مجرد اختلافات

البارت ٧

الاء: ماما لو تسمع ال اعشكج مالتك تنطيني الك بدون كلشي شتكولون عنها ممم
ردام: مكبعة بعبايتها
الاء: ههههه اي بس بدون عباية مالبس عبي
ردام: اعشكج
الاء: كافي ردام كافي
ردام: ليش كافي
الاء: ماريد احبك ا
ردام: يعني انتي هسه متحبيني
الاء: خليني اكمل حجي ولتقاطعني ماريد احبك اكثر لوما احبك جان ماهزيت ثقة اهلي وخابرتك من وراهم
ردام: اووووووووه الاء
الاء: شبيك ردام
ردام: اول مرة اسمع احبك من لسانج
الاء: وهذا دليل حبي الك صار اكثر جنت مقررة ماكولها والا اني على ذمتك بس
ردام: اويلي وتصيرين على ذمتي غردي بعد الاء غردي اليوم حجيج مطيرني للسما
الاء: ههههه عصفور واغرد اني
ردام: ههههه تدرين امي تصيحلج العصفورة الحضرية
الاء: ههههه يعني مو بس ماما انت معاجبها حتى امك
ردام: لا لا فرق امي راضية بيج عكس امج
الاء: ههههههه كافي ردام ههه
ردام: ي عيون ردام ي كلب ردام ي روح ردام ي حب ردام
الاء: عفية كافي والله استحي
ردام: اروح فدوة ونذر
الاء: اسم الله عليك
ردام: احبج والعباس
الاء: ليش تحلف بالعباس
ردام: العباس ميردني بحاجة
الاء: ها
ردام: وانتي
الاء: شبيه
ردام: بيمن تحلفين
الاء: ب الله
ردام: احبج والله
الاء: ردام
ردام: ي عيونة
الاء: اذا تزوجنة خوما تجبرني استشيع
ردام: ليش هالحجي
الاء: بس سؤال وهيج
ردام: بغلاة ابوج مو امج حاطة هالفكرة براسج
سكتت مجاوبت عرفتها امها
ردام: يعني امج بس خليها ببالج ووصليها ل امج حبيتج سنية تضلين سنية حبيتج حضرية تظلين حضرية حبيتج ملكة تضلين ملكة افتهمتي لو لا كلشي ميتغير بيج
الاء بهمس: اووف الحمد لله
ردام: شنو
الاء: هيج
ردام: سمعتها ترة معقولة انتي هم فكرتي هيج بيه وممكن اجبرج تستشيعين
الاء: لا بس
ردام: كملي بس شنو
الاء: اي والله ردام خفت داشوف قوتك وعنادك وخفت لا بيوم حجي ماما يطلع صدك وتجبرني
ردام: اطمئني ي روح ردام انتي
الاء: منو سماك ردام
ردام: ابوية ليش
الاء: اسمك يخوف
ردام: هههه شنو البي يخوف
الاء: خلي ه بدل ال ر تصير هدام
ردام: هههههههههههههه خرررب تفكيرج
الاء : والله داحجي جديات اسمك يخوف بعدين اسم هدام يلوكلك اكثر
ردام: اي هدمت حياتج من دخلتلها مو
الاء: مو بس حياتي حتى كلبي هدمتة ودخلت بي
ردام: افيييييييش اروح فدوة لكلبج
الاء: اسم الله
ردام: بالتسعة ونص ماعندج محاضرة
الاء: ضربت اول محاضرة
ردام: عفية بحبيبتي الشاطرة
الاء: والله من وراك اول مرة اضرب محاضرة بحياتي
ردام: واني شعلية
الاء: اول شي داحجي وياك وثاني شي عيوني حمر
من البجي خاف الاستاذ يسألني شبيج
ردام: والاستاذ شعلي يسألج
الاء: شبيك ردام غير استاذي ويسأل
ردام: هاااا
الاء: اي بس لتكلي تغار
ردام: اي وحرام اغار يعني وشكو هيج علاقتج ويا الاستاذ بحيث عندة ميانة يسألج شبي
قاطعتني: هوب هوب شبيك اكلتني وشربتني يا ميانة هاي التحجي بيها استاذ يسأل اي طالب وطالبة يشوفه مقهور شبيك ولا عبالك داخل كلية وتعرف علاقة الاساتذة بالطلبة
ردام: داخل كلية عسكرية يعني كلها زلم مابيها بنات واعرف هالسوالف لتضوجين عذريني
الاء: عادي ماصار شي
ردام: حبيبي
الاء: هااا
ردام: شبيج حبيبي
الاء: انت كلامك ضوجني شنو ميانة حسستني عبالك وحدة
قاطعتها: لسانج اكصة اذا نطقتيها شحسسج بس غرت وكتلج عذريني يابة اعتذر والله اعتذر خلاص
الاء: ههه عادي ح
ردام: كمليها حبيبي شبيج يصفكج العباس ابو فاضل وتسكتين
الاء: هههههه شيسويلي العباس ابو فاضل
ردام : يصفكج شنو مسامعتها
الاء: لا والله
ردام: كول والله
الاء: مو داكلك لا والله مسامعتها
سكتت مجاوبت
الاء: وين رحت
ردام: موجود وياج
الاء :لعد شو سكتت احجي
ردام: سؤال عندي بس ماريدج تضوجين
الاء: اي كول
ردام: تعرفين شيعة بحياتج
الاء: اي بس مو هلكد علاقتي وياهم
ردام: ليش يعني
الاء: ردام ماجذب عليك ماما طائفية كلش حتى مشاكل تصير بينها وبين بابا من ورا هالشي حيل متشددة ويانة وبعلاقتنا ويا اصدقائنة مو بس وياي حتى ويا اخوتي
ردام: والسبب
الاء: خالو انقتل قبل سنوات وهي ببالها الشيعة الي كتلو لذلك
ردام: الله يرحمة
الاء: راح تبدي محاضرتي الثانية لازم اروح
ردام: ماشي حبيبي روحي
الاء: اوك باي
ردام: مع السلامة