فصليه اخ خطيبي (الجزء الثاني)

بارت 13

علي: كعدت الصبح على صوت الباب امي اتصيح
مريم: علاوي يمه كوم يالعريس اكو عريس نايم لل 11 لك كوم يمه
صدك ضحكت على روحي هه عريس ياعريس هذا اذا العروسه مطنكره من دون سبب كمت سبحت وبدلت ونزلت لكيت البيت هوسه خوالي وعماتي وعمامي ولدهم وبناتهم البيت صاير هوسه عفتهم وطلعت افتريت بس روحي مخنوكه اليشوفني ميكول هذا عريس واليوم عرسه دكيت على ايلاف جاوبتني
علي: الو هلاو ايلاف صباح الخير
ايلاف: هلا علي صباح النور خير شبيك
علي: لا مابيه شي بس ضايج كلت ادك عليج خما سويت زحمه
ايلاف: لا يمعود صدك جذب بالعكس
بقيت اسولف ويه ايلاف عل خط شفت حور ادك عليه اتفاجئت هي مو زعلانه شعجب دكت سديت الخط من ايلاف ورجعت اتصلت بحور اول مره مردت ثاني مره هم مردت اخر شي ردت واجاني صوتها اليرد الروح
علي: الو حوريتي دكيتي عليه
حور: يي دكيت عليك بالغلط اعذرني
علي: محتاجه شي
حور: لا تسلم يله اترخص
سدته بوجهي صدك انقهرت من تصرفها وياي واعصابي تلفت ماعرف شسوي طكت روحي من هل سالفه رحت للحلاق طبعا اني مزين بس عدلي لحيتي وحددلي شعري وسواليا ترتيبات ورجعت للبيت لبست قاط مال عرس لون كحلي طلع حلو عليه لان اني ضخم فبرز جسمي كله طلعت بره بدو يجون جماعتي وصارت هوسه بالباب والنسوان يجون ويدخلن للبيت شويه واجتي حور بس مشفتها لان السياره الجابتها راحت من الباب الخلفي للبيت بقو يهوسون بالباب شويه ودخلنه جوه اول ما اجت عيني على حور الي جانت عبالك جوهره وكاعده هي وفستانها الابيض ردت روحي من شفتها باوعتلي بنضره خلتني افقد عليها عيونها تلمع والوجه يخبل ؤؤف حوريتي شسويتي بيه اجيت كعدت يمها فجئه اتحولت نضرتها للبرود اجيت وهمستلها

