مجرد اختلافات

البارت ١٤

ردام: هلو حبيبي
الاء ببكاء: ردام
وكفت على حيلي: عيونه شبيج ليش تبجين
الاءببكاء: جاييني خطابة واهلي (شهكة) موافقين
ردام: شنوو شنووو عيدي
الاء تبجي واني سجين وانطعنت بيها بكلبي

ردام: لتبجييين جاوبيني
الاء تبجي وتشهك: داكلك جاي ييني خطابة
ردام بصياح: لتببببببببببببجييييين
زادت ببجيها واني نثولت احس كفخات ع راسي وتهد بحيلي
حاولت اهدي بنفسي حتى ماخوفها
ردام: الاء الاء تسمعيني
الاء ببكاء: هاا
ردام: اهدي وامسحي دموعج دحاجيج
الاء ببكاء: خايفة ردام خاا يفة

ردام: عيون ردام كلب ردام روح ردام ونفس ردام بس اسمعيني مو مرت ردام الي تخاف وغلاتج عندي متصيرين لغيري بس اسمعيني

الاء: داسمعك
ردام عوفي الموبايل وامشي غسلي وجهج وشربي مي وتعاي احاجيج
الاء: ماريد
ردام: بابا فدوة لطولج سمعي كلامي ولتعاندين
الاءببكاء:  لتعوفني
ردام: والعباس ابو فاضل ماعوفج وغلاة عيونج ماعوفج بس اسمعي كلامي ونفذي وكومي غسلي وجهج وشربي مي وتعاي لتخليني هسه اجيج

الاء: اوك
ردام: لتسدين الخط عوفي روحي وتعاي
الاء: اوك

واكف واعض باصابعي والتوتر خبلني واني اتخيلها يزفوها لغيري امسح وجهي بيدي بقوة واحس الهوا انكطع عني ونفس ماكدر اخذ فتحت باب غرفتي وطلعت للحديقة حافي وكفت ع الثيل اريدة يسحب الحرارة مني لحد ماسمعت صوتها
الاء: الو ردام
ردام: حبيبة ردام شلون صرتي
الاء: زينة
ردام: الف الحمد لله هدئتي
الاء: امممم
ردام: عيوني انتي هدئي
الاء: اي
ردام : حلو عفية بحبيبتي سمعيني زين ولتبجين وتحركين بكلبي وتجوين بي فوك ماهو محترك عليج
الاء: اوك
ردام: فهميني منو هذا الحط عينه عليج ويريد ياخذج مني دارجعة منين ما اجه
الاء: ابن صديقة ماما

ردام: كلبي انتي روحي انتي احجيلي كلشي بالتفصيل الممل
الاء: كاعدين قبل شوية نتعلل وماما كالتلي باجر صديقتها وابنها يجون باجر سألتها ليش كالتلي فاتحة موضوعنا وياها وماما تكول خوش ناس وابنهم متخرج ومتعين وقابلة بي وكايلة ل بابا وهم قابل وباجرر يجون

ردام: هذا هو
الاء: اي
ردام: خوش حجي العصر لو الصبح يجون
الاء: العصر
ردام: تسمعيني زين باجر تكعدين الصبح وتصلين وترتبين نفسج ولاكأنه اكو شي ودموعج متنزل وتكملين البيت وتنتضريهم ماشي
الاء: انت تخبلت لو شنو داكلك يخطبوني

ردام: اسمعي كلامي ولتعاندين
الاء: اذا متريدني كول واني ماريدك لا انت ولا هو
ردام: لتضلين تلوصين بكلامج شنو ماريدج خبل اني ولج احببببج وماريد غيرج وانتي متصيرين لغيري بس اسمعي كلامي وسانديني وغلاتج عندي باجر اذا ماصرتي الي الدم يصير للركب واخطفج واطلع وانعل ابو الاول لابو التالي افتهمتي لو لا

الاء: يعني متعوفني
ردام: للموت ماعوفج
الاء: احبك
ردام : اموووووووت عليج وعلى كلشي بيج وحطي ببالج انتي حبيبتي وخطيبتي ومرتي وام جهالي وروحي ونفس ريتي الا اشوف امج  الهمجي شلون يعشك