ကောင်မလေးတစ်ယောက်ကို ချစ်မိရင် 💘 ( Completed)

💘17💘

( အပိုင်း - ၁၇ )

"ကိုကြီးလို လူတစ်​​ယောက်​ကို ဟန်​ ငြင်းစရာအ​ကြောင်းပြချက်​ မရှိပါဘူး....."

"တကယ်​လား ဟန်​​လေး.."

သူရ ၀မ်းသာပြီး ​ပျော်​ရွှင်​သွားရ​ပေမယ့် ခဏသာ။ ဟန်​​လေးက သူ့လက်​ကို အတင်းရုန်းလိုက်​ပြီး ဆက်​​ပြောလာသည့်စကား​ကြောင့် ​ပျော်​​နေတာ​တွေ ကြက်ပျောက်ငှက်ပျောက်ဖြစ်​သွားရသည်​။

" ဒါ​ပေမဲ့ ဟန်​ ကိုကြီးကို မချစ်​ဘူး ။ ဟန်​ ​တောင်းပန်​ပါတယ်​ ။ ကိုကြီးက အစစအရာရာ ပြည့်စုံတယ်​ဆို​ပေမယ့် ဟန်​ ငြင်းပါရစေ  ။  ​ကိုကြီးက အားလုံးပြည့်စုံတယ်ဆိုပြီး ဟန် ​ရွေးချယ်​လိုက်ပြီးမှ ဟန်​ ချစ်​တဲ့သူနဲ့ ဆုံခဲ့မယ်​ဆိုရင်​ ​နောင်​တမရချင်​လို့ပါ....."

"ဟန်​​လေး..."

" ​တောင်းပန်ပါတယ်​...ကိုကြီး ။ ဟန်​ သွားအိပ်​​တော့မယ်​..."

ဟန်​သည် ကိုကြီး​၏ ရှေ့က ထွက်​သွားဖို့ထရပ်​လိုက်​ချိန်​ ကိုကြီးကပါ ထိုင်​​နေရာမှ ချက်​ချင်းထရပ်​ကာ ဟန့် လက်​ကို ဆွဲပြီး လှမ်းတား​လေသည်​။

"ဟန်​​လေး....ကိုယ့်ကို ဒီလို​တော့ ပစ်​ပစ်​ခါခါ မငြင်းလိုက်​ပါနဲ့လား....."

ဟန်​ နှုတ်​ခမ်းကို ဖိကိုက်​မိပြီး ​ခေါင်းငုံ့သွားသည်​။ ဟန်​ မချစ်​နိုင်​တာမို့ ကိုကြီးကို ​မျှော်​လင့်ချက်​ မ​ပေးချင်​။ အရင်​က စိတ်​၀င်​စားခဲ့တယ်​ဆိုတာ ကိုကြီးရဲ့ ​နေထိုင်​ပုံ ၊ အ​ပြောအဆို ပုံစံမျိုးကိုသာ။ ချစ်​သူရည်းစားတစ်​​ယောက်​လို စိတ်​၀င်​စားခဲ့တာမျိုးမဟုတ်​။

"ဟန်​ ​တောင်းပန်​ပါတယ်​ ကိုကြီး...."

ဟန်​ မမှားခဲ့​ပေမယ့်လို့ ​နောက်​တစ်​ကြိမ်​ ​တောင်းပန်​စကားဆိုလိုက်​သည်​။

"ကိုယ့်ကို ကြိုက်​သ​လောက်​ အချိန်​ယူပြီး စဉ်းစားပါ။ ကိုယ်​ ​စောင့်နိုင်​ပါတယ် ။ ဟန်​​လေး ပြန်​ချစ်​နိုင်​မယ့် ​နေ့ထိ​ပေါ့ ။ ဒါ​ကြောင့် ကိုယ့်ကို တစ်​ခါတည်း အပြတ်​မငြင်းလိုက်​ပါနဲ့ကွာ "

ဟန်​ ​ပြန်​​ချေပဖို့ ပါးစပ်​ဟလိုက်​​ပေမယ့် ကိုကြီး ဆက်​​ပြောတာ​ကြောင့် ပြောမထွက်​ခဲ့။