حور :حسيت الصبح على صوت هاجر وهي ادكعدني واني تعبانه كوه افتح عيني
هاجر: حور لج حور كومي يله
حور بنعاس: شكو شرايده
هاجر: لج كومي اليوم العرس مالتج راح نتأخر عل صالون
حور بنعاس :عوفيني نعسانه ماريد اعرس
هاجر: هههههه قويه والله يله لج كومي تره اذب سطل مي عليج والله
حور: لا لا هاي شوفي كمت كمت
هاجر: هههه يي عفيه يله جهزي نفسج حتى انروح
طلعت هاجر وكمت اني سبحت وبدلت شفت عيوني مورمه وحمره مال بجي نزلت دموعي غصب عني ومسحتها وحجت كافي حور لهنا وبس كافي تبجين محد يستاهل هل دموع مسحت دموعي ونزلت البيت هوسه سمعت خالتي مريم ادكول علي بعده نايم مهتميت طلعنه رحنه للصالون اني وهاجر بدت اتجهزني ام الصالون ردت مكياج خفيف وحلو مو طوخ وتسريحه بسيطه كولش نسينه الستريج مال البدله هاجر كالت شوفي علي دكيت عليه طلعلي مشغول ومره الثانيه هم مشغول كلت معقوله ديحجي ويه ايلاف اجاني الفضول ودكيت عليها طلعلي مشغول اتخبلت يي عرفته ديحجي ويه حبيبه الكلب كمت ابجي غصب عني نار تحرك بكلبي جان يدك علي مجاوبته دك هم مجاوبته اخر شي جاوبته من وره خشمي وسديت الخط خابرت على اخويه جنيد وطلبت يجيب الستريج وكال ماشي كمت ابجي من كل كلبي اجتي هاجر
هاجر: ياا لج ليش تبجي شوفي وجهج خرب المكياج
حور: 😭😭
هاجر: لج ليش تبجين منو وياج
حور: 😭 علي ديحجي ويه ايلاف 😭
هاجر: طاحظج عبالي فد شي امسحي دموعج حبيبتي الله لا يوفقهم
مسحت دموعي ورجعت ام الصالون عدلت مكياجي واجه جنيد جاب الستريج اخذته هاجر واجتي لبست البدله طلعت اتجنن عليه باوعت على روحي بالمرايه فديتني اخبل والله علي ميستاهلني ههههه ضحكت على روحي وهاجر هم لبست فستان محجبات كلش حلو لون زيتوني ومكياج خفيف طلعت حلوه اجه جنيد واخذنه لكيت بالباب هوسه اكيد اصدقاء علي دخلنه من الباب الخلفي واول مدخلت الهلاهل طرشت اذني كعدوني واجني النسوان يباركلي وبنات خوالي يباركلي واجتي ايه بنت خاله نسمه فديتها باركتلي
ايه :لج شهل جمال فديتج طالعه اتخبلين
حور: هههه شدعوه تره عادي مو كلش
ايه: ههههه دعوه بالمركز حمبي
حور: هههه حبيبتي
راحت ايه وجان تدخل ايلاف طالعه حلوه لابسه فستان محجبات طالعه صدك حلوه اجتي باركتلي
ايلاف: مبروك حبيبتي حور
حور: الله يبارك بيج يوم الالج
ايلاف: تسلمين يعمري امممح
راحت ايلاف وكعدت شويه وجان يدخل علي طالع يخبل شفت بعيونه لهفه الي اني من يمي ابتسمت بدون وعي وعيوني لمعت اجه كعد يمي بلحظتها اتذكرت كلشي عنه وعن ايلاف رجع حقدي عليه كعد وهمس بذني
علي: ؤؤف شهل ابيض ياكل ويشرب عليج
حور: ........
علي: حوريتي مبروك
حور:.........
علي: مراح تحجين شي
حور: مبروك عليك انه
علي: ههههه اكيد مبروك عليه اصلا اني محظوظ
محجيت شي بقيت ساكته والنسوان يهوسن بعدين زفونه وطلعت الزفه افترينه بغداد كلها بعدين رحنه للفندق دخلونه للغرفه بس اني شنو متوتره وخايفه وكارهة حياتي مستحيل اخلي يلمسني دخلنه ودخلت وياي هاجر نزعت البدله ولبستني سيت نوم الله يلعنج يهاجر لبستنيا غصب عني وتضحك وفتحت التسريحه وعدلت المكياج وكعدت سمعت صوت علي قريب عل باب سلمت عليه هاجر وغمزتلي وطلعت خرب يومج يهاجر هفف شسوي جان يدخل علي صارت عينه تباوعلي من فوك ليجوه نظراته ماتبشر بخير كعد يتفحص كل جسمي شايفين هذا جهاز الليزر مال فحص  علي هيج صارت عيونه هههه اجه اقترب مني اني بتعدت لزم ايدي جسمي كله رجف من لمسته بعدت ايدي عنه هو اقترب اكثر وجهة صار قريب من ركبتي وانفاسه الحاره تضرب بركبتي واني جسمي كام يطلع نار وهمس يم اذني
علي بهمس: ليش خايفه
اتوترت من قربه مني دفعته وحجيت بعصبيه
حور بعصبيه: مخايفه ودير بالك تتقرب عليه اياك تلمسني
علي: شبيج حور تره اني زوجج ومو غريب شهل تصرفات
حور بعصبيه: باوع علي اتركني بحالي واياك تلمسني والله تحلم اخليك اتطخني
علي بعصبيه: لج شبيج مو موتيني لج كل يوم احلم انتي بحظني وتاليها هيج تتصرفين
حور بعصبيه :اذا انت رجال اتركني بحالي يا اخي ماريدك رووح هي كوه
اباوع عليه الشراره كامت تطلع منه خفت من منظره ليتهور ويسوي شي باوع عليه وحجه
علي بعصبيه: اني رجال وغصب عنج ما اجبرج على شي مو علي اليجبر وحده حتى تجي عليه وراح يجي يوم انتي تتمنين لو اقترب منج لتخافين ما اطلع مراجلي على مره هذا مو من ثوبي ولا من شيمي
حجه هيج وطلع وركع الباب حيل حسيتها اتكسرت كعدت بلكع ابجي متت من البجي دخلت للحمام نزعت السيت مال النوم وسبحت وطلعت لبست تراك باوعت اكو اكل جايبين حسيت جوعانه مماكله شي كعدت ودست بالاكل دوس مبقيت شي ما اكلته كمت غسلت ورحت اتمددت صارت ساعه ب 10 وعلي ما اجه حطيت راسي عل مخده من التعب محسيت بشي

