مجرد اختلافات

البارت٨

كمزت بحديقتهم شهكت بخوف
الاء: ردا
تقربت منها وحطيت ايدي على حلكها: اششششش ولا نفس ادفنج هنا والعباس
تحاول توخر ايدي من حلكها ومتكدر ضربتني على صدري وهي تبجي انتبهت ايدي صايرة على حلكها وخشمها متكدر تتنفس صارت حمرة كبل وخرت ايدي هي زلكت من الحايط وكعدت بالكاع كرفصت كبالها وضربت على خدها
ردام: شبيج حبيبي اسفة والله مو قصدي منتبهت
رفعت اصبعها السبابة وحطته على شفايفها بمعنى اسكت
ردام: ليش حركتي اعصابي صار جم مرة تسدين الخط بوجهي
الاء: واني كم مرة كتلك لتعيط عليه اخاف منك
ردام: انتي تحركيني من تكولين اني مو مرتك انتي مرتي اذا مو اليوم باجر متصيرين لغيري افتهميها لهالكلمة وماقبل تخطين باب البيت بدون اذني
الاء: ممتعلمة على هالشي بس بابا اخذ اذنة ممتعلمة عليك و
لحضات الضوة خافت بس الانارة مال بيتهم خفيفة والاشجار داير مدايرنة وهي كاعدة وضهرها ع الحايط واني مكرفص كدامها ولازم خدها وهي تحجي وتبجي وعيونها حمر وهنه خضر شفايفها ترجف وجسمها يرجف يمكن من البرد ويمكن من الخوف شعرها يتطاير ويا نسيم الهوا وكذلتها لازكة بوجها بسبب دموعها اقتربت منها وبستها بشفايفها ثواني نسيت نفسي اني وين ماوعيت على نفسي الا بدفعتها رجلي مشالتني وكعت بالكاع كامت وكفت ضربتني راشدي وطبت تركض الراشدي صحاني على نفسي اني وين وشدسوي وين وصل بيه الدهر لوما هي تمنعني جان وين وصلت كمت وكفت شفت شالها بالكاع واكع شلته لفيته على ايدي وكمت اريد اعبر السياج ماكدر شبيه مو توني عبرته مدري من صدمتي مدري شبيه بصعوبة عبرت السياج صعدت سيارتي وضليت صافن رفعت عيوني شفت غرفتها شحطيت سيارتي وطلعت لحد ماوصلت السيطرة ضليت كاعد بالسيارة دكيت عليها دك دك دك مجاوبت فصلته ورجعت دكيت رفضتني رجعت دكيت لكيتة مغلق اوووف ياربي حطيت راسي ع الاستيرن واني افكر بيها ماحسيت الا على صوت الجامة تندك علية رفعت راسي الشمس قوية ضربت عيوني غمضت فركت عيوني ونزلت الجامة
علي: صباح الخير
ردام: صباح النور
علي: شبيك ردام ماردت اجيك البارحة كلت ضايج خلي يكعد يدانش نفسة شوية بس بالي يمك
ردام: مابيه شي هيج سالفة
علي: ديلة كوم ارجع للبيت وارتاح شوية مبين افلاونزا
ردام: بيش ساعة
علي: سبعة الا عشرة
كبل فتحت الباب ونزلت ماضل شي راح يفوت الخط نزلت بسرعة غسلت وجهي رفعت راسي شفت خطها اجه من بعيد شلت المنشفة وطلعت ع السريع وكفت انشف وجهي وصل الخط اباوع مموجودة بي وينها ليش ممداومة عبر الخط وفات شلت جهازي دكيت دك دك دك ماكو رد دكيت من جهازي الثاني يطلعلي تحويل مكالمة رجعت دكيت من جهازي الاول هم صار تحويل مكالمة شهالسالفة صحت على علي اجاني
علي: ها ردام
ردام: علي اذا اتصلت عليك وطلعلي تحويل مكالمة يعني شنو
علي: يعني حضرتك ليش
ردام: لا هيج بس سؤال
اعصابي احتركت صعدت سيارتي وطلعت للبيت وصلت سلمت ورحت لغرفتي افور واطفى طلعت رحت لعمامي طلبت منهم يروحون يخطبوها رفضو وكالو خطبناها ورفضو بعد منروح كلتلهم ترضى هالمرة بس تعالو وياي واني احجي ضلو يقنعوني وكافي تتوسل مو مرة الي هيج تسوي بردام وهالسوالف كلتلهم براحتكم وتسلمون ماقصرتو وطلعت من يمهم مو مال اروح وحدي تنزل قيمتها يم اهلها خابرت على بسام كتله اريدك وياي بموضوع كال أمرني كتله راح اجيك للسيطرة ونطلع رحت للبيت لبست بنطرون وتيشيرت وقمصلة اخذت موبايلاتي سلاحي بخصري وكمت بست راس امي كلتلها ادعيلي وطلعت صعدت سيارتي ورحت ل بسام اخذتة وياي وطلعنه ل اهلها بالسيارة شرحتله وكتله اهلها الي ميقبلون وهي متكدر تحجي نروح اني وياك كال وياك للموت اخذتة وطلعنا ل اهلها وصلت لبيتهم نزلت دكيت الباب طلعت امها فتحت الباب نصدمت من شافتني وفوكاها بسام لابس عسكري وياي
