مجرد اختلافات

البارت ٣

سدتة بوجهي ههههه رجعت اتصلت مجاوبت دزيت رسالة:  جاوبي
واتصلت هم مجاوبت اوووف شلون سالفة
دزيت رسالة : جاوبي عاد 
واتصلت هم مجاوبت رجعت
دزيتلها : الاء جاوبي بس اسمعيني
جاوبت برسالة: منو حضرتك
دزيتلها: جاوبي وتعرفين
جاوبت برسالة: ماريد اعرف رجاءا لتتصل
دزيتلها: بس جاوبي واسمعيني
جاوبت برسالة : ماريد كافي رجاءا
اتصلت مجاوبت اتصلت مرة ثانية رفضتني شلون سالفة هاي دزيتلها رسالة: كافي عاد اني ما اتوسل ب احد جاوبي
اتصلت هم مجاوبت حركت اعصابي اتصلت هم مجاوبت دزيتلها رسالة: بس جاوبي لتحجين اني احجي اتصلت جاوبت
ردام: الو
مجاوبت
ردام: متجاوبين اوك براحتج عرفتيني لو لا
مجاوبت
ردام: ليش صايرة متبتسمين
الاء بصدمة: ردام
ردام: اي ردامممم شبيج
سدت الخط بوجهي الليل كلة اتصل وهي متجاوب دزيتلها رسالة: الصباح رباح وتشوفين لل٢ اتصل متجاوب تاليها غلقت الجهاز سهلة للصبح انتضرت لازم انزل للبيت بالخمسة بس ضليت بالمناوبة للسبعة وشوية فات الخط اباوعلها دارت وجهة سهلة نزلت للبيت بدلت بنطرون وبلوز وقمصلة شلت موبايلاتي وطلعت للجامعة وصلت رفضو يدخلوني كلتلهم على اختي وانطيتهم الجنسية ودخلت سألت ع المرحلة الثانية وين الكي شعبهم كالو شعبتين هنا وهنا هالحجي الساعة عشرة وربع وكفت كدام القاعتين انتضرها للعشرة ونص خلصت محاضرتهم وطلعت الشعبتين اني ادورها بعيوني بيناتهم شفتها هي وبنات ثنين وياها شايلة ملزمة وجنطتها وتبتسم وياهن ضلت عيني عليها الى ان انتبهتلي اختفت ابتسامتها ودارت وجهة سحبت صديقاتها ومشت وياهن بخوف واستعجال سهلة
اتصلت عليها شفتها طلعت جهازها رفضته رجعت اتصلت هم رفضته كمت امشي وراها بس بعيد عنها شوية دزيتلها رسالة: اوكفي دحاجيج
شفتها قرت الرسالة ومجاوبت دزيتلها رسالة ثانية: اوكفي لتخليني احرجج كدام صديقاتج
هم مجاوبت هي الي رادتها اسرعت بخطواتي ولحكتها قطعت الطريق عليهم ووكفت كدامهم هي وصديقاتها وكفن
ردام: السلام عليكم
وحدة من صديقاتها ردت : وعليكم السلام تفضل
اباوعلها صفرت من الخوف وبكوة تتنفس
ردام: من وين اروح للعمادة
جاوبت البنية الثانية: تعبر منا وتطلع عدل ذيج البناية
ردام: اها ماشي شكرا
البنية: ولو اخي العفو
عفتهم ومشيت قبلهم وكتبتلها رسالة ودزيتها : اشوفج خايفة لعد شبيج تعانديني بس احجي وياج مارايد شي بس اسمعيني 
وكفت على صفحة وكعدت على مصطبة فاتت هي وصديقاتها اشوفها تتعثر بخطواتها لحد مادخلو للكافتيريا ضليت وراها شفتها تحجي ويا صديقتها انطوها فلوس هي تجيبلهم الي يطلبو ضلت هي وصديقتها واكفات تلعب بجهازها وصلتني رسالة: رجاءا لتضل تزعجني شتريد مني
اتصلت رفضتني دزيتلها رسالة: جاوبيني وتعرفين
