فصليه اخ خطيبي (الجزء الثاني)

بارت 11

حور: عقدت اني وعلي وفرحنه كلنه وايلاف بنيه كلش حبابه صارت صديقتنه وبدت اداوم بكليتنه فرحتلها هي بنيه مؤدبه وحلوه ونازكه بدت علاقتنه تقوه الى ان رحت للكليه واشوف ايلاف وعلي ولد واكف يمهم بالباب مال كليه شفت علي ضرب الولد وراح الولد وحجه ويه ايلاف بس ماعرف شنو حجه وياها بعدين حظنته وهو حظنها وكامت تبجي اتخبلت يعني هاي تاليتها علي يخوني لا لا مستحيل شكد حقير ونذل لان حبيته وهو خاين ويخوني ويه منو ويه صديقتي كرهت روحي وكرهته هو والساعه السوده الحبيته بيها رجعت للبيت لكيته ديسمم كون سم بكلبك شفته رفع راسه باوعلي واني مدي اخنك بيدي سلمت ودخلت كبل صعدت الغرفتي كلت اله انتقم منه مشت الايام وايلاف كمت اتجاهلها من تحجي وياي لو اعاملها بقسوه وهي متحجي شي اكيد متفك حلكها لان غلطانه وياي اما علي فأبد محاجيته واتجاهله كل مايحاول يحاجيني اتجاهله وما افتح حلكي فقط اجاوب على كد السؤال جنه كاعدين بالحديقه مال البيت اني وهاجر
هاجر: حور انتي هل ايام مو على بعضج صاير شي بينج وبين علي
حور: اوووف هاجر يي صاير ...... وحجتلها السالفه
هاجر بصدمه: عزااا معقوله يخونج وهاي شكد طلعت حيه
حور: اووف هو هذا القاهرني
بقينه انسولف جان تجي خالتي مريم هي وامي  وعلي من شفت علي اتحولت ملامحي من ضحك الى غضب هو جان يبتسم كعدو جان يحجون
ساره: يمه حور الاربعاء الحنه مالتج حظرنه كلشي
مريم: يي حبيبتي كلشي كملنه
بقيت صافنه شبسرعه اووف ماريده
حور: ماما بس بعد وكت مو عبالك مستعجلين
جان يجاوب علي
علي: لا مو مستعجلين وخلص صار شهر انأجل بسببج
باوعت عليه بحقد مجاوبته بس حجيت
حور: التردو سوو
جان تجي ايه وياها ايلاف الحقيره سلمن وكعدن
ساره: هلا حبيباتي شلون ارجوان ونسمه
ايلاف: خاله زينه ماما اتسلم عليج
ايه: اني هم ماما اتسلم عليج
ساره: عليكم السلام صدك الاربعاء الحنه مال حور ومعزومين
اباوع عليهن فرحن وباسني بست ايه وباركتلي وايلاف هم باستني بس اني مبستها وباركتلي ومجاوبتها بقت صافنه هي بس ابتسمت واني ولا طلع مني اي رد فعل كامت امي وخاله مريم جان تحجي ايلاف
ايلاف :شلونك علي اخبارك
علي: هلا ايلاف الحمدلله وانتي
ايلاف: اني بخير ليش ماكو
علي: والله ملتهي شغل وتحضيرات للزواج
بقو يسولفون واني النار اتشب بكلبي باوعت على هاجر لزمت ايدي واشرتلي اهده جان اكوم ويحجي علي
علي: وين رايحه حور
حور: اكلج هاجر اني صاعده فوك الجو صار بي سم
شفته بقه صافن وكلهم صافنين مهتميت عفتهم وصعدت اول مدخلت غرفتي لزمت المخده وحطيت راسي بيها وكمت ابجي واصرخ بصوت عالي بس مينسمع الصوت لان مخده حاطتها كرهت حياتي وكرهته هو

علي: مرت الايام وحور تعاملها وياي بارد كلت من كثر الشغل والتعب وهي دوام كليه صارت علاقتي بايلاف قويه صارت صديقتي كلش دايمن نتخابر وتحجيلي عن احوالها واحجيلها عن حور وشكد احبها وهي فرحانه بينه واحجيلها عن برودها وهي هم لاحظت هل شي واحنه مفكرين من كثر التعب رجعت للبيت وقررنه الحنه الاربعاء وحجينه الحور عارضت بالبدايه بس بعدين قبلت بس وجها ثكيل عليه ماعرف شبيها راح اتخبلني اجاي ايلاف وايه وسولفنه اني وايلاف وكامت حور استغربت من جوابها وتعاملها القاسي والتجاهل اتخبلت هاي شبيها باوعت على هاجر وحجيت
علي: هاجر شبيها حور ليش كل هل برود والتجاهل
بس الفاجئني اكثر رد هاجر الي
هاجر بعصبيه: اسألو نفسكم استاذ علي على كوله حور الجو صار يذب سم
صدك اتفاجئت وعافتنه وكامت بقيت صافن بوجه ايه وايلاف ايه اترخصت وطلعت ايلاف بقت
ايلاف: علي حور شبيها ليش هيج تتعامل وياك
علي: اوووف لج ايلاف ماعرف شبيها والله راح اتخبلني بتجاهلها هذا وبرودها لج احبها
ايلاف: ادري بيك اتحبها اتحملها فدوه تره اتحبك
علي: اعرف اتحبني واني هم احبها غير هي روحي
دا اسولف ويه ايلاف انتبهت حور دتباوع علينه من البلكونه باوعت عليها شافتني دارت وجها ودخلت اتخبلت من هاي معاملتها اترخصت ايلاف وراحت

