مجرد اختلافات

البارت ٥

الاء ببكاء: اااااااااييييي
ردام: اففففففيييش الاء شسويتي بيه لعد ليش ترفضين
الاء ببكاء:
ردام: جاوبي ليش رفضتي
بس تبجي مجاوبت ولا كلمة طفت الكهرباء بالمنطقة ماعرف اي جنون اجه ببالي بذيج اللحضة خلاني اتسلق الحايط مال حديقتهم واعبرة الدنيا ضلمة بس ضوة الكمر واضح شفتها كاعدة وضهرها ع السياج وتبجي
ردام: الاء
رفعت راسها باوعتلي وشهكت تقربت بسرعة كعدت كبالها ولزمت حلكها بيدي وايدي الثانية لازمة راسها
ردام: اششششش شبيج بس احجي وياك
فتحت عيونها على وسعهن وهزت راسها لا
ردام: اشش راح اوخر ايدي بس لتحجين شي وتعيطين
هزت راسها اي وخرت ايدي ببطئ
ردام: ليش تبجين
الاء: تعبت كافي ردام كافي والله كافي ردام تعبت
ردام: ي روح ردام بس فهميني ليش هالبجي
الاء: بعد لتتقدم ولتدز احد ولا تشوفني ولا توكف بالسيطرة انقل نفسك واطلع من حياتي كافي
ردام: اشششش شبيج ي عمري
الاء:دمرتني كافي كلبت حياتي كافي ردام
ردام: ليش شسويت بس فهميني ليش ترفضيني
رجعت راسها ع السياج ونزلت دموعها: مو ااني
ردام: شنو ال مو انتي
الاء: مو اني رفضتك

مثل الي ضربني راشدي ويريدني اصحى هيج كلامها وكع على راسي
ردام: لعد منو
الاء: كافي ردام كافي
كامت من مكانها سحبت ايدها ورجعت كعدتها كبالي
ردام: فهميني منو الرافضني ابوج
هزت راسها لا
ردام: لعد منو امج
نزلت دمعتها
ردام : امج مو
هزت راسها اي
ردام: ليش
تريد تكوم سحبت ايدها وكعدتها كدامي
ردام : احجي ليش ترفضني امج
الاء: كافي ردام كافي
ردام: احجي عاد
الاء: كلة من وراك تقدمت اول مرة وسكتت وهي رفضت وهاي مرة ثانية اجتي وكالت انتي اكيد تتواصلين ويا والا ليش يرجع مرة ثانية واخذت جهازي وشافت رسايلك ورقمك كسرت جهازي والسيم كارت و ضربتني لاول مرة بحياتي انضرب من وراك كافي عوفني تعبتني والله تعبت كافي الله يلعن ذاك اليوم الي شفتك بي
ردام: ششافت مني وهيج ترفضني شسويتلها ليش ترفض
الاء: تكول ا
ردام: اي شتكول
الاء:
ردام: احجي شتكول احجيييي
الاء : تكول عربي وهمجي وشيعي واني مانطي بنتي لعربي
وكفت على حيلي واني اشوفها كاعدة كبالي وتبجي نزلت عيني وباوعتلها
ردام: وانتي تشوفيني عربي وهمجي مثلها
هزت راسها لا سحبت ايدها ووكفتها كبالي وهي تبجي طلعت كلينس من جيبي ومديته الها
ردام: مسحي دموعج
اخذتة من ايدي ومسحت دموعها وبعدهن ينزلن تقربت لزمت راسها وحطيت شفايفي على كصتها بستها بقوة وابتعدت باوعت عليها منزلة عيونها
ردام: رفعي عيونج باوعيلي
رفعت عيونها باوعت بعيوني
ردام: وحق هالعيون وغلاتهن وحق لون العلك الي بعيونج وحق العباس لو الي لو للموت ماكو حل ثالث

