ကောင်မလေးတစ်ယောက်ကို ချစ်မိရင် 💘 ( Completed)

💘18💘

( အပိုင်း - ၁၈ )

​ည ၁၂နာရီ​ကျော်​​နေ​ပေမယ့် ​ဒေါ်ခင်​ထား အိပ်​မ​ပျော်​နိုင်​​သေး ။ ရင်​ထဲမှာ အပူမီး​တွေ ​တောက်​​လောင်​​နေသည်​။ မင်းဟန်​ သုံးရက်​လောက်​ အချိန်​ယူ စုံစမ်းပြီး သိရှိရသည့် ပန်းနုခင်​၏ အ​ကြောင်းက သူ့ကို မယုံနိုင်​​အောင်​ ​သွေးပျက်​သွား​စေသည်​။

ရိုးရိုး​လေးနှင့် အ​နေတည်​ပြီး ​အေး​ဆေးသည့်မိန်းက​လေးဟု ​အ​ပေါ်ယံကြည့်ပြီး မှတ်​ချက်​ချခဲ့မိတာ အမှားကြီးမှားခဲ့ပြီ။

ပန်းနုခင်​အဖြစ်​ ဟန်​​ဆောင်​ထားသည့် မိန်းက​လေးအမည်​ရင်းမှာ ရိုစီ ၊ ကလပ်​မှာ သီချင်းဆိုပြီး အိမ်​​ထောင်​ရှိ​ယောကျာ်းများနှင့်လည်း ​ပတ်​သတ်​ခဲ့သည်​ဟု သတင်း​တွေအရ သိရပြန်​သည်​။ အားလုံးခြုံ​ပြောရရင်​ ​ကောင်းကွက်​တစ်​ကွက်​မှမရှိ။ ဒီလို စာရိတ္တမ​ကောင်းသည့် မိန်းက​လေးကိုမှ အိမ်​​​ပေါ်​ခေါ်တင်​လာသည့် သူရ၏ ရည်​ရွယ်​ချက်​က ဘာ​ကြောင့်လဲ ဟု ​တွေးမိပြန်​​တော့ ​မြေးအရင်းဖြစ်​သူ ​နေခွန်းကို စိတ်​ပူသွားရသည်​။

"မဖြစ်​​သေးပါဘူး ။ တစ်​ခုခု စီစဉ်​မှပဲ..."

​ဒေါ်ခင်​ထား ​ရေရွတ်​ရင်း မနက်​ဖြန်​​ရောက်​လျှင်​ လုပ်​ရမည်​ကို စိတ်​ထဲ အစီအစဉ်​ချထားလိုက်​သည်​။ ထို့​နောက်​ အိပ်​​ပျော်​​အောင်​ အိပ်​​ဆေးတို့ဖြင့် ကြိုးစားရ​တော့သည်​။

⚡⚡⚡⚡⚡⚡⚡⚡⚡

"ဘာ​ပြောတယ်​ ! ငါ့အ​ကြောတေး​တွေ လာစုံစမ်းတယ်​ဟုတ်​လား ။ တောက်​ ဘယ်​သူလဲ ၊ ဘယ်ကလဲ"

မနက်​စော​စော ​ပန်းနု၏ အရင်​အလုပ်​ဖြစ်​သည့် ကလပ်​မှ သူငယ်​ချင်းဖြစ်​သူ ​မေရီ ဖုန်းဆက်​တာ​ကြောင့် ခြံထဲခဏဆင်းပြီး ဖုန်း​ပြော​ရာ ကြားလိုက်​ရတဲ့ သတင်း​ကြောင့် စိတ်​တိုသွားရသည်​။

"ဟုတ်​တယ်​ ရိုစီ...​ယောကျာ်း​တစ်​​ယောက်​ပဲ ။ ငါလည်း မသိဘူး  အဲ့ဒီလူကို ။ ဒါ​ပေမဲ့ ဓာတ်​ပုံ​တော့ ခိုးရိုက်​လိုက်​​သေးတယ်​ ။ နင့်ဆီ ပုံပို့လိုက်​မယ်​...."

ပန်းနု ​ဒေါ​သ​တို့ မြင့်တက်​ရင်း ဘယ်​သူလဲ ဟု အ​လောတကြီး စဉ်းစားမိသည်​။