مجرد اختلافات

البارت ٦

ردام: يا جاكيت
الاء: الي عفته يمي بالمستشفى
ردام: ها بعدة يمج كلت هسه شمرتي لو حركتي
الاء: هههه لا بعدة شلون احركة هذا مال بطلي المنقذ
ردام: ههههه بطلج المنقذ
الاء: اي طبعآ ردام
ردام: ي عيون ردام
الاء: عليمن عيونك هيج حلوات
ردام: ترة استحي ولج
الاء: احجي عاد
ردام: على والدي الله يرحمة
الاء: الله يرحمة
ردام: شلون مركزة بعيوني
الاء: صورتك يمي ودشوفها
ردام: ياصورة
الاء: بجيب الجاكيت لكيت صورتك وبقت يمي
رادم: ايا نذلة كل هالسوالف يمج واني ضال اتخيل عيونج
الاء: هههه مشكلتك
ردام: الاء
الاء: ها
ردام: احببببببج
الاء: امممممم
ردام: احببببببج
الاء: اي افتهمت
ردام : شنو افتهمت وانتي
الاء: شنو اني شبيه
ردام: جاوبي لو بس اني
الاء: ماكدر
ردام: ليش متكدرين
الاء: اخاف
ردام: من شنو تخافين
الاء: من هالكلمة
ردام: راح اضل انتضرها لحد ما اموت
الاء: اسم الله شبيك
ردام: احبج
الاء: اني هم
ردام: انتي هم شنو
الاء: ردااااام لتلح كتلك اخاف
ردام: ماشي افتهمت
سمعت صوتها تتثاوب
ردام: شنو نعسانة
الاء: اي والله نعست حنام
ردام: ماشي حبيبي تصبحين على خير
الاء: حبيبي ههههه اوك وانت بخير
ردام: اي حبيبي ليش مستغربة
الاء: لا هيج
ردام: احجي عادددد
الاء: بس بابا يكلي حبيبي
ردام: مبروك صار عندج ثنين بابا
الاء : لا واحد ويضل واحد انت مو بابا
ردام: لعد شنو اني
الاء: حح
ردام: اي حح كملي
الاء: تصبح ع خير
ردام : وانتي خيري احبج
سدت الجهاز بعد ماسمعت ضحكتها بخفة مطيت جسمي وابتسمت بفرح واخيرا ياربي الف الحمد لله والشكر

