين هو كان كلش ضخم ومربي عضلات عبالك مربيهن الي من حلات روحي كمت ازحف وهو سحلني من رجلي ودارني على ظهري وكعد على بطني يضرب بيه طاح الي راشديات ظليت ساكته لان جانت ماما توصينه ميصير البنت يطلع صوته لان صوت المرة عورة فظليت بالعه وجعي ببلعومي وساكته جانت دموعي هي اللي تحجي قصة المي ووجعي كنت احاول احتمي بيديه ظل يضرب بيه ويكز على سنونه ويكلي كله من وراج انتي السبب كله من وراج بعده هدأة وكام عني مدري تعب وكام شفته فتح الباب وطلع واني سحبت نفسي وسديت الباب عليه ورحت طلعت الي ملابس ودخلت للحمام وقفلته عليه فتحت الدوش وكعدت جواه جانت كل قطرة تنزل تكون شاهده على الالمي واوجاعي  ظليت جوة الدوش ردت شويه جسمي يرتاح ودموعي تنزل براحته اطلقت سراحهن تمنيت اصرخ باعلى صوت بس مكدرت حبست صرخاتي اللي كانت تضرب بكلبي بكل قسوة ظميت الا ااااااااه اللي تمنيت اطلعه بس مكدرت اطلع خلصت سبح توضيت ورحت لبست جادر الصلاة وتجهت لرب العالمين وصليت ركعتين لان ماما جانت تكول كلما يضيق صدرج توجهي لرب العالمين بركعتين وربج يفرجه ظليت كاعده اصلي بعدين دعيت بصوت هادئة اللهم اني لا اسئلك رد القضاء ولكني اسئلك اللطفه فيه برحمتك يا ارحم الراحمين  ربي اسئلك خير ما في هذا اليوم وخير ما بعده فاني لاطاقة لي على بلائك الطف بي يا الله واهدي لي زوجي سمعت حركه ورايه بس من خلصتصلاة التفتت مشفت احد بس شفت الباب مفتوح كمت سديت الباب ونزعت الجادر ولبست تراك مستور وحت للمرايه حتى امشط شعري عاينت على المرايه خفت من المنظر اللي شفته صراحه ما عرفت نفسي عبالي زومبي كاعده بالمرايه وجهي صاير خرايط من الضرب وملامح وجهي كله متغيرة رحت طلعت ثلج من الثلاجه وخليته بالربطهمالتي شديته وكمت اخليه على الاماكن اللي مورمه بلكت تخف الكدمات  بقيت بهيج حاله لحد ساعه ١٢ بالليل انفتح الباب ودخل اوس جنت كاعده طفرت من مكاني ورحت باطراف الغرفه وكفت خفت لا يرجع يضربني ظل واكف ويعاين عليه بس لا هالمرة نظرته جانت تختلف صح عصبي بس مو مثل قبل شويه بعده رفع اصبعه بتهديد وكلي :سمعي لج لا عبالج انتي عروس ومرتي ومصدكه نفسج لا ترجيه وشيليهة من اذنج عشم ابليس بالجنه وحده مثلج انتي تصير مرت الطيار اوس راضي محمد خلي ببالج كدام الناس مرتي وبيني وبينج كلمن بطريق وصاح بصوت عالي فااااااهمه
درة بخوف وارتباك :ااءااي ف ف اه مه فاهمه
اوس :من اليوم انتي تنامين هنا يم السرير بالكاع واني على السرير وخليج دومج قريبه من السرير خاف احتاج شيء ومتسمعيني
درة :ااءي ص ص ااار صار
يلا فرشي لنفسج ونامي
طفرت من كدامه رحت طلعت فراش ومخده وغطه تغطيت ونمت حسيت بيه يتحرك بالغرفه ويتأفف واني ارعش من الخوف لو يذبحوني قطرة دم ميلكون بيه  المهم سمعته دخل للحمام وسبح بعده رجع ظل يكلب بالموبايل وراهة طفاه ونام لحد ما حسيت نفسه ثكل اله امنت وكدرت انام
✍نحتاج احيانا الي هدوء تام داخلنا..فالقلوب احيانا تحتاج الي ان تهدأ حتي تبدأ من جديد..والعقل يحتاج ان يهدأ حتي ينجز الكثير...
