مجرد اختلافات

البارت ١٨

الى ان خابرتني

الاء-حبيبي فدوة طلب

ردام-كولي عمري

الاء-حبيبي خلي نأجل العرس

ردام-شنو مفتهمت عيدي

الاء-خلي نأجل العرس ليوم ١٥ -٥

ردام-لتكفريني الاء يوم يوم انتضرهن يمرن وانتي تريدين أجله

الاء- حبيبي بس اهدئ دفهمك

ردام-فهميني دشووف ست الاء

الاء- انطونا جدول امتحانات نهاية السنة واول امتحان يوم ٣ بشهر الخامس وانت تريد عرسنا يوم واحد يعني ورا عرسنا بيومين شلون امتحن واحنه عرسان خليها امتحاناتي تخلص يوم ١٢ ونسوي العرس ١٥ بلشهر

ردام-تعاي يمي وامتحني مامنعج والله

الاء-ادري متمنعني حبيبي بس اني ماركز بالامتحان يعني عروس قبل السبعة واروح امتحن شلون تصير

ردام-الااااااااااااءء

سكتت ماحجت

ردام-لتخببليني ميت عليج واريدج يمي وتريدين تأجلي رحميني عاد مو كاافي بعد

مجاوبت عطت بيها جاوووووووبي

الاء ببكاء- ها

ردام-شبيج تبجين

الاء-لتصيح عليه

ردام-بس حسي بيه ابوس ايدج

الاء-اوك مثل متريد ماما تصيحني باي

سدت الخط كضيت يومي بلشغل لليل مادكت صعدت السيارة ورحتلهم دكيت الباب طلعلي اخوها سلمت عليه سألت ع الاء كال بغرفتها
استأذنت من ابوها وصعدت لغرفتها فتحت الباب

وطبيت مغطية نفسها حتى راسها اقتربت وكعدت على طرف السرير سحبت اللحاف من وجهها نايمه وشعرها صاير ع وجها وعركانه شفايفها وخشمها احمر مديت ايدي لوجهها وسحبت شعرها عنه بعدت ايدي من وجهها ذبيت المسدس ع الكومدي  وتمددت بصفها وحظنتها ضليت صافن بوجهها عصرتها بقوة فتحت عيونها

الاء بنعس-شتسوي هنا

ردام-مشتاقلج

جفلت ورادت تكعد حظنتها بقوة-ضلي لتكومين

الاء-شلون دخلت ليجون اهلي كوم

ردام-من الباب يدرون بيه هنا نامي تعبتيني

سكتت ضليت اباوع بعيونها نزلتهن

ردام-رفعي عيونج دشوفهن

مرفعتهن

ردام-زعلانه عليه

الاء-خايفة منك ردام

ردام-ليش عيون ردام احرك الدنيا علمودج

حطت راسها بصدري تضم وجهها وبجت حظنتها بقوة ابوس براسها دك موبايلي نطيته رفض رفعت راسها