مجرد اختلافات

البارت ٢

ردام: ااا ببسس دادعدل الشال
انتبهت لنفسها وعدلته : شكرا
وكفت وطلعت انتضر بباب الردهة طلعت جكايري وكعدت ادخن واني اباوع من الشباك
الجندي : سيدي نرجع للسيطرة لو ننتظر
نداريت باوعتلة: ارجعو واني الحككم عود
الجندي :امرك سيدي
ندااريت اباوع من الشباك سمعت وراي صوت رجال يسأل : الاء شاكر وين
نداريت رجال لابس قاط مبين بنهاية الاربعين وويا مرة ببداية الاربعين كاشخة وخايفة عرفتهم اهلها وهمه يسألون ممرض على الاء طفيت الجكارة وذبيتها بالسلة وتقدمت منهم ومديت ايدي اسلم على ابوها
ردام:السلام عليكم ابو الاء
ابو الاء مد ايدة : وعليكم السلام اي الاء وين
ردام: تفضل منا
مشيت كدامهم وهمه وياي دخلنا للردهة المرة من شافتها كبل ركضت عليها باوعتلها من شافت امها حضنتها وكامت تبجي وتشهك تقدم ابوها ويمسح على راسها هي ندارتله وتبجي بحضنه اني واكف اباوعلهم هدئت شوية واجة ابوها علية
ابو الاء: ماعرف شلون اتشكرك على مساعدتك وغيرتك
ردام: ماصار شي واجبي هذا
ابو الاء:تعبناك ويانه تسلم متقصر رحم الله والديك اخذ راحتك هذا هو بقت يمنا شغلناك ويانه
ردام: لا ولو ماصار شي الحمد لله على سلامتها اي شي تحتاجة اني بالخدمة ورقمي موجود يمك
ابو الاء:ان شاء الله حضرة الضابط اا تعبناك ويانة
ردام: اسمي ردام يلة اني اترخص
ابو الاء :الله وياك
تقدمت ع السدية الي نايمة عليها
ردام: يلة الاء ان رايح مابيج غير العافية
الاء: شكرا لان ساعدتني
ابتسمت بوجها ونداريت ل امها: حمد لله على سلامتها
ام الاء: الله يسلمك وشكرا لان ساعدتها
ردام: يلة مع السلامة
الكل : الله وياك
نداريت داطلع
الاء: ردام
نداريت باوعتلها
الاء: جاكيتك نسيته
ابتسمتلها: لا عوفي
باوعت لابوها: ياريت من تطلع تطمني عليها
ابو الاء: ان شاء الله
طلعت من الردهة ومن المستشفى صعدت سيارتي ورجعت للسيطرة الشرطة جايين ع السيارة وهوسة بعدهم ويحققون سحبو السيارة وراحو للعصر يلة فض كل شي كمل اليوم عادي بال٨ بليل ابتعدت عن السيطرة ورحت ليغاد وكفت واني اورث جكارتي طلعت جهازي واتصلت ب رقم والدها رد عليه
ردام: السلام عليكم ابو الاء
ابو الاء: وعليكم السلام اهلا سيدي
ردام: بس حبيت اطمئن على الاء شلون صارت
ابو الاء: الحمد لله احسن طلعناها من المستشفى
ردام: الحمد لله على سلامتها
ابو الاء : الله يسلمك
ردام: اي شي تحتاجة اني موجود
ابو الاء: تسلم متقصر
ردام: يلة عيني اخذ راحتك
ابو الاء: الله وياك سيدي
سديت الجهاز وصفنت واني اتذكر عيونها خضر وبشرتها حنطاوية وشعرها اسود مرت اقل النص ساعة واني صافن تاليها طفيت جكارتي ورحت للسيطرة لثاني يوم بالخمسة ونص نزلت للبيت فتحت الباب ودخلت للبيت لكيت الوالدة كاعدة وتقرأ قرآن
ردام:صباح الخير يمة
صدقت وسدت القرآن وندارتلي: يمه هلا بهالصباح توة نور البيت
ابتستمتلها وتقدمت عليها بست راسها وكرفصت كدامها وايدي على رجلها
ردام: شلونها ست الكل
الحجية: جوة رحمة البارئ انت شلونك يمه
ردام: بخير دام انتي بخير يلة يمة اكوم اغسل وارتاح
الحجية: كوم يمة كوم اخذ راحتك
كمت وكفت ودخلت لغرفتي طلعت ملابسي وطلعت للحمام غسلت وبدلت وطلعت شفت رغد بالمطبخ تحظر الريوك دخلت للمطبخ
ردام: صباح الخير رغودة
رغد: صباح الخيرات والورود والياسمين يابة
ردام: هاي المن الريوك
رغد : للكل هههه
ردام: يلة لعد ترة ميت جوع
رغد: يخسه الجوع دقايق وتلكاه حاضر
ردام: يلة يبعد ابوج
طلعت للصالة وسام كاعد ويا امي ضليت كاعدة واحاجيهم اليوم جمعة والكل مجتمع بس بسام بالدوام شوية ونزلت مرت بسام والجهال يركضون قبلها بحضني واني ابوس بيهم صبحت علينا وراحت للمطبخ ويا رغد شوية وجابن الريوك كعدنة نتريك وكمنة كل واحد التهى بسالفة اني كمت نمت لان تعبان كعدت للعصر وهيج مر يومي ثاني يوم رحت للدوام ورجعت للبيت الاحد جان عطلتي الاثنين من رحت ضلت عيني ع الطريق انتضر الخط يفوت والله فعلا بالسبعة وشوية فات الخط وكفته
ردام: صباح الخير شلونك شلون صرت