اني لاظل عندي قلب ولا عقل من الخوف  كعدت الصبح قبله عفته نايم وخليت خافي عيوب على وجهي حتى اخفي هاللي اكدر عليه ونزلت جوة من شافتني عمتي صبحت عليه :صباح الخير عمه
درة :صباح الورد  يا عمتي الغاليه
العمه :مبروك حبيبتي
درة :الله يبارك بيج عمه ان شاء الله يوم لنسمه (بكلبي بس كون مو نفس ليلتي لان هيج ليله تخلي البنت تفكر الف مرة اله توافق 😭😭😭😭😭)
العمه :تسلمين بنيتي ،بس يا عمه بعدج عروس ليش نازله ميصير هيج
درة :ميخالف عمه بعدين واذا عروس شنو العروس متشتغل
العمه :لا عمه بس شيكولون الناس
درة :عمه عوفج من كلام الناس ،الناس كولشي تحجي خليني احظر ريوك الكم والله كريم
العمه :الله يكملج بعقلج يبنتي الله يرحمه امج عرفت شلون تربي
درة :تسلمين عمه ربي يحفظج
رحت سويت ريوك وجهزته الهم دخلت نسمه بارت الي وانتبهت لوجهي هاي شنو هاي شنو
درة ظليت افر براسي بسلا انتبهت لوجهي :شنو شكو
نسمه :شوف اخويه شمسوي بيج اويلي شكد وكح اخويه حقه اكو واحد يعوف هيج حلويات
درة :ضحكت بخجل وسويت روحي اشتغل (بكلبي يا وكاحه البارحه اخوج سواني كيس مال ملاكمه 😬)
اوس البارحه من سوينه العرس اتصلت عليه سرى كسرت كلبي وهي تبجي
سرى :الوووو هااا اوسي اليوم زواجك
اوس :اس سرى اليوم
سرى :شلون ينطيك كلبك غيري تشاركك حياتي
اوس :انتي تعرفين الوضع اللي انخلينه بيه وثنينه مجبورين
سرى :اعرف كله من هاي ام السحورة يمكن ساحره لاهلك هل اكلت عقلهم هيج
اوس :والله اليوم ما اخلي هاي الليله تعدي عليه بخير اني اعلمه
سرى :حبيبي وسوت روحه تبجي اهىء اهىء
اوس :شبيج حبي صدك تبجين من ورة هاي الساقطه
سرى :لا حبيبي اني ابجي على حظنه
اوس :اووووف والله اليوم احرك الجو عليهم وعليهة لو اعرف شمسويه الهم وهيج يحبوهة
سرى: تعرف اني حيل مقهورة المفروض اني هسه وياك مو هي
اوس :انتي صدك تحجين والله وغلاتج اضفر ما المس منه ولا يوم واحد راح اعتبره مرة الي ختولي هاي بت الفلاحه تروح فدوة الج ولطولج
سرى بدلع :فديت حبيبي ، هسه حبي شراح تسوي اله ؟
اوس :راح اكرهة بعيشته شسوي يعني
سرى :اهىء اهىء فديتك حبيبي وفيت بوعدك الي
يلا حبيبي براحتك انت عريس ميصير ازعجك وسدت الخط
سرور :انتي متخافين ربج ليش هيج تسوين انتي اصلا متحبي لاوس ليش تخربين حياته وهاي اليتيمه شنو ذنبه
سرى :الصمي يلا سدي حلكج ولا تكول اختي بسلا هم ساحرتلج
سرور :دخيل الله انتي شنو من بشر ولج خافي ربج وراج حساب وكتاب
سرى :بلله متوخرين عني الحاجه فتنه
سرور :هاي يتيمه خاف حوبته متخطيج اتقي الله
سرى :شو دوخري وخري عني وعافته وطلعت
سرور :شكول غير بس الله يهديج 
اوس ورة ما غلقت الاتصال وياهة شربت باكيت جكاير من القهر سمعت بابا وماما يمدحون بدرة ويذمون بسرى حيل انقهرت خاصه من سمعت امي تكول همزين خلصنه  من سرى وابويه يكول اله اي اني رحت لراهي وهددته يبعد بنته عن ابني ام اوس :اي عاشت ايدك همزين خلصتنه منه
كلت لعد كلام سرى صحيح هي ضحت بحبنه علمود متصير مشاكل بيني وبين اهلي بسبب هذا الموضوع دخلت تعاركت ويه اهلي وكمت اعيط عليهم وهاي اول مرة اسوي هيج حيل انقهرت من تصرفهم ويايه هيج ليش شمسوي الهم وهيج يسون ويايه كمت احجس عليهم وكلت الهم انتم ورطتوني ببنت الفلاحه اني اعلمكم اله اخليكم تندمون على اللي سوتو الي وهاي بت الفلاحه  اله اندمه
راضي :يا اوس اذا اذيت درة ما تلوم اله نفسك فهمت لو لا اياني واياك تأذي درة