دزت رسالة: ماكدر ارد اتصال كول شتريد
دزيتلها: اريد احجي وياج وحدنة عوفي صديقتج وتعاي بس احاجيج
دزتلي: ماكدر رجاءا لتحرجني
دزيتلها :ليش
دزتلي: الي يشوفنا يفتهم غير شي رجاءا لتحرجني
دزيتلها: انعل والدي الي يحجي
مجاوبت
دزيتلها: ها شكلتي متجاوبين
هم مجاوبت اشوفها تحجي وياصديقتها وراحو يشترن اني اعلمج بسيطة كمت توجهت بصفها وصلت شفتها دتشتري رصيد خزرتها اخذت جاي وطلعت وصلتني رسالة منها : اسفة ماكدر كافي تلح
دزيتلها : ليش متجاوبين ليش تتجاهليني
دزت: خلصت رصيد يعني مشفتيني
دزيتلها: افتهمت وين راح تروحين هسه
مجاوبت
دزيتلها: متشوفين لو شنو داكلج وين تروحين
دزت: وانت شعليك اروح وين ماروح فك ياخة عني
اتصلت رفضتني باوعتلها خلت جهازها بجنطتها دزيتلها: ترة حركتي اعصابي كافي تتعززين بس احجي وياج
مجاوبت اتصلت طلع مغلق غلقته كعدت بالكافتيريا هي وصديقاتها اني هم دخلت اشرب جكاير وجاي واباوعلها متباوعلي خلصت وكامت اني هم كمت وراها شفتها تمشي ويا صديقاتها اقتربت منهن
ردام: ممكن شوية
صديقتها: نعم تفضل
ردام: اكدر اوكف وي البنية شوية مرة خصتكم
صديقتها: اني اروح قبلجن للقاعة سرى تجين وياي
سرى: لا روحي هسه اجي
ابتعدت صديقتها
ردام: الاء اريد احجي وياج شوية
الاء: تفضل شتريد
ردام: على انفراد
الاء: سرى صديقتي وماضم شي عليها عندك شي احجي كدامها
ردام: ماشي تفضلن وياي للكافتيريا
الاء:ماكدر
ردام: ماشي للحديقة تفضلن
الاء: ماكدر بأي مكان احجي هنا
مسحت كصتي : استغفر الله ليش متردين على اتصالاتي
الاء:شتريد مني فهمني يا اخي ليش تلح
ردام: اني مو اخوج لتكولين يا اخي
الاء: هسه شتريد
ردام: جاوبي على اتصالي ماكدر احجي هنا
الاء: اتصال ماجاوب رجاءا كافي
دتمشي بحركة مني لزمت ايدها داوكفها دفعت ايدي بقوة
الاء: احترم نفسك ولتتجاوز ما اسمحلك تمد ايدك ورجاءا كافي تلحكني اتقي الله هاي لو اختك جان رضيتها عليها
ردام: على كيفج واني محترم غصبآ ماعليج ومارايد شي غلط نيتي مو مثل مابالج
الاء: لا الي بببالي ولا الي ببالك كافي لتخليني اوصل الموضوع ل اهلي واخليهم يتصرفون وياك
ردام: بس فهميني شبيج وياي
سرى: الاء تأخرنة ع المحاضرة يلة
ردام بعصبية: انتي تفضلي للمحاضرة الاء عندي حجي وياها
شفتها لزمت ايد صديقتها بمعنى لتعوفيني
سرى: ماعوف صديقتي
ردام: بابا ما اكلها بس احجي وياها
الاء : كافي عفية ليش تلح ماكدر احجي وياك الي يشوفني يطلع الف سالفة
ردام: اشك حلكة الي يحجي كلمة بس ا
قاطعتني: انت رجال وميهمك بس اني بنية وسمعتي فوك كلشي
عافتني ومشت صفنت على نفسي هاي شدسوي وصلت بيه المرحلة اروح للكلية وانزل نفسي كدامها بعد لو تصير مدري منو مالحكها

