فصليه اخ خطيبي (الجزء الثاني)

بارت 14

حور: دخلنه للبيت والوجوه متتفسر دخلت شفتهم واكفين رحت على هاجر سألتها
حور: شكو هاجر شصاير
هاجر: .......
رحت على بيبي الي جانت كاعده
حور: بيبي شكو ليش كلكم ساكتين
ام اسد: يبعد بيبيتج روحي الغرفتج وتعرفين
باوعت على علي وهو هم اجه وياي صعدنه وجان ادخل واشوف ملاك صغير كاعد عل سرير بيده دبدوب وديلعب بقيت صافنه منو هاي اجيت اتقدمت كعدت كبالها بنيه صغيره يطلع عمرها 4 سنوات شعرها اشكر وعيونها زرك والوجه ابيض والشفايف صغار ورديه وشايله دبدوبها صغير بيدها جانت تلعب بي شافتني رفعت راسها عليه شفت عيونها مليانه دموع سألتها
حور: حبيبتي شنو اسمج
يسر: اثمي يثر
حور: هههه اسمج يسر فدوه حلو انتي شجابج اهنا وين امج
اباوع عل بنيه نزلت من عل سرير واجتي وحظنتني وكامت تبجي بقيت مصدومه بمكاني نزلت كعدت بالكاع وهي هم كعدت كبالي سألتها
حور: حبيبتي ليش تبجين
يسر: عادي اثيرين ماما
بقيت صافنه بوجها وحجيت
حور: ليش ماما وين
يسر بجي: ماما عافتني اهنا وراحت كالت هذا بيتج واهنا امج
شفت منضرها وهي تبجي انقهرت عليها حظنتها ومسحت دموعها وشلتها وكعدتها بحظني شفت علي اتقدم وكعد يمنه وحجه
علي: احم اني اسمي علي
يسر: واني يثر
علي: هههه حلو لعد اذا اتصيحيلها ماما وهو يأشر على حور اني تصيحيلي بابا
بقيت صافنه هذا شبي
يسر: ثدك يعني عادي اثيحلك بابا
علي: يي يصير
شفتها كامت وكعدت بحظن علي وحظنته وباست خده وتلعب بلحيته لحظه حسيت اني اكون بمكانها وهيج العب بلحيته كمت اغار ماعرف ليش الكطع تفكيري يسر اتجرني وتحضنه اثنينه باوعت على علي همسلي
علي: يلوكلج تصيرين ماما
باوعتله ورفعت حاجبي وهو غمزلي وحجيت
حور: احم امشي ننزل ونفتهم سالفه يسر منيه ومنين اجتي
علي: ماشي امشي
نزلنه وجان علي شايل يسر بيده شفت ايلاف موجوده هاي شجابها ؤؤف بكلشي مدخله روحها نزلنه وكعدنه كلهم جانو كاعدين ويسر بحظن علي جان علي يحجي
علي :يي فهمونه منين اجتي البنيه
اسد: ابني علي هاي البنيه جابتها ايلاف ادكول هاي ....
جان يسكت ابويه وحجت بيبي
ام اسد: عليوي هاي البنيه من هسه راح اتكون بنتنه واريد من الكل يعاملها بحنيه
علي: بيبي عادي خلي تبقه بس غير نعرف منيه وليش هي اهنا
اباوع على ايلاف دموعها كامت تجري وامي حظنتها وحجت
ساره: اششش بنتي اسكتي والله انحطها بعيونه وامج مراح تعرف شي لتخافين
ايلاف بجي: خاله ماعرف شلون اجازيكم والله اذا امي تعرف تكلب الدنيا
محمد: كافي بنتي كلنالج محد راح يعرف بشي
جانو يحجون واني مفاهمه شي جان علي يحجي ويه ايلاف ضجت كلش ليش يحجي وياها
علي: ايلاف كافي اسكتي امسحي دموعج وفهميني شنو الموضوع
شفت ايلاف هدت ومسحت دموعها وحجت
ايلاف: باع علي هاي البنيه هي اختي البارحه بليل من خابرتني وره مسديت الخط الباب اندكت مال بيتنه جانو كلهم نايمين رحت فتحته وشفت مره مو كلش جبيره بالعمر يطلع عمرها 30 وبيدها يسر سألتها انتي منو جاوبتني وكالت اني زوجه ابوج الثانيه وهو طلكني واني اجيت وجبت بنته اله مو طلكني وعافها عليه اني هم اريد اشوف حياتي وحجت ويه يسر وكالتلها ابقي اهنا اهنا بيتج وامج وعافت يسر بالباب وراحت بكل كلب بارد واني اخذتها ودخلتها للبيت معرف شسوي صعدتها الغرفتي وكعدت يمها وكلتها وبدلتها وماعرف شنو اكول الامي اذا امي تعرف راح تنهار اعصابها خطرت بالي اجيبها اهنا ومن الصبح اجيت وحجيت كلشي الخالتي ساره وعمو اسد والبيبي وكلهم صعدوها الغرفتكم واني رجعت للبيت شفتكم اجيتو كلت اكيد عرفو بيها واجيت اني اهنا وهذا الي صار ماعرف شسوي والله ماعرف وين احط يسر وين اضمها من عيون امي راح اتخبل كولي علي شسوي
جانت تحجي وتبجي بس صفنت على كلمه كالتها البارحه علي مخابرها هه يي يخابرها ليش لا باوعت العلي جان متفاجئ وجان يحجي
علي: خوش بس اني عندي حل الهاي المشكله
الكل: شنو الحل
علي: يسر تسكن ويانه وراح اتكون بنتنه ونعتني بيها
ام اسد: بس علي يبعد بيبيتك راح اتكون بنت منو ومن تكبر شنكوللها
