( အပိုင်း - ၂၃ )
"ဟန်လေး ဒီနေ့ ဘယ်သွားချင်လဲ ၊ အလုပ်ပိတ်ရက်ဆိုတော့ ကိုယ် လိုက်ပို့ပေးမလို့..."
ဟန် ပျော်သွားပြီး ဘယ်သွားရမလဲ စဉ်းစားမိသည်။
"အင်း ၊ ပီဇာသွားစားမလား ၊ ပြီးရင် Game City သွားမယ်...ပြီးရင်..."
Ring <<<>>>
ဟန်းဖုန်းမြည်သံကြောင့် ဟန် အစီအစဉ်တွေပြောပြနေရာမှ ရပ်သွားသည်။
ခွန်းက ဖုန်းနံပါတ်ကိုမြင်တော့ မျက်နှာပျက်သွားသည်။
"အလုပ်ကိစ္စမို့ အပြင်ခဏထွက်ပြောလိုက်ဦးမယ်..."
ဟန်လေး ခေါင်းညိတ်ပြတာမြင်တော့မှ ခွန်း ခြံထဲဆင်းပြီး ဖုန်းကိုင်လိုက်သည်။
"ဟဲလို ပန်းနု "
"ခွန်း"
"ဘာကိစ္စရှိလို့လဲ ပန်းနု"
"ခွန်း ပန်းနုဆီကို ခဏလာခဲ့ပါလားဟင် "
"ဘာလို့လဲ ပန်းနု "
"ဟို ပန်းနုလေ ခွန်းကို ဟိုနေ့ကကိစ္စအတွက် တောင်းပန်ချင်လို့ပါ ၊ နောက်ပြီး ဒီတစ်ခါ တွေ့မယ်ဆိုတာ နောက်ဆုံးအနေနဲ့ နှုတ်ဆက်ချင်လို့ပါ ၊ လာခဲ့ပေးပါနော် ခွန်း"
ခွန်းက ပန်းနုကို သွားမတွေ့ချင် ၊ ဒါပေမဲ့ ပန်းနုရဲ့ နောက်ဆုံးအနေနဲ့ ဆိုသည့် စကားကြောင့် တွေ့ဖို့ဆုံးဖြတ်လိုက်သည်။
"ကောင်းပြီလေ ၊ ကျွန်တော် ထွက်လာခဲ့ပါ့မယ် ၊ ဘယ်ကိုလာရမလဲ"
"ခွန်း ဟိုတစ်ခါလိုက်ပို့တဲ့ ပန်းနုရဲ့ အိမ်ကို"
"ပန်းနု ကျွန်တော်တို့ အပြင်မှာ တွေ့ရင် ပိုမကောင်းဘူးလား"
"ပန်းနု အပြင်ထွက်ရင် ဟိုလူ လိုက်နှောင့်ယှက်မှာ စိုးလို့ပါ ၊ ဒါနောက်ဆုံးပါ ခွန်း "
ခွန်း သက်ပြင်းချမိသည်။
"ကောင်းပြီလေ ၊ ကျွန်တော် လာခဲ့မယ်"
ESTÁS LEYENDO
ကောင်မလေးတစ်ယောက်ကို ချစ်မိရင် 💘 ( Completed)
RomancePlayboy ဆိုပေမယ့် ကိုယ် ယူမယ့် မိန်းကလေးကိုတော့ ရိုးသားယဉ်ကျေးတဲ့ ကြာပန်းဖြူလေးသာ လိုချင်တဲ့ နေခွန်း ။ လူရှုပ်လူပွေးဆို မုန်းတဲ့ ဟန်နေခြည် ။ အသိအိမ်မှာ နေပြီး တက္ကသိုလ်တက်ရင်း လူရှုပ်လေး ခွန်း နဲ့ ဆုံတဲ့အခါ ။ စတွေ့တည်းက ကြောင်နဲ့ ကြွက်လို မတည့်ကြတ...