عفتها وطلعت عبرت السياج وطلعت من المنطقة كلها صعدت سيارتي وطلعت للدوام وكفت واباوع للسماء الخنطة الي بصدري من حجي امها متنوصف يعني لان  عربي وشيعي ترفضني والله لو الي لو للموت اهم شي عندي الاء تحبني مر الليل علية بالف ياعلي واني انتضر الصبح طلع الصبح وانتضرت خطها فات وهي كاعدة بالخانة الاخيرة وراسها ع الشباك ابتسمتلها فات الخط رجعت للبيت غسلت وبدلت وطلعت ل عمامي حاجيتهم على الاء وكلتلهم يخطبوها الي كالو تدلل العصر توجهو ل اهلها واني انتضر لحد ماطلعو كالولي ابوها يكول البنية ماقابلة ماكدر اجبرها خوش حجة لكوها ضلو عمامي يقنعوني انساها مادام البنية مرايدتني صرفتلهم ال اي ثاني يوم نفس الحالة مرت ١٥ يوم واني مكضيها على شوفتها بالروحة والرجعة لحد ما بيوم متمدد بالحديقة الساعة بال ١ ونص بالليل جان يوم خميس دك جهازي رقم غريب جاوبت
ردام: الو منو
ماسمعت جواب
ردام: الو منو وياي
ماسمعت جواب بس سمعت صوت نفس اعرفة كلش زين
ردام: شلونج يبعد كل طوايفي
سمعت شهكتها
ردام: الاء ليش تبجين
الاء: شلون عرفت اني الاء
ردام: من صوتج
الاء: بس اني ماحجيت
ردام: انفاسج وشهكاتج حجت
الاء: ههههه شلونك
ردام: مشتاق لهالصوت وانتي
الاء: عايشة
ردام: هذا رقم منو
الاء: رقمي اليوم واخيرا اخذولي جهاز ورقم لان بالهم يمي بالكلية
ردام: الحمد لله وشلون عرفتي رقمي
الاء: ههه من كد مادكيت عليه ذيج الفترة حفظتة على كلبي
ردام: فدوة لكلبج
الاء: ليش بعدك كاعد توقعتك نايم
ردام: دافكر بيج
الاء:صدكت
ردام: وغلاة عيونج مكانج خالي
الاء: وين انت
ردام: بالحديقة متمدد واباوعلج
الاء: يا حديقة
ردام: حديقتنا
الاء: وشلون تباوعلي
ردام: ذيج انتي بالسما
الاء: هههههه واني صدكت
ردام: اضحكي الاء اريد اسمعها
الاء: ردام شنو نهاية هالموضوع
ردام: النهاية بيد امج
الاء: وامي مدتقبل
ردام: واسباب امج ماكدر اغيرهن لا اكدر اغير ان اني عربي ولا شغلة اني شيعي ولا همجيتي
الاء: ردام تأثرت بكلام ماما
ردام: وحقج ميهمني كلامها بكد متهميني
الاء: والله ماما لان شافت رجل عمتي همجي عبالها كل العرب هيج
ردام: وانتي ليش مماخذة نضرية ماما علينا
الاء: ليش احسك تستهزء
ردام: على شنو استهزء
الاء: بكلامك عن ماما ترة حقها تدور مصلحة بتها
ردام: وانتي تشوفين مصلحتج بعيدة عني
الاء: مادري
ردام: الاء تريديني لو لا
الاء: شالفرق بالحالتين مستحيلة سالفتنة
ردام: ماكو مستحيل وداعت عيونج
الاء: ردام منو انت
ردام: اني ردام وانتي
الاء: لتضحك عليه داحجي صدك
ردام: شنو منو انت غير اني
الاء: قصدي احجيلي عنك
ردام: ها دكولي هيج اني ردام ابن جورية عندي اخ اكبر مني واخت اكبر مني وخوات ثنين واخ اصغر مني والدي توفى قبل كم سنة اشتغل ملازم اول احب بنية واموت بيها
الاء : هههههه حلو
ردام: وانتي
الاء:: اوووه سالفة من سالفة
ردام: احجيها دنشوف
الاء: عندي اخوان ثنين اكبر مني وبس بابا مدرس لغة عربية وماما مدرسة كيمياء اخوتي شبههم هواي من بابا اني الوحيدة الي طالعة على بابا
ردام: من يا ناحية
الاء: من كلشي جانت رافضة ادخل جغرافية واصلا رفضت ادخل ادبي بس اني احب الحفظ اكثر من الفهم لذلك دخلت بعد اسناد بابا الي
ردام: عليمن عيونج خضر طالعة
الاء: على بيبي ام بابا وباقي كلشي اخذتة من بابا بس شعري من ماما
ردام: مبين شعر امج اسود من حواجبها شجابة عليج
الاء: واني هم شعري اسود
ردام: ادري اسود شايفة غير صابغتة
الاء: لا والقرآن مصابغتة هو هيج من جيت للدنيا
ردام: يعني تريدين تقنعيني جيتي للدنيا حنطاوية وشعرج اسود وعيونج خضر
الاء: اي والله ليش متصدك
ردام: والعباس عبالي صابغة شعرج
الاء: ههههه لا عيني جميلة من الله
ردام: اروح فدوة للجميلة
الاء: صار لازم انام نعست
ردام: باجر عطلة شكو نايمة
الاء: لعد شسوي
ردام: مو دنحجي
الاء: اوك لعد نحجي
ردام: ههههه كولي ماشي لو خوش مو اوك
الاء: شالفرق يعني
ردام: هههه شنو الفرق مو شالفرق
الاء: اهووو ردام حتضل تصلح كلماتي اني هيج احجي
ردام: هههه راح تضل مو حتضل
الاء: حسد الخط والنبي
ردام: اروح فدوة اتشاقة وياج عوبة لتضليت تتمسكنين بحجيج وتتموعين
الاء: اني هيج احجي يا اخي ميعجبك محد جابرك تحاجيني
ردام: اوكلج تبن اذا كلتي اخي اني مو اخوج افتهمتي لو لا
الاء: اييييي شبيك تتجاوز بكلامك شنو اوكلج تبن انتبه لحجيك وياي
ردام: وانتي شنو تكولين اخي
سدت الخط بوجهي رجعت اتصلت مجاوبت اتصلت مرة ثانية رفضتني دزيتلها رسالة : تفتحين الخ-- لو اجي للبيت واكلبه على راسج
اتصلت جاوبتني
الاء: نعم
ردام: نعم الله ضلوعج ليش تسدين الخط بوجهي
الاء : انت تتجاوز بالكلام
ردام: خرررررب بال ماشي سكتت بعد ماحجي
الاء: واني هم ماحجي
ردام: لتكفريني احجي عاد
الاء: شحجي
ردام: اي شي
الاء: امممممممممم معندي شي
ردام: شدسوين
الاء: ممدة
ردام: وحدج
الاء: لا
ردام: منو يمج لعد
الاء: ههههه
ردام: الغي منو يمج
الاء : جاكيتك
ردام: يا جاكيت
الاء

🤩🤩🤩🤩🤩🤩🤩🤩🤩🤩🤩🤩🤩🤩
كلت الا يصير التصويت ٧٥ يلة انزل بس هسه راح اطلع للكاظم عليه السلام ف كلت انشرة واطلع

ازور وادعيلكم 💓💓
❤
التنزيل راح يكون بين يوم ويوم يعني
يوم انزل مجرد اختلافات
ويوم انزل قسوة بصراوي

شنو رأيكم حبايبي

❤❤❤❤❤❤❤❤❤❤
الكاتبة: Lamar Alzankna
❤❤❤❤❤❤❤❤❤❤