حور: من كمت ابجي واشهك اجتي هاجر يمي كامت اتهديني
هاجر: اشش حبيبتي الله لايوفقهم لان نزلو دموعج كافي
حور بجي وشهكات: لج احبه وهو مكضيها دك سوالف ويه الخانوم واني مثل الثوله بنصهم وفوكاها اشهد على حبهم اذا يحبها شكو يتزوجني
كمت ورحت بالبلكونه داشم هوه شفته كاعد هو وياها بوحدهم ولازم ايدها ويحجي وياها تخبلت النار كامت تشتعل بكلبي هو شافني وخر ايده من ايدها وابتسملي مهتميت دخلت للغرفه وكمت ابجي بالزايد
حور بجي: لج جان لازم ايدها هسه اخخ ياعلي الله ينتقم منك والله اله ادفعه الثمن غالي
هاجر: الله كريم حبيبتي
طلعت هاجر ومسحت دموعي وعدت نفسي اله ادمر علي ومشت الايام وصار يوم الحنه مالتي من علي كعدت من الصبح اخذوني للصالون هاجر وايه رحنه لبست بدله بصلي فاتح ومكياج حلو وتسريحه بسيطه وهنه هم لبسن فساتين حلوات ومكياج خفيف وتسريحه بسيطه كولش اجه ياسر اخذنه بالسياره اول موصلت توني دا انزل واشوف علي وايلاف واكفين بالباب الله ينتقم منك ياعلي لك حتى بيوم حنتنه اتشوف حبيبه الكلب نزلت هو شافني اجه عليه وحجه
علي: فوتي جوه بسرعه لا اكسر رجلج
حور بعدم اهتمام:معليك لتدخل
عفته ودخلت ورايه هاجر وايه اول مدخلت هلاهل وجكليت يتطاشر عبالك حصو مو جكليت المهم كعدت وبدت الاغاني والركص اجتي ايلاف يمي
ايلاف: مبرووك حبيبتي
حور بعدم اهتمام: الله يبارك بيج
ايلاف بفرح: راح اكرصج من رجليج حتى اتزوج وراج
حور بعدم اهتمام: لا اعذريني هاجر تكرصني اول والبنات ياله انتي عود افكر اتسويها او لا
شفت ابتسامه ايلاف راحت من وجها عافتني وكفت يم ايه اجني هاجر وايه ورده وهدى ونرجس ومينا ومينال ومروه باركلي كلهن كامن يتعاركن حتى ياهي التكرصني اول ضحكت وحجيت
حور بضحك: ابد محد يكرصني بالاول بس هاجر
هاجر بغرور: سمعتن لو طرشات
كلهن ضاجت وعوجن حلكهن واجتي كرصتي من رجلي حتى تتزوج وراي وهنه وحده وره الثانيه كرصني زوركني بنات الاوادم جان ايه اتصيح الايلاف
ايه: لج ايلاف تعالي اكرصيها حتى تزوجين هههه
اجتي ايلاف وهي تبتسم شكد كرهتها دنجت دتكرصني جان اهمسلها
حور بهمس: اكرصيني حتى بلكت تنكلعين من حياتي
شفتها بسرعه وخرت حتى مكرصتني والعيون دموع وصدمه مهتميت الها جان تحجي ايه
ايه بفرح: لج ها كرصتيها لو لا
ايلاف بقهر: يي كرصتها
ايه بضحك: طاحظج لج بابا اكرصيها حييل خلي تصيح من الوجع شوفي هيج
دنجت ايه وكرصتني حيل عطت من الوجع
حور بالم: لج غبيه ااخ يوجع
ايه بضحك: شفت هيج الكرصه الزينه هههه
نرجس: هسه تزوجين مرتين لان كرصتيها مرتين ههههه
ايه بضحك: هههههه اي والله شفايتلي لو رجالين فدييت
الكل: هههههههه
بقينه نسولف ونضحك ونركص الحد مكالو راح يدخل العريس اهنا اني كلبي انقبض دخل علي بكل كشخته واناقته كعد بصفي وهمسلي
علي بهمس: فديت حوريتي طالعه كمر تنكرطين
محجير شي لان مطايقته شفته باوع الايلاف واشرلها 👌 بمعنى طالعه حلوه اتخبلت ردت بس تخلص الحفله كالو لازم اركص ويه علي سلو واني مطايقته كوه كوموني كمنه وهو حط ايده على خصري وقربني منه حييل وكمنه نركص وحط شفته قريب يم اذني وحجه
علي بهمس: حوريتي ليش هل برود كله
حور بهمس: علي اسكت واتركني بحالي واله اكلك اطلع هسه احسن واتعذر منهم لان مطايقه اشوف وجهك
علي بهمس: حوريتي شجاي تحجين لج غير احبج شنو مطيقيني
حور بهمس: علي
علي بهمس: عيونه وكلبه وروحه
حور بهمس: اكرهك اطلع منا
من حجيت هيج حسيته قبض على خصري حيل وباوع بوجهي شفت عيونه حمره دم من الغضب وخر مني واترخص وطلع واني كعدت وبقو يهلهلون ويركصون الحد مخلصت الحفله وراحو الناس والخطار من بيتنه اني صعدت سبحت ونزعت البدله ولبست ملابس نوم ونمت لان تعبانن حييل
"""""""""""""""""""""""""""""""
هلاو قلبوشاتي يارب تعجبكم الاحداث لان تعبت بيها ورب الكون امممم 😘😘
احبكم ❤
صفو 💕