مشيت داطلع من الكلية صارت بوجهي رغد اختي
رغد: ها هلو يابة شتسوي هنا
ردام: هلا يابة عندي شغلة واجيت بيها انتي وين رايحة
رغد: عندي اوف هالمحاضرة ورايحة ويا صديقاتي للنادي تعال ويانة
ردام: لا يابة اخذي راحتج اني عندي شغل
رغد: براحتك يلة بيباي
ردام: الله وياج
طلعت من الكلية ورحت للبيت روحي بخشمي نمت كعدت العصر على صوت موبايلي يدك شفته الملازم علي جاوبتة
ردام: الو ها علي
علي: هلا ردام علمود البنية الاء
ردام كعد : اي شبيها
علي : عرفتها سألت على اهلها ابوها مدرس لغة عربية وامها مدرسة كيمياء اخوها واحد محلل والثاني يدرس فيزياء وهي بس البنية وخوش عائلة
ردام: رحم الله والديك تسلم تعبتك وياي
علي: ولو حبيبي تدلل محتاج بعد شي
ردام: محتاج سلامتك ي الغالي اخذ راحتك
علي: الله وياك
نزلت يم امي سوالف وهالحجي مر اليوم عادي ثاني يوم رحت للدوام انتضرت يفوت خطها كلبي نار كلشوية اريد اتصل وكرامتي متسمحلي فاتت وكلبي رف عليها بس تحملت وانتضرت للعصر رجعتها وهم كلبي نار عليها بالليل بعد ماتحملت اتصلت عليها مجاوبت دزيتلها رسالة: مارايد شي والله بس اسمعيني رجاءا
مجاوبت اتصلت هم مجاوبت اووف مرتين اتصلت متجاوب بالثالثة رفضتني بعد ما اتصلت ورا ساعتين تقريبا ١١ ونص واني كاعد ويا الجنود دك جهازي طلعتة من جيبي وكلبي فز من شفت رقمها يدك علية كمت بسرعة وجاوبت
ردام: الو الاء
الاء: تفضل ياريت تحجي بسرعة
ردام: اني راح اتصل بيج
الاء : ميح
قاطعتها من سديت الاتصال ورجعت خابرتها جاوبتني : نعم تفضل
ردام: ليش مجاوبتي عليه قبل شوية
الاء: جنت كاعدة ويا اهلي كافي تزعجني يا اخي بس فهمني شتريد والله كرهت حياتي من وراك
ردام: اول شي اني مو اخوج ثاني شي مرايد شي حرام رايد بس اتقدملج وردت اخذ موافقتج بالبداية
مجاوبت ضلت ساكتة
ردام: الو الاء تسمعيني
الاء: اي وياك
ردام: اي شكلتي
الاء: انت تعرفني وتجي تتقدملي
ردام: اي اعرفج واعرف كلشي عنج من اهلج لمنطقتج ل كلشي وهسه شكلتي
الاء: اسفة ماكدر
ردام: ليش
الاء: ماكدر وبس
ردام: انتي مرتبطة اكو احد بب
الاء قاطعتني: لا ممرتبطة ولا اكو احد ببالي
ردام: الحمد لله لعد ليش متقبلين
الاء: رجاءا كافي بعد لتتصل
سدت الخط بوجهي رجعت تمددت حاولت انام مكدرت بالف يا علي يلة طلع الصبح رجعت للبيت يوم جمعة دخلت للبيت سبحت المي ينزل على راسي واني افكر بيها هي اسبوعين هزتني هز شبيه وهيج صرت غمضت عيوني كملت غسل بدلت وطلعت رحت صليت الفجر وطلعت امي كاعدة تتريك واخوتي هم صبحت عليهم وكعدت تريكت
وسام: شبيك ردام صافن
ردام: ها مابيه شي شغل
الحجية: الله يساعدك يمة
ردام: تسلمين يمة الله يطول بعمرج
كملت الريوك كامت رغد وسارة مرت بسام شالن الريوك وامي كامت لغرفتها جمعت شجاعتي وكمت للحجية بالغرفة دكيت الباب
الحجية: منهو هنا تعال يمة
فتحت الباب ومديت راسي: ها حجية ادخل
الحجية: هههه تعال يمة تعال
دخلت للغرفة وكعدت يمها هي كاعدة تسبح وشباك غرفتها مفتوح ع الحديقة الهوا يجنن
الحجية: اي يمة احس عندك سالوفة
ردام: هههه كلب والدة
تمددت ورفعت ايدها وحطيت راسي بحضنها ضلت تلعب بشعري
الحجية: شبيك يمة مو على بعضك هالايام منتبهة عليك بس عايفتك انت طير وتاليتك تحط يمي وتشكي همك
ردام: اووووووف

❤❤❤❤❤❤❤❤❤❤
الكاتبة: Lamar Alzankna
❤❤❤❤❤❤❤❤❤❤

وهاي نزلت بارت لعيونكم بدون مارجع عليه واصحح الاخطاء بعد مانزل للصبح لان تعبانة وتخربطت ضغطي هابط ❤

احبكم❤