نمت واني على حالتي بالحديقة ماحسيت الا الصبح سارة تكعدني
سارة: ردام خوية ردام
فتحت عيوني ورجعت غمضتها وعطست بقوة
سارة: يرحمك الله ليش نايم هنا بارد الجو
فركت عيوني : صباح الخير ام نور
سارة: صباح النور كوم خوية كوم مسوية ريوك جاهز
هزيت راسي اي وكمت وراها باوعت ل جهازي ماكو مكالمات دخلت للبيت وجسمي مكسر عطست اهووو بداية افلاونزا
الحجية: عافيات يمة عافيات شمالك
ردام: صباح الخير يمة مبين الفلاونزا لزمتني
الحجية: وانت شصاير عليك يا يمة تنام بهالبرد بالشارع
ردام: ههههه يلة حجية صارت بعد اني افوت اسبح داتوكل لدوامي
فتت للحمام داسبح اهوووو وين راح دماغي نسيت اجيب ملابسي
ردام: رغدد رغددددة وينج بوية
رغد: ها يابة
ردام: يابة ناسي اجيب ملابسي فدوة لعمرج تناوشيلي ياهن من يمج
رغد: اي بوية ثواني
كملت سبحي واندكت الباب مديت ايدي اخذت الملابس بدلت وطلعت كاعدين يتريكون
الحجية: يلة يمة مد ايدك ويانة
ردام : عافيات يمه متأخر على دوامي ونفسي ماتشتهي
الحجية: يمر مر على ابو حسن المضمد يشوف شمالك لتوكع
ردام: ان شاء الله يمة
دخلت لغرفتي صليت عدلت نفسي وطلعت لكيت ابو نور راجع من الدوام سلمت عليه وطلعت للسيطرة بالستة خابرتها جاوبتني
ردام: صباح الخير ي حلو
الاء: ها هاي انتي سرى
ردام: شبيج ياسرى اني ردام
الاء: اي افتهمت كتلج مانساها جايبتها وياي
ردام: مصخنة لو شاربة شي
الاء: مو دكول رقم غريب مال منو اوك هسه احفظة بأسم امج
ردام: ترة مافتهمت شبيج
الاء: اوك عمري اشوفج باي
سدت الخط بوجهي هاي شبيها بعد ماتصلت انتضرت خطها يفوت بالسبعة وشوية فات شفتها لابسة ماروني ابتسمتلها ماردت الابتسامة ودارت وجها خير شبيها رجعت طنكرت
دزيتلها رسالة: شبيج كالبة وجهك
دزت رسالة: ماكدر احجي من اوصل اتصل بيك
ضليت الوب لحد ثمانية وشوية اتصلت رفضتها واتصلت
ردام: صباح ال
الاء بعصبية: منين جبت رقمي
ردام: شنو شبيج اعصابج انتي اتصلتي بيه
الاء: مو هذا اول مرة منين جبت رقمي
ردام: جبتة انتي ليش تسألين
الاء : اخذتة من ابو علي ابو الخط مو
ردام: ليش هالسؤال
الاء: جاوبني منه مووو
ردام: الووو شبيج تصيحين اي منه ليش
الاء: والله عرفت شلون تسوي هيج
ردام: شبيج فهميني لتخبليني مالي خلك
الاء باستهزاء: لا هيج سلامتك
ردام بصياح: الاءءءءءءء
انتبهت على نفسي نداريت  الجنود يباوعولي ابتعدت منهم لكيتها سادة الخط بوجهي اتصلت بيها مجاوبت دزيتلها رسالة: تجاوبين لا اجيج للجامعة واسوي المحد سوا
اتصلت جاوبتني بس ماسمعت صوتها
ردام: الو وينج
سمعت صوت شهكتها
ردام: شبيييييج جاوبي
الاء: انت (شهكة)شبيك (شهكة)وياي
ردام:شبيج تبجين
الاء: لتخوفني منك
كامت تبجي
ردام: اووووويلي الله شبيج تبجين
الاء : اخاف منك والله اخاف منك متندمة على كد شعر راسي لان حجيت وياك ياريت ماندعمت بذاك اليوم ولا شفتك ولاحبيتك ولارديت على اتصالك
ردام: حبيبتي ليش تبجين فهميني شبيج شسويتلج
الاء: انت بس تصيح ومتتفاهم ودمرت حياتي حتى اهلي بعد ميثقون بيه من وراك
ردام: يا حبيبتي شبيج امسحي دموعج وفهميني
الاء: انت شلون تاخذ رقمي من ابو علي مافكرت بالنضرة الي ياخذها عليه شنو مافكرت بيه
ردام: ماعندي غيرة منين اخذ رقمج لعد
مجاوبت بس تشهك وتبجي
ردام: ليش سوالج شي سمعج حجاية
الاء : لا بس مبين عليه يعرف صار فترة من نوصل للسيطرة يباوعلي بالمرايا وكأنما يريد يعرف ردة فعلي مانتبهت على هالشي الا اليوم انت من ابتسمت هو ضل يباوعلي كلت اكيد يعرف شي وهاي طلعت انت ماخذ الرقم منه
اهوو شلون مافكرت بيها : اني احجي ويا وافهمة
الاء: ابددد ديربالك ردام تحاجي راح يثبت هالشي عليه ماريد يطلع حجي عليه
ردام: شبيج انتي شيطلع حجي اشك حلكة الي يكول كلمة عليج هي فترة وتصيرين مرتي وانعل سلف سلفا الي يحجي عليج
