🔞حكايات القدر 🔞

البارت الحادي والعشرون

لمن رفعت راسي انصدمت شفت ولد ايه من الجمال طول بعرض بوجه سمح مبتسم بس جانت ابتسامته غريب جانت عيونه ذبلانه وفاك حلكه مفهي عليه اني صافنه عليه ولسه مخليه ايدي بيديه بعده صديقتي تحنحنت اني انتبهت هديت ايده وكتله اسفه ورحت بين الطلبه اتخطى بخطوات سريعه اما بالنسبه للولد ما اعرف شصار وياه بس صديقتي كلتلي ظل صافن وواكف بنفس المكان

راح اعرفكم اني منو اللي انصدمت بيه درة وهي فعلا درة نادرة اني عمر طالب كليه الحقوق جنت جاي زيارة لصديق الي واني هنا معروف الكل يعرفني جنت اعرف بنت وحبيته حب ماكو مثله بس للاسف البنت اكتشفته هي مو راحه وبنفس الوقت انسانه طماعه تحب المادة اكثر من كل شيء وبعده سمعت بيه مرتبطه بعامر وهالشيء حيل اذاني ساعته فهمت هي فعلا تدور مادة زواجه ما استمر وياه فترة طويله وطلكه بعده خلت العده تنتهي تزوجت ابن عمه كنت متابع اخباره بس مو حبا بيه لا لان هي طلعت من نفسي بعد ما اكتشفت حقيقته لان تعذبت هواي بسببه حتى اهلي حاربتهم علموده  وبسببه تركت الدوام وهاي السنه رجعت كنا متجمعين كلنه بالجامعه وواحد من اصدقائي طلب مني نروح على كلية الطب نزور صديق النه  ومن وصلنه اقترح علينه نروح للكافتريا حتى نشرب شيء وناكل شيء نسند نفسنه بيه دخلت هناك كعدنه شويه وعجبني اشرب جاي رحت حتر اجيب جاي امشي واحجي ويه صديقي  فجأة نصدمت ببنت جانت شايله بيده جاي حار  ردت اشكفه بيدي   حرك ايدي صحت حيل اااااخ احتركت شفت البنت لزمت ايدي وكامت تنفخ عليه حتى الحرك يبرد ظليت صافن على تصرفاته جانت تتصرف ببرائة وعفويه وانسانيه بقيت اني فاهي على تصرفاته ياربي شنو هاي الغزاله اللي طلعتلي ومنين طلعتي ما اهتميت لحرك ايدي ظليت فاهي عليه وهي مستمرة لحد ما صديقته نبهته على تصرفه هي رفعت راسي بويه شنو من عيون عيونه تكول عيون غزال
عيون المها بين الرصافة والجسر
                            جلبن الهوا من حيث ادري ولا تدري 😍😍😍
هي رفعت نفسه وعدلت روحه وحجت برتباك اني اسفه وانسحبت بسرعه راحت تركض بين الطلبه دخلت بزحمة الطلبه واني على نفس وكفتي اعاين على هاي البنت اللي خطفت عقلي وراحت بعدين صحيت على نفسي وصوت صديقي وسيم يكلي وين رحت عليمن صفنت
عمر :صفنت على هاي الحوريه
وسيم :منو
عمر :هاي البنت اللي حركتني
وسيم :هي من ناحية حوريه فهي صدك حوريه
عمر :كافي لك لا تعاين عليهة هاي الغزاله حصتي بس اريد معلومات عنه اول
وسيم :يا اخي متبطل عوف البنيه بحاله اصلا هاي البنت من افضل البنات بالجامعه عمر عوفه بحاله وكافي بطل من البنات يكفي اللي صار وياك وعذبك
عمر :امشي خلي نطلع منا احس روحي اختنكت

درة الموقف اللي صار ويايه موقف كلش محرج ما حسيت على روحي دائما اتصرف بعفويه وبغباء ولاتكول طالبة بالطبيه والمفروض اكون نبهة شلون هيج تصرفت كان المفروض اكون اكثر وعي ظليت الوم نفسي حتى جاي ماشربت من ورة الموقف اللي صار خلاني اطلع شاردة من الكافتريا واحجي ويه روحي رحت كملت المحاضرات وهذا الشاب بعد شفته ولا التقيت بيه ورة ما انتهيت رحت للشقه اللي مأجرينهة كعدت بيهة  ظليت ادرس لان جان عندي امتحان صعب لازم احظره بعد اتصلت بنسمه حتى اتطمن عليهم الحمد لله طمنتني البيت هادىء وسرى لسه بيت اهله واوس لسه ما راجع من الدوام بعده سديت الخط وياهة وحطيت راسي ونمت