علي: زفونه ورحنه للفندق سلمت على جماعتي ورحت للغرفه اول مدخلت اتفاجئت من منضرها اتخبل مجنت متوقع كل هل جمال شفتها ارتبكت اتقربت عليها وضرب ريحه عطرها بوجهي خربت كل احوالي بس كل فرحتي بلحظه وحده اختفت من رد فعلها ورفضها الي عصبتني كولش طلعت وسديت الباب حيل واني الشراره تطلع من عيني طلعت من الفندق ركبت السياره ورحت على جسر الجادريه اكثر مكان ارتاح بي بقيت ادخن واتذكر ملامحها اووف شصار بيك يعلي مو جنت مبتعد عنها وينك وين العشك هو هذا العشك الجنت رايده خرب احوالك بقيت كاعد عل جسر دكيت على ايلاف
علي: الو
ايلاف: هلا عريسنا ولك عايف مرتك وداك عليه ههه
علي: ههه مرتي بالحمام كلت ادك عليج
ايلاف: ولك شعندك داك دروحلها مادام هي بالحمام استغل الفرصه شبيك فاهي يحضي
علي :ههههه ماشي ماشي مع السلامه
ايلاف: هههه الله وياك
سديت الخط من ايلاف وضحكت على روحي بالحمام هههه صدك جذبه اووف شفت الساعه ب 9 ونص رجعت للفندق رحت للغرفه دخلت لكيت الضوه مطفي شغلته لكيت حوريتي عل سرير نايمه الشعر على وجها وشفايفها حمر ومفتوحات تخبل اووف ياعلي شسويت بنفسك بس لو اعرف شهل تصرفات مالتها باوعت عل اكل شفتها ماكلته ممبقيه شي ضحكت عليها رحت سبحت ولبست فانيله وبجامه ورحت نمت بصفها حطيت ايدي على خصرها وجريتها عليه هي دارت روحها وحظنتني ودفنت راسها بصدري واسمعها تهلوس ادكول لا تتركني بقيت صافن المن تقصد اووف ربي شهل سالفه حظنتها ونمت محسيت غير الصبح هي اتحاول اتبعد ايدي عنها فتحت عيوني وشفتها كبالي ضوه الشمس يضرب بيها وشعرها المنثور على جسمها ولون الشمس منطي شعرها لون ذهبي وعيونها كلها نوم ضحكت بداخلي على شكلها جنها طفله باوعتلي ورجعت وخرت ايدي من خصرها حيل وراحت للحمام

حور: حسيت بليل ايد اتحاوط خصري عرفته علي الصراحه مجنت رايدته يبتعد عني واني بدون وعي انداريت وحظنته ودفت راسي بحظنه بدون تفكير كلت لا تتركني بس هلكد منعسانه محسيت بشي بعدها فزيت الصبح اباوع على روحي نفس النومه مال البارحه علي حاضني باوعت عليه حطيت ايدي على صدره وطبعت بوسه على ايده وحجيت بصوت ناصي ليش اتخوني مو حبيتك من جنه صغار لو صارحتني مجان صار كل هل بعد بيناتنه بعدين طبعت بوسه على شفته سريعه حتى ليحس وحاولت اوخر منه بس ماكو رايح بسابع نومه شفته كام يتحرك فتح عيونه وباوعلي اني وخرت ايده من خصري ودخلت للحمام سبحت وبدلت وطلعت شفته على نفس نومته بقه يباوع بيه اني نشفت شعري جان هو يحجي
علي: العروسات بصباحيه عرسهن يكولن صباح الخير حبيبي شو اني العروسه العندي اصبح عليها بوجه مكلوب وسكوت
باوعت عليه بطرف عيني وكلتله
حور: صباح الخير
علي: امم صباح النور بس نسيتي شغله
حور: شنيه
علي: كلمه حبيبي
حور: ههه هل كلمه ماكولها بعد
كملت تنشيف شعري هو كام للحمام غسل وجه واجه نشف ولبس ملابسه وكال
علي: اجيب الريوك اهنا لو ننزل نتريك بالمطعم
حور: ياريت اتنزلنه بالمطعم ومناك نرجع للبيت لان طكت روحي
علي: مستعجله عل بيت
حور: يي مستعجله ماريد ابقه اهنا بعد
عفته ورحت بدلت ولميت الملابس بالجنطه وحظرتهن نزلنه كعدنه بالمطعم مال الفندق اتريكنه وكملنه علي طلب منهم ينزلون جنطنه جابوهن ورحنه ركبنه بالسياره ورجعنه للبيت اول مدخلت الوجوه متتفسر شكو شصاير محد يجاوب .........النهايه

لا جذب 😂 اكو بعد بارت 😌
"""""""""""""""""""""""""""""""""
هلاو قلبوشاتي كولش فرحت من تعليقاتكم والله
فديتكم متقصرون 😘😘
احبكم ❤
صفو 💕