الاء: كافي ردام كافي مابيوم راح اصير مرتك ليش متفهم
ردام: الاء لتضلين تلوصين بالحجي كتلج الي يعني الي متصيرين لغيري لتحركين اعصابي
الاء: مادري ليش بعدني اتصل بيك واني ادري البينة مستحيل
ردام: لان ماكو مستحيل بينة وغصبآ ماعليج تضلين تتصلين بيه
الاء: كافي ردام تعبت والله كرهت نفسي من وراك
ردام: ليش فهميني لتضلين ساكته اجر الحجي منج جر
الاء: انت بس تصيح وتعيط وتغلط متتفاهم ب
ردام: كمليها ليش سكتي
الاء: هيج
ردام: كوليها طلعت همجي مثل ماكالت امي عليك
الاء: مو هيج قصدي
ردام: لا فهمت قصدج زين
الاء: شفتتتت هذا قصدي تحكم بكيفك وبدون متسمعني وبس صياح وعياط والله مو قصدي همجي قصدي اخاف منك كل ما اتجاهل اتصالاتك تضل تهدد لو تجي للبيت بنص الليل لو للكلية وتخلي الامة كلها تباوع علينا ليش متتفهم موقفي ونضرة الناس الي
ردام: حجي النااااااس ميهمني
الاء: بس اني يهمني اني مو انت لا اني ضابط والكل تخاف مني ولا اني رجال وكلمتي مسموعة بنية يدوسون علية ويفوتون
ردام: الاء ماريد اسمع هالحجي مرت ردام لايمكن تكون ضعيفة هيج
الاء: انت كلتها بلسانك مرت ردام لايمكن تكون ضعيفة هيج اني ضعيفة وهذا اكبر دليل اني مو مرتك ولا راح اكون بيوم مرتك
ردام: مرتي وغصبآ ماعليج والضعف مالج لان انتي بت اهلج بعدج ماصرتي مرتي دتظهر قوتج
الاء: كافيييي ردام كافي والله تعبت
ردام: اشكيلي شبيج
الاء: وصلت لهالعمر محد جاب طاريي بكلمة وحدة ورأس اهلي مرفوع بيه دائما والثقة اساس علاقتي وياهم بس من يوم عرفتك كل هالشي تلاشى واختفى اهلي ميثقون بيه من تقدمت ثاني مرة امي كسرت جهازي من شافت رسايلك ومنعت عليه الموبايل لحد قبل كم يوم رجعتلي الموبايل وبتهديد منعتني احجي وياك وكالتلي لتضيعين ثقتي بيج واني سمعت كلامها اسبوع كامل اني احارب نفسي حتى ما اتصل بيك بس الشوك هزني ودكيت بالغلط وياريت مادكيت
ردام: اي كملي
الاء: هذا هو
ردام: كملي الاء لتسكتين اعرف عندج بعد حجي
الاء: ماما صارت عينها عليه اربعة وعشرين ساعة وبابا حاط علية مراقبة بالكلية اخوية وجهازي تضل عينها عليه بحيث الصبح من داتريك والجهاز ع الميز كدامي من اتصلت انت سحبتة وباوعت لرقمك مجرد نضراتها حسستني بالرخص الي اني بي اضطريت ارد عليك بصيغة سرى وهالشي ضاف من صفاتي الكذب الي بحياتي ما تطرقت اله وفوك هالشي الخط اليوم وتصرفات ابو علي تعبت والله تعبت
ردام: اوووووووويلي الاء اوووويلي وشنو الحل برأيج
الاء: نهايتنا معروفة ولحد الان داتصل بيك وافهمك حتى تفك ياخة عني وتعوفني لان اخاف منك ومن تصرفاتك لا تجي للكلية وتفضحني ويشوفك اخوية بس والله تعبت ليش متفهمني
ردام: الاء نهايتنة معروفة اي نهايتنة زواج وكتلج لو هالسما ويا الكاع تنطبك انتي لغيري متصيرين تفهميني لو لا ومال اعوفج طلعيها من بالج شكد تعبانة انتي اني تعبان اضعافج العشك ذلني الاء وكعت واني بحياتي مواكع ومتوسل ببنية بس انتي دمرتيني وانتي دتشوفيني شديصير بيه كم مرة اجي اخطبج ويرفضون والله لو يقبلون بهاللحضة اجي اخذج بس امج دمرتني واسبابها وكفت شعر راسي وين العيب اذا اني شيعي وانتي سنية وين العيب اذا اني عربي وانتي حضرية لتصيرين انتي هم ويا امج والزمن علية تعبان والله الاء تعبان واريدج يمي
انسد الخط رجعت اتصلت رصيدي خلصان دكيت رقمها بجهازي الثاني ودكيت مجاوبت دزيتلها رسالة: جاوبي اني ردام
اتصلت جاوبتني
الاء: رقم منو هذا
ردام: رقمي مال شغل هم احفظي يمج
الاء: راح احفظة على كلبي ماكدر امي تفتش جهازي
ردام: اووووف الاء اووووف اعشكج والله اعشكج
الاء: ههههه
ردام: ليش تضحكين

❤❤❤❤❤❤❤❤❤❤
الكاتبة : Lamar alzankna
❤❤❤❤❤❤❤❤❤❤

رجعت من الزيارة زرت واندعيتلكم يحقق الي ببالكم❤

القصة ماصار ٣ ايام من نشرتها وصارت الف مشاهدة الحمد لله والشكر بفضلكم بعد فضل الله❤