مجرد اختلافات

البارت ١٠

الاء: ردام اني مرة وانت رجال والمرة تختلف عن الرجال لا اكدر اوكف بوجه احد ولا اكدر اواجه
ردام: يعمر ردام والله بس اريدج وياي وتسنديني لتهبطين واهسي انتي هم
الاء: وشبيدي اني
ردام:بس كولي احبك واني اواجه العالم علمودج
الاء: ميحتاج اكلك انت تعرف شكد احبك
ردام: ماعرف شكد بس اريدج تعرفين شكد تحبيني انتي اني احبج عدالها الف قاط
الاء: واني هم
ردام: مو بكدي يلة حبيبي كومي بدلي واطلعي للدوام
الاء: والله تعبانة ومبية حيل واصلا تأخرت الساعة ٧ونص هسه الخط طلع
ردام: مو مشتاقلج واريد اشوفج
الاء:باجر ان شاء الله
ردام: اوووف يلة الله كريم
الاء:يلة مع السلامة
ردام: الله وياج
سديت الخط دخلت للحمام سبحت وطلعت بدلت ورحت للدوام لل١٠ واتصلت ب شيخ من منطقتنه وحجيتله وكال تدلل اخذ رقم ابوها وكال عوف السالفة عليه

ضليت انتضر ساعة وشوية واتصل علية الشيخ كالي يكول ابوها ان شاء الله اخذ رأيي البنية ويصير خير
حسيت بأمل هاي المرة مارفض بس كال يصير خير ضليت بالدوام ورا شوية اتصل بيه بسام
بسام: السلام عليكم
ردام: وعليكم السلام هلا ب ابو نور
بسام: شكد تعزة ل ابو نور ردام
ردام: ابو نور ضلعي بس يأمرني اني خادمة
بسام: عجل ليش ماتسمع كلامة
ردام: محشوم منين هالكلام
بسام: مو كتلك اجي وياك واطلبها ورحت وياك وكتله للرجال من اسمع رفضها بعد ماحد يدك بابك عجل شلون مطرش الشيخ سعد عليهم والرجال خابرني وكلي انت نطيتني كلمة وهسه دازين عليه الشيخ

اسمعة يحجي عرفت ابوها مستحي يرد ع الشيخ لذلك كايلة يصير خير ابتعدت عن السيطرة ونزلت ع الترابي
ردام: بس البنية مارافضة اهلها الرافضين
بسام: وياهو الكالك ماسمعتها بذانك انت رفضت
ردام :هي كالتلي والله ياخوية مجبورة امها الرافضة وجابرتها وروح ابوي الغالي احبها وهي هم تحبني
بسام: وانت متى محاجيها وعرفتها تحبك
ردام: اخذت رقمها واتصلت بيها
بسام: لازم نكعد ونحجي وين انته هسه
ردام: بالسيطرة ليش
بسام: الحجي بالموبايل ماينفع يحتاج وجه لوجه وافهم منك انتظر جايك
ردام: كل الهلا بيك
سديت الخط ووكفت بالسيطرة ورا اقل النص ساعة اجه بسام وكف سيارتة صفح ونزل سلم ع الموجودين
بسام: استرخصك ملازم علي محتاج ردام بسالفة
علي: اخذ راحتك سيدي
اشرلي بمعنى امشي مشيت ويا
ردام: وين نروح
بسام: امشي شوية ننزل للترابي عندي وياك سوالف
مشيت ويا لحد ما بعدنا شوية عن السيطرة
وكف وتكتف : اي ردام احجي
رادم: شحجي
بسام: كلشي من اول يوم لليوم
ردام: صار الحادث كدامي ونقلتها للمستشفى و------والسالفة كذا وكذا وكذا

حجيتلة كلشي ماعدى نزلتي على بيت اهلها لان ادري بي مايرضى عليها
احجيلة وهو مكتف ايدة ويهز برأسة ويباوع ع الكاع كملت اني رفع راسة باوعلي
بسام: كملت
ردام: اي كم
بعدني ماكملت كلامي قاطعني بلكمة على وجهي

رفعت وجهي
بسام: هاي لان متغير وهاي
لكمني مرة الخ
بسام: لان تخ ف البنية ورايحلها للجامعة وهاي
لكمني مرة الخ
بسام: لان صاير تراهق بهالعمر وهاي
لكمني مرة الخ
بسام: لان نزلت سمعتنا وضيعت تربية ابوي وامي بيك
رفعت راسي وصحت بي: ماضيعت تربية ابوي وامي بيه
بسام: بعدني ممكمل وهاي لان تجذب على اخوك الاكبر منك
لكمني مرة الخ