اوس :والله زين وصفيت ويه بت الفلاحه عليه بسيطه بابا وهاي بت الفلاحه اني ما اريده بس مخليه بس خدامه الي حتى تعرف مقامه زين وسرى ازوجه يعني ازوجه 
راضي :روح تزوج سرى بس بيوم زواجك من سرى اخذ درة منك واحرمك منه واخليك تندم على الساعه السودة اللي تخليت بيه عن درة لخاطر سرى
اوس :اصلا درة متهمني ولا افكر بيه كد الشعر تروح فدوة لسرى ولطول سرى
راضي :اني هسه ما احجي بس يجي يوم تندم على هذا كلامك كله بس ساعته تكون خسرت كلشي
عفت بابا وصعدت للغرفه شفته لابسه ثوب نوم عباله تغريني بهذا لبسه السافله مصدكه نفسه عروسه لزمته ركعته بالكاع وخلصته خلاص لحد ما صارت زركه من الضرب بعده خفت لاتموت بيدي عفته وطلعت من رجعت سمعته تدعي تصورت تدعي عليه كلت اله اخلصه خلاص هالمرة بس استغربت وهي كاعده تحجي بصوت ناصي وعبرته كلش قويه مبينه لسه تبجي كانت تدعي اليه مو عليه صفنت شنو من انسانه هاي لو وحده غيره على هذا الكتل تحتار شسوي واللي زاد استغرابي واني اكتل بيه جانت ساده حلكه وتعصر بنفسه حيل ولاصاحت ولا صرخت وهو هذا اللي خلاني اتشجع واضربه اكثر لحد ما شفت قوته للمقاومه قلت ومثل اللي فقدت عفته وطلعت عجيبه هاي البنت شنو من طاقه اله بعده من شفته تصلي خليت وطلعت رجعت ساعه ١٢ كلت اله تفرش وتنام بصف سريري خاف احتاج منه شيء وفعلا نامت ثاني يوم الصبح نزلت سمعت اختي تحجي عن الكدمات عباله بسبب وكاحه عاطفيه مني ظليت انتظر اعرف شنو رد درة كلت بلكت تتورط وتحجي اسرار غرفتنه اله او تشتكي مني بس الغريب هم محجت شيء ولا علقت وتصنعت ابتسامه خفيفه بخجل خبلتني تصرفاته هي تخطط لشيء ؟لو هي طبيعته هيج ؟ما اعرف احتاريت بيه
نزلت كلت :صباح الخير
الجميع :صباح النور
اوس :ها حبيبتي انتي هنا واني ادور عليج شلون تنزلين بدوني
درة من كلي هيج ظليت صافنه مثل الهبله ردت اتلافت يمنه ويسرى اشوف ويامن يحجي طلعت اني واكفه كدامه جاوبته :لا مو شفتك نايم كلت اخليك براحتك لحد ما تكعد من وحدك
تقرب مني وباسني بكصتي وكلي :تسلميلي حبي فديت مرتي العاقله الحنونه يلا تعالي نتريك سوة
سحبني من ايدي وكعدني يمه والله عجيب امره تصرفاته راح تخبلني لا هو انسان عاقل ولا مجنون الله يعديه على خير وياه  ان شاء الله  الله  يهديه
واحنه كاعدين اجاه اتصال من القاعده طلبو منه يجي بسرعه كام من الريوك وصاح درة بسرعه جهزيلي ملابسي راح اطلع رحت اركض كدامه حظرت اله ملابسه وجهزتهن اله هو بدل وسلم على اهله وعلى الكل وطلع بس ما اعرف ليش خفت عليه صح هو قاسي ومو زين ويايه بس حيل انقهرت عليه اخذت دولكت ماي وطلعت اركض وراه ذبيت ماي حتى يرجع بسلامه هو صعد بالسيارة وراح بوكته جانت الاوضاع مو زينه جانو داعش هاجمين على العراق  بقى اسبوع وهو يتصل بأهله ويطمنهم عن وضعه باليوم الثامن اتصلنه بيه كال هو بخير بعده اختفى ماكو اله اي اثر ظلينه نتصل بيه حاولنه ما حصلنه خبر عنه بقينه بقلق بقه ورة اخر اتصال اله اربع ايام هو ماكو بقينه نتصل بالقاعده مالته ماكو خبر عنه لحد هذا اليوم من غيابه لهذا اليوم مضى اسبوع تقريبا واجانه اتصال من رقم غريب
.....مرحبا
راضي :هلا عمي مراحب
..........
راضي :شلوووووووون 😰😰😰😰😰😰

يتبع  .........

نلتقيكم في وقت لاحق بنات احتمال اتوقف عن نشر القصه لان راح يخلص اشتراكي 😭😭😭😭😭
ادعولي يفعلون النت راح اشتاق الكم حبيباتي متابعاتي
احبجن كووووومه
😍😍😍😍😍
😘😘😘😘
❤❤❤
😻😻
🤩