ابو الخط: الحمد لله بخير سيدي تسلم
ردام: الحمد لله الطلاب شلونهم
ابو الخط : الحمد لله بخير
احجي ويا وعيني تدور على الاء شفتها كاعدة قبل الاخير لابسة زيتوني وايدها مجبرة ابتسمت بوجها ردت الابتسامة
ردام: ماكتلي انت من يا منطقة
ابو الخط: اني من منطقة------
ردام: اها ماشي اخذ راحتك لتتأخر
ابو الخط: مع السلامة سيدي
ردام: الله وياك
طلع الخط وراح ضليت انتضر لل٢ ونص فات الخط رجع هم شفتها كاعدة ابتسمت بوجها  هي هم ابتسمت وراح الخط ثاني يوم مداومت يوم الثالث هم فات الخط ابتسمتلها هم  ابتسمت والورا مداومت وراها داومت الاحد فات الخط الصبح ابتسمتلها بس الغريبة مابتسمت استغربت كلت يجوز ممنتبهة وانتضرت على نار للعصر ٢ وشوية فات الخط هم ابتسمت هم ما ابتسمت لا اكيد اكو شي فات اليوم عادي ثاني يوم كعدت على نار لحد ماخلص اليوم  ثاني يوم اتفقت ويا صديقي الملازم يوكف الخط مالتها صدك والله فات الخط ووكفة علي وكفت قريب من جامتها وابتسمت مابتسمت عكدتلها حاجبي دارت وجهة عجيبة شبيها عفتها وتقدمت ل ابو الخط وهو يحجي ويا الملازم علي
ردام: صباح الخير
ابو الخط: صباح النور اهلا سيدي
ردام: السنوية انطينياها
ابو الخط: ليش سيدي
ردام بعصبية: انطينياها
طلع السنوية بخوف خليتها بجيبي
ردام: من ترجع تعال اخذها
ابو الخط: امرك سيدي
راح الخط
ملازم علي: سيدي ليش اخذت السنوية
ردام: هيج بعدين افهمك
الساعة ٩ ونص رجع الخط فارغ من الكلية وكفها على صفحة ونزل اجاني
ابو الخط: السلام عليكم سيدي
ردام: وعليكم السلام
ابو الخط : سيدي السنوية ضلت يمك
ردام: شو هسه جاي تاخذها مو بنهاية الدوام
ابو الخط: مو عندي مسائي اخذهم لذلك رجعت وكلت اخذها اذا تسمحلي
ردام: اي طبعا بس رايدك بموضوع
ابو الخط:أ أمرني سيدي
ردام: ميأمر عليك ضالم ياريت الي اكولة يبقى بيناتنة
ابو الخط: اكيد سيدي بس كول
ردام: ا ا الاء شاكر وين بيتهم بالضبط
ابو الخط: ليش سيدي
ردام: هيج بس سؤال
ابو الخط: ------------
ردام: ماشي تسلم تعبتك وياي رايد منك بعد شغلة وحدة
ابو الخط : اي اكيد كول سيدي
ردام: اا ريد رقم الاء
ابو الخط: عفوا سيدي
ردام: رقم الاء
ابو الخط: سيدي كلش اعتذر ماكدر والله اهل الطلاب حاطيهم امانة بركبتي ماكدر والله
ردام: حقك والله ادري بس والله نيتي جادة
ابو الخط: والله ماعرف سيدي
ردام: رجاءا
ابو الخط: والله لوما اعرفك صاحب غيرة وانقذتنا وانقذتها جان مسويتها بس فضلك على راسي
ردام :يسلم راسك
ابو الخط : سجل سيدي ٠٧٨٠٠٠٠٠٠٠
ردام: تسلم عمي ياريت هالشي يبقى بينه
ابو الخط : انشاء الله سيدي اني اترخص
ردام : الله وياك
راح ابو الخط واني صافن على نفسي لاول مرة اسويها شهالرخص هذا الي وصلتلة شنو النضرة الي اخذها ابو الخط عني بعد هالتصرف ضليت صافن ع الرقم اجه علية علي
علي: ردام بيك شي
ردام: ها علي لا ماكو شي
علي: ردام مو علية صار شكد اعرفك احجي وين بالك هالايام
ردام: علي انت من منطقة ------- مو
علي: اي ليش
ردام: علي انت اخوية وماضم عليك اكو بنية من منطقتكم اريد اتقدملها بس ماعرف عنها شي
علي: واعز من اخ منية بس كلي واني عد عيناك
ردام: الاء شاكر من حي ال------
علي : شاكر المدرس لو المختار ؟؟
ردام : والله مادري بس رايد تسألي
علي: تدلل
عفت السالفة ل علي واتصالاتة واني افكر بيها صار ٢ ونص فات الخط ابتسمت وهم ما ابتسمت اعصابي فارت ضليت اتكلى على نار هادئة لل ٩ بليل بعد متحملت رحت بعيد عن السيطرة ودكيت رقمها مجاوبت دكيت ثاني مرة هم مجاوبت بالثالثة هم مجاوبت همزين مترد ارقام غريبة دزيت رسالة : جاوبي
اتصلت شوية وردت بس بدون متحجي بس صوت نفسها اسمعة اني هم ساكت انتضرها تحجي مجاوبت بال٣ دقايق هي ساكته بس نفسها عالي مبينة خايفة بصوت كلش ناصي كالت: الو منو
ردام: الو الاء

❤❤❤❤❤❤❤❤❤
الكاتبة: Lamar Alzankna
❤❤❤❤❤❤❤❤❤

فدوة لعمركم اهم الشي التصويت لحد ينسى حتى القصة تصعد ماريد مثل غضب العشق اتعب والتصويت قليل فدوة لعمركم
كل بارت يوصل ٧٥ تصويت انزل بارت جديد وتدللون❤