مجرد اختلافات

البارت ١٣

سديت الخط منها وكفت شوية بالحديقة ودخلت للبيت سديت الباب ودخلت لغرفتي تمددت وكلبت شوية بجهاز ونمت

كعدت الصبح عالاذان غسلت وحلقت لحيتي وتوضيت و صليت وطلعت امي كالعادة كاعدة تقرأ قرآن صبحت عليها وطلعت للمطبخ رغد دتشرب جاي

ردام:صباح الخير رغدة
رغد:صباح النور يابة اصبلك جاي
ردام :ما اكلج لا
رغد : مو تدلل

صبتلي جاي واجه الخط عليها وطلعت اخذت استكان الجاي وطلعت كعدت ع المرجوحة دكيت على الاء

ردام:صباح الخير حبيبي
الاء: صباح الورد عمري
ردام : طلعتي لو بعدج
الاء: لا بعد نص ساعة يلة يجي الخط
ردام: ان شاء الله
الاء: تجي اليوم مو
ردام : اي ان شاء الله اجي
الاء: دومي حبيبي
ردام: عيون حبيبج
الاء: مو متجي
ردام:هههههه طفلة والعباس والله اجي
الاء: مو اليوم دوامك
ردام:اخذت اجازة اليوم
الاء: اييييي عفية ماما تصيحني ع الريوك باي عمري
ردام :الله وكلبي وياج

سديت الخط منها وكمت حطيت الاستكان بلمطبخ طب بسام سلم عليه وفات ع الحجية
طلعت برا البيت الصبح بلسبعة وربع تقريبا افتريت بلمنطقة شوية ورجعت للبيت بدلت دشداشتي لبست بنطرون كابوي وبلوز نيلي وسترة نيلي  ولفاف بركبتي وطلعت سلمت ع الحجية وصعدت سيارتي وصلت للجامعه تقريبا بل تسعة ونص رحت للبازار هي واكفه بي تبيع من بعيد اشوفها مبتسمة وتحاجي صديقتها دزيتلها رسالة
ردام: اموت ع البيجي

وصلتها الرسالة ابتسمت وضلت تفر براسها تدور عليه ختلت ورا شجرة واني اباوعلها وكفت وتدور بعيونها عليه دزتلي رسالة
الاء:وين انت

خابرتها جاوبت
ردام:حبيبتي
الاء: وين انت
ردام: بمكان اشوفج بي
الاء: عليك الله وينك
ردام:جايج
الاء:انتضرك

سديت الخط ورحتلها جانت كاعدة كبل وكفت وابتسمت
ردام:السلام عليكم
الاء وسرى: وعليكم السلام اهلا وسهلا
ردام: شلونج
الاء: الحمد لله بخير وانت؟
ردام : هسه صرت زين
ابتسمت
سرى ابتعدت شوية وراحت لمكانها
ردام: مشتاقلج
الاء ابتسمت
ردام: ممشتاقتلي
الاء: الاستاذ ديباوع علينا
دنكت راسي اكلب بالميداليات ودرت وجهي باوعت وراي واكف استاذهم نداريت عليها

الاء:طلبتلك وحدة خاصة الك
ردام : وينها
مدت ايدها جوة الميز وطلعت ثنين من جنطتها وحدة ب اسمي ووحدها ب اسمها مدتلي الي باسمي اخذتها اجني بنات ثنين وولد وكفو يكلبون بالاسوارات ضليت واكف وسويت نفسي اكلب بلميداليات لحد ماراحو هي شايلة ميداليتها بيدها مديت ايدي واخذتها من ايدها

الاء: هاي ليش
مديتلها ميداليتي: اريد مالتج واخذي مالتي
الاء: ههههه ليش
ردام: فدوة لهل ضحكة احسن

شفتها ضمت الميدالية عالسريع ووكفت عدل باوعتلها
ردام: شك
قاطعني صوت:السلام عليكم
نداريت مبين استاذ
ردام:وعليكم السلام ورحمة الله وبركاته
الاستاذ:الاء شلون مبيعاتج
الاء: الحمد لله استاذ زينة
الاستاذ: تمام وانت استاذ ان شاء الله لكيت طلبك
الاء: استاذ ددورلة
الاستاذ: ان شاء الله اخذ راحتك استاذ
ردام:الله وياك