بسام و ردام: السلام عليكم
ام الاء: وعليكم السلام تفضل منو تريد
بسام: استاذ شاكر اذا موجود
ام الاء: شاكر بالدوام
ردام: ننتضرة لحد ميجي هسه اتصل علية
ام الاء: اني راح اتصل
ضليت واكف بالباب ويا بسام وهي دخلت ضليت بالنص ساعة برة واكفين كلشوية ارفع راسي واباوع لغرفتها تمنيتها تطلع واشوفها بس ماكو ماسمعت الا صوت سيارة وكفت وراي نداريت شفت ابوها وكف السيارة ونزل
مد ايدة : السلام عليكم اهلا سيادة النقيب اهلا سيادة الضابط
سلم عليه وعلى بسام وتقدم يفتح الباب
ابو الاء: تفضلو تفضلو اعذروني مادخلتكم لان نسوان وحدهن بالبيت
بسام: ولو اخوية نعرف الاصول والنعم من اخلاقكم
فتح الباب مال استقبال ودخلنا
ابو الاء: تفضلو تفضلو
كعدنة
بسام: الله بالخير عمي
ابو الاء: الله بالخير هلا بيكم
ندكت الباب كام فتح الباب اخذ سراحية مي وكلاص من زوجتة وقدمة ل بسام ووراه اني
شلونك واخبارك عبرت هالسوالف لحد ماوصل الجاي حطة كدامنة
بسام: جايك اعتبرة نشرب ابو مصطفى جيتك اليوم ومتعني من دوامي حتى اعرف سبب الرفض الي بدر منكم كل هالمرات
ابو الاء: والله يا نقيب بسام جيتك على عيني وراسي بس البنية رافضة هالموضوع واني ماكدر اجبر البنية حياتها وهي الي تعيشها والقرار قرارها
بسام: حقك وح
قاطعته: تكدر تدخل هي ترفض واعرف سبب الرفض شنو
بسام لزم ايدي بمعنى اسكت
ابو الاء: انت ولد عرب وتعرفون الاصول صعبة دخول البنية تستحي و
قاطعتة: اكطع سالفتك بالخير عمي انت من عمر ابوي الله يرحمة ويرحم موتاك واعرف الاصول كلش زين وياعمي جايك من الباب وطالبها منك ويشهد ربي رايدها زوجتي وام بيتي وكتلك معتبرك ابوية ولوما امون عليك ماحجي هالحجي بس ياعمي كلبي تعلك ببنتك وحبي الها لا عيب ولا حرام شتكول عمي واحكم بالعدل احلفك باغلى ماتملك
سكت ثواني وكام وكف: ان شاء الله
دخل للصالة بعد ماغلق الباب
ضل بسام يحجي عليه ويلوم بيه على كلامي وعيب وماعيب للصراحة اني استغرب من نفسي شلون حجيت هالحجي دقايق ودخل ابوها ودخلت هي وراه وامها لازمتها مبينة تعبانة ومصفرة وبكوة تمشي بصوت مبحوح كالت السلام عليكم مردت كلبي مرد وكفت لحيلي كبل وباوعتلها لابسه عباية على راسها
بسام رد على سلامها واني صافن بيها
ابو الاء: تفضل ابني تفضل
بسام: سلامتها شمالها مبينة مريضة
ابو الاء: افلاونزا من الصبح سهلة
اباوعلها ولا رفعت عينها ولا شافتني
بسام: بعد اذنك عمي تسمحلي احاجيها
ابو الاء: اكيد سيدي تفضل
بسام: خوية اعتبريني اخوج واني معتبرج اخيتي انتي راضية لو رافضة ردام
مجاوبت
بسام: بس احجي خوية والي تطلبينا يتنفذ اسمع رفضج وبعد متشوفين ردام بيوم
هزت راسها لا
بسام: يعني شنو
الاء بصوت تعبان : رافضة
داكوم اوكف لزم ايدي بسام بقوة وكعدني
همستلة: جابريها
بسام: خوية وشنو سبب الرفض ممكن اعرف
الاء بصوت تعبان : ماريد ماريدة وبس
بسام: الي تشوفي خوية اخذي راحتج وانسي ردام وربي يسعدج كام بسام وكف ضليت كاعد الصدمة شلتني ليش ماحجت ونطقت ليش ماقبلت الى ان مد ايدة وجرني بسام وكفت واني اباوعلها مدنكة راسها
بسام: احنه نترخص عمي واسفين ع الازعاج
ابو الاء: هلابيكم تنورونة
بسام طلع واني ورا ووراي ابوها وهي واكفة وامها لازمتها ردت اشوفها لاخر مرة لان خلاص ماعاد اتحمل رفضها اقدم نقلي وانهي هالعذاب درت وجهي وشفتها كعدت ع التخم ودمعتها وكعت من عينها رجلي اتجهت باتجاهها و

❤❤❤❤❤❤❤❤❤
الكاتبة: Lamar Alzankna
❤❤❤❤❤❤❤❤❤

رجاءآ بدون غلط ومسبة على كافة الشخصيات بالقصة لان هالشي يخليني اضطر احذف القصة لذلك رجاءآ خلي الاحترام اساسنا بعدنا منعرف الاسباب كلها
مع الشكر❤