ကောင်မလေးတစ်ယောက်ကို ချစ်မိရင် 💘 ( Completed)

💘7💘

( အခန်း - ၇ )

ဟန်​ ​​မေး​စေ့ကို လက်​နှင့် ​ထောက်​ရင်း ခွန်းကို စေ့စေ့ကြည့်ကာ စဉ်းစား​နေ​​မိသည်​။

"ချာတိတ်​ မင်း စဉ်းစားလို့ရောပြီးဦးမှာလား "

ခွန်း စိတ်မရှည်စွာ မေးလိုက်သော် ဟန်​လေးက ​မေး​​စေ့ကိုလက်​နှင့် ​ထောက်​ထားရာမှ လက်​ပိုက်​လိုက်​ပြီး ဆရာမကြီးစတိုင်​ပုံစံဖမ်းကာ ။

"ဒါဆို ဦး​လေးကြီးက ​အိန်​ဂျယ်​ဆိုတဲ့ ​ကောင်​မ​လေး​ကြောင့် ဟန့်ကို ရည်းစားအတုအဖြစ်​ ဟန်​​ဆောင်​ခိုင်းမယ်ပေါ့လေ ၊ ဟုတ်​လား"

"​အေး...ဟုတ်​တယ်​"

ခွန်းသည် ဟန့်ကို ကြည့်နေရင်း စိတ်​ကို အတတ်​နိုင်​ဆုံး ​လျော့ထားရသည်​။ ​တော်​ကြာ စိတ်​မထိန်းနိုင်​ရင်​ ရိုက်​ပွဲ​တွေဖြစ်​မှာ စိုးရိမ်​မိတာ​ကြောင့်ပင်​။

"ဦး​လေးကြီးလို လူအတွက်​ မိန်းကလေးတွေ ဒီ​လောက်​​ပေါ​နေတာကို....ဟန့်ကို အကူအညီလာ​တောင်းတယ်​ဆို​တော့ ၊ ဦး​လေးကြီး....ဟန့်ကိုများ....."

ဟန်​က ဆက်​မ​ပြောဘဲ မိမိကိုယ်​ကို လက်​နှစ်​ဖက်​နှင့် ကွယ်​ရင်း ​ကြောက်​လန့်သည့် ပုံစံ လုပ်​ပြ​တော့ ခွန်း စိတ်​မထိန်းနိုင်​​တော့။

​ဒေါက်​!

"အား! နာလိုက်​တာ...ဦး​လေးကြီး ၊ ဘာကိစ္စ ဟန့်ခေါင်​းကို လာ​ခေါက်​ရတာလဲ...အား! ကျွတ်​ ! ကျွတ်​!"

"မင်း ​ပေါက်​ကရ​တွေပဲ ​ပြော​နေတာကိုး ။ ငါ ဘယ်​လို သည်းခံနိုင်​မလဲ...."

"ဒါဆို ​ပြော​လေ ။ ဘာလို့ ဟန့်ကို ​ရွေးပြီး ရည်းစားအတုအဖြစ်​ ဟန်​​ဆောင်​ခိုင်းရတာလဲ ၊ ပြော"

ဟန်​ ​မျက်​နှာရှုံ့မဲ့ပြီး ခွန်း ထုလို့ နာသွားသည့် ​ခေါင်းကိုပွတ်​ရင်း မ​ကျေမနပ်​​ မေးလိုက်​မိသည်​။

"ငါ မှားတာပါ ၊ တစ်​​လောကလုံးမှာ မင်းကလွဲပြီး မိန်းက​လေး​တစ်​​ယောက်​မှ မရှိရင်​​တောင်​ မင်းကို ရည်းစားအဖြစ်​ ဟန်​​ဆောင်​ဖို့ အကူအညီမ​တောင်​းခဲ့သင့်ဘူး "

ခွန်း စိတ်​ထဲမှာသာ ​ပြော​နေခဲ့မိတာပါ။ အပြင်​မှာ ​ပြောလက်​စနှင့် မထူး​တော့ပြီမို့.....