فصليه اخ خطيبي (الجزء الثاني)

بارت 1

ساره: حور يمه حور كومي
حور بنعاس: هاا ماما 😴
ساره: كومي يمه متروحين للمدرسه اتأخرتي
حور: يي ماما كمت
حور: هلاو اني حور بنت ساره واسد ماما احلى ام عندي وبابا احلى اب همه روحي واخويه جنيد هذوله عائلتي الاحبهم اما بيبيتي ام بابا فهي التدللني دايمن صار عمري 19 صح كبرت هواي اني بيضه وعيوني عسليه شعري جكليتي وطويل جسمي رشيق بس احب الاكل هواي ما اسمن ابد احب علي ابن عمو مؤمل احسه هو سندي لان من جنه اطفال هواي نلعب بس دايمن يعيط بيه ماعرف شنو السبب ومن كمنه نكبر شويه شويه ابتعد كلش صرت حتى ما اشوفه هواي دايمن طالع المهم كعدتني ماما من النوم كمت غسلت وبدلت ملابس المدرسه وسويت شعري اني مو محجبه نزلت جوه
حور: صبااح الخير
الكل: صباح النور
اسد: هلا بحبيبه ابوها
حور: هلاو باباتي حبيبي
ساره بغيره: يله كملتو حجي انتي اكعدي اتريكي راح تتأخرين
حور بخباثه تعرف امها اتغار من عدها على ابوها: يي عادي اتأخر باباتي الحلو يوصلني مو باباتي
ساره: ديله اكلي حتى يوصلج باباتج الحلو
الكل: ههههههه
ام اسد: ولج يالصقيعه عوفي امج انتي مو تدرين اتغار على ابوج
حور: هههه بيبي شسوي احب اضوجها
اسد: اكلك مؤمل شو علي ماكو وينه
حور: من سمعت اسم علي كلبي كام يدك سريع
مؤمل: والله ياخوي ماعرف
مريم: خويه اسد علي فوك نايم
اسد: بابا حور اصعدي كعدي ابن عمج
حور بأرتباك: هاا اني
اسد: يي بابا شبيج
حور: لا باباتي مابيه رايحه
صعدت فوك حتى اكعد علي وصلت باب غرفته دكيت الباب ماكو رد رجعت دكيته هم ماكو كلت هو اني على شنو ادك الباب دخليني ادخل دخلت لكيت الغرفه هوسه فد مره بس هو ماكو سمعت مي بالحمام هذا ديسبح لميت ملابسه المشمورات بالكاع وعدلت السرير مالته جان اسمع صوته الخشن
علي بغضب: شتسوين اهنا
حور بأرتباك: ها مو اني هو ابويه كلي كعدي علي
علي بغضب: وابوج طلب منج اتعدلين غرفتي منو سمحلج
حور بأرتباك: ها مو شفتها ممرتبه كلت ارتبها
علي بغضب وتحذير: محد طلب منج اتعدليها ومره ثانيه اياني واياج اشوفج بغرفتي ساااامعه
حور :فزيت من صوته بس بنفس الوقت ضجت هو منو حتى يحاجيني بهل طريقه صح احبه بس مو معناتها يصيح عليه باوعت عليه وحجيت ويا بحده
حور بغضب وحده: بااع علي والله ثم والله اذا نره ثانيه اتعلي صوتك عليه اكول البابا انت منو حتى اتصيح عليه اني حور وبعدك متعرفني من اعصب شسوي
باوعت عليه شو هذا هجم عليه وحصرني بالحايط ولزم ايدي وهو ضخم وعضلات وحجه بغضب
علي والغضب امتلكه: لج انتي منو وتحاجين علي بهل طريقه باعي حور خليني هادي وياج لان اذا افقد اعصابي اتشوفين شي مصاير مني
حور بعناد واستهزاء: وشراح اتسوي مثلا
علي بهدوء واستهزاء: باعي ياحلوه شايفه هل شفايف الكرزيه اسوي بيهن شي ميعجبج فخليج حذره وياي
حور: اني سمعت هيج فتحت عيوني على وسعهم ولزمت صدره وكمت ادفع بي
حور: وخر عني حقير شلون تحاجيني بهل طريقه
علي بهدوء: اووه طلعت البزونه الشرسه باعي يحلوه هسه اتنزلين ودكوليلهم علي شويه ويجي ومره ثانيه ديري بالج اتصعدين بغرفتي خوش
حور: باوعت عليه شكد حقير من يسوي هيج بس احبه عفته يبدل لان جان بس بالشورت 🙈 نزلت جوه
مؤمل: ها حوري كعدتي علي
حور: يي عمو كعدته وكال هسه ينزل
مؤمل: عفيه حبيبتي
حور: ماريد اشوفه من ينزل ضوجني باوعت البابا وحجيت
باباتي يله اخذني للمدرسه
اسد :يله بابا امشي اوصلج
حور: طلعت اني وبابا وصلني للمدرسه دخلت رحت يم صديقاتي واني كالبه الوجه وضايجه من تصرف علي
ورده: شبج حور ليش هيج ضايجه
هدى: يي حور شبيج
حور: يمعودات هذا البومه شلون بي حقير صاير بس يصيح ولو تدرن شسوه اليوم
ورده: شسوه
حور: هذا علي ...... وحجتلها الصار
هدى ورده: صدوك
حور: يي والله
هدى: هذا لازم اتحطيله حد حتى لو كنتي اتحبي
حور: هففف ماكدر
ورده: لج انجبي لعد لتكلبين خلقتج
بقينه ندرس وكمل اليوم على خير وطلعت حتى يجيني بابا يرجعني

علي: هلاو اني علي ابن مؤمل ومريم عمري 20 اني حنطاوي وعيوني رصاصي طويل معضل طبعا اني وحور من جنه صغار نلعب سوه بس من بدت تكبر صارت احلى من قبل واني خفت لا اوكع بحبها فكمت اقسي عليها وابتعد عنها لان كل ماتكون قريبه عليه افقد بعيونها واني ماريد اضعف كدام طفله ومن اجتني للغرفه ماعرف ليش مكدرت الزم اعصابي وره منزلت اني كملت لبس ونزلت اريد اشوف شكلها شلون صار من بعد ما استفزيتها نزلت شفتها ماكو
علي: صباح الخير
الكل: صباح النور
ام اسد: يا يمه همزين شفناك
علي: بيبي اعذريني بس عندي هواي شغل ومدا الحك
اني احجي وعيوني عل بيت هاي وين راحت
اكول عمو اسد لعد وين
ساره: راح يوصل حور للمدرسه
علي: ها ماشي
وبهل اثناء دخل اسد
اسد: ها علي هاي بعدك بالبيت والله همزين شفناك
علي: هلا عمو هاي ليش اتحسسوني كأني كائن فضائي وتوكم شفتو
اسد : غير انت مختفي بالسنه حسنه نشوفك
علي: اكول عمو وصلت حور للمدرسه
اسد: يي وصلتها جانت كالبه وجهة ماعرف شبيها
ساره: هسه تلكاها دسوي مقلب على صديقاتها طالعه على عمها
مؤمل: يا ساره هاي شتقصدين
مريم: هههه تقصدك انت حبيبي
ساره: هههه بالضبط
مؤمل: هاي هيج بسيطه
علي: على كلن عمو اني اروح ارجع حور من المدرسه
اسد: بكيفك عمو جيبها
علي: كملت ريوك وطلعت رحت للشغل طبعا اني جندي بالحشد احب هيج شغله مثل عمي المهم رحت للشغل وره مخلصت كبل رحت للمدرسه مال حور صفيت السياره ونزلت انتجيت عليها انتظر تطلع جان المحها من بعيد تمشي وتتمسكن بنت الاوادم انوب الشعر طالع شلون بيها اني يا هاي شبيك علي شهل حجي انت متحبها لا متحبها اجتي دتمشي جان اتشوفني بقت صافنه وجها انكلب من الصدمه للغضب
حور بغضب: انت شجابك اهنا وين بابا
علي برود:عمظ بالبيت واني اجيت اخذج
حور: وشكو انت تجي ولويش
علي :ميحتاج ابرر ويله اصعدي لان راح اكسر رجليج
حور بغضب: انت شنو شنو اتكسر رجليه مو تايهتلك
علي بنفاذ صبر: حور اصعدي عاد لان راح اسوي شي ميعجبج
حور: ما عليك بيه خوش انت مو ولي امري افتهمت اني اروح شكو اصعد وياك شيكولون عليه
علي بغضب: لج شنو شيكولون عليج قابل صاعده ويه حبيبج تره اني ابن عمج ويله اصعدي كدامي
بقت اتعاند متقبل تصعد واني راح شعرها املخه الشباب يفوتون ويروحون ويباوعون عليها شفت واحد كصها كص بنضراته للحظه حسيت حور بله ملابس وديتمعن بجسمها متحملت دفعت حور ورحت عليه ضربته بوكس وهو انصدم من حركتي وضلينه واحد يضرب بالثاني
علي بغضب: ولك عاار شلون اتباوع على عرضي حقير
كمت من عنده وخابرت ادهم صاحبي
علي بغضب: الو ادهم دز دوريه المدرسه ال**
خلي يجون ظاخذون هذا العار يباوع على اعراض الناس يلن يي روح
نهيت المكالمه وباوعت على حور شفتها حاطن ايدها على حلكها ومصدومه من هل منضر اجيت عليها والياطين اتكمز كبالي
علي بغضب :هاا ارتاحيتي غضب الله ارتاحيتي من صار هيج ويله كدامي اصعدي
حور بخوف : ع علي حلكك د دم
علي بصياح وغضب: طبني مرض امشي اصعدي
شفتها اخترعت وصعدت بله اي كلمه والطريق كله ساكته بس دموع بعينها مهتميت فورت دمي متصعد وياهو اليفوت يباوع عليها وصلنه البيت نزلت بسرعه ودخلت جوه نزلت اني ودخلت اتلكتني امي
مريم: هلا يمه فوت ياا يمه شبي حلكك دم شصاير
علي: ماكو شي يمه
مؤمل: علي شبي حلكك
علي :يابه مابي شي والله هيج بالشغل صارت عركه
مؤمل: بس اريد اعرف هل عركات هل فتره منين تطلعلك الله يستر
عفتهم يحجون وصعدت الغرفتي نزعت ملابسي ودخلت سبحت وطلعت توني دا ابدل ودخلت حور
علي: خير شرايده
""""""""""""""""""""""""""""""
هلاو قلبوشاتي هذا بارت الاول من الجزء الثاني اذا عجبكم انزل واحد ثاني واستمر واذا لا احذفه امممح
احبكم ❤
صفو 💕