علي: بيبي لتشيلين هم راح اتكون بنتي وبنت حور وميحتاج احد يكوللها عن شي تكبر وهي بنتنه
باوعت على علي بتفاجئ شنو بنتنه شفت ايلاف الفرحه بوجها والكل ابتسم
اسد: عفيه عليك ابني خوش تفكير
مؤمل: وليدي اني فخور بيك الله يحفظك
علي: وهي هاي الخبصتونه بيها عبالي مشكله جبيره بس كولولي هل كمر هذا شلون طلعت هيج حلوه بس اكيد تطلع حلوه على اختها هههه
الكل ماعدا حور: ههههههه
ايلاف: هههه علي شهل حجي خجلتني
اباوع عليهم شلون يحجون ويتغزلون ابعض واني الشراره تطلع من عيني بهاي الاثناء اجتي خاله ارجوان
ارجوان: السلام عليكم
الكل: عليكم السلام
شفت الصدمه على وجه ايلاف جانت خايفه من امها اخاف تعرف شي
ارجوان بتعجب: هاي منو الطفله الصغيره
ساره: هاي بنت علي وحور
ارجوان: ههههه هاي شلون البارحه اتزوجو اليوم يخلفون شبسرعه
ليان: عيني احنه انتاجنه سريع ههههه
الكل: ههههههه
ارجوان: لا صدك منو هل ملاك الحلو
باوعت الكل ساكت جان احجي اني
حور: احم خاله هاي البنيه اني وعلي اتبنيناها من الميتم وردناها اتصير بنتنه خطيه اني حبيتها من شفتها وعلي مخلاها بخاطري واخذناها
حجيت هي واني اباوع على ايلاف بحقد بس هي اتباوعلي بنضره شكر وامتنان وعلي نضرته الي كلها فخر ولمعه
ارجوان :يايمه شحلاتها ربي يخليها الكم وتتربه بعزكم
علي: تسلمين خاله
باوعت عليهم شلت يسر من حظن علي وترخصت منهم وصعدت فوك دخلت الغرفتي وكعدت يسر على السرير وكعدت كبالها وحجيت
حور :يي ماما يسر شلونج
يسر: ماما ثدك راح اعيش اهنا يمكم
حور: يي ماما راح اتعيشين اهنا وهذا راح يكون بيتج واني امج ماشي
يسر: بث ماما الله يخليج لا تجويني مثل هذيج تضربني وتجويني
بقيت صافنه هاي شددكول
حور: ليش اجويج حبيبتي ليش منو يجويج
يسر بجي: ماما هذيج المره التخوف تجويني وتضربني
نزعت يسر البدي الجانت لابسته وشفت جسمها كله طبع جويات وطبع ايد مال ضرب جان تنزل دموعي وحظنتها وحجيت
حور بجي: يابعد كلبي محد راح يضربج ويأذيج مادام اني موجوده
يسر: ماما اثكتي لتبجين
حضنتها بكل قوتي صدك حسيت بمعنه الامومه وحبيتها من كل كلبي جان يدخل علي وشافنه وحده حاضنه الثانيه وكعد يمنه وحجه
علي: ما الي مكان بهذا الحظن
يسر: يي بابا تعال يمنه
يسر جرت علي وحظنتنه اثنينه وباستنه اجتي عيني بعين علي جان يمد ايده ويمسح دموعي وحجه
علي: اسكتي لتبجين هاي يسر صارت بنتنه كافي على شنو هل بجي هسه
بدون وعي ونسيت قهري منه وحجيت بكل حريه
حور بجي: علي شوف جسم يسر كله ضرب وجويات هاي امها مأذيتها خطيه
علي شافها وكال
علي: لتبجين جويات بسيطه اليوم العصر ناخذها للطبيب ويفحصها
بدون وعي من فرحتي حظنت علي وحجيت
حور بفرحه: شكرا شكرا شكرا يا احلى اب
بعدين حسيت بروحي اني حاضنته وهو حضني وخرت عنه بسرعه
علي: وهسه شنو
حور: شنو
علي: ليش رجع هل برود
حور: ميخصك
علي: استغفر الله
شفته كام وهو معصب وراد يطلع حجيت ويا
حور: علي
علي: عيوني
حور :بله زحمه عليك كول الحبيب..
سكتت محجيت ردت اكله حبيبه الكلب بس سكتت جان يحجي
علي: المن اكول
حور: اقصد كول الايلاف خلي تنطينه ملابس يسر
علي: ماشي
طلع علي واني باوعت اليسر الي لازمه دبدوبها وحاطته على رجليها الصغار عود دتنيمه ضحكت على منضرها كلها برائه وطفوله تمنيت اني بمكانها وهيج يكون معندي كل هل وجع البكلبي شويه واجه علي بيده جنطه ملابس يسر اخذتها منه وطلعت نفنوف وردي وبي ورد ابيض كلش حلو ونازك اخذت يسر للحمام سبحتها ونشفتها ولبستها الفستان ومشطت شعرها جان ذهبي وخفيف ويخبل سويتلها عنطوطات بشعرها طلعت اتخبل وريحتها اتجنن علي شافها اجه عليها وحجه
علي: يمه فدوه للجمال شو خلي اشوف حبيبه بابا شحلاتها
يسر :يعني حلوه
علي: غير اتخبلين
شفت يسر باست علي بخده واجتي باستني ولزمتنه اثنينه من ايدينه ونزلنه جوه شافوها الكل وحجه
ام اسد: هلا حبيبتي تعالي يروحي
راحت يسر على بيبي وبيبي باستها
ساره: يسر تعالي اني صيحيلي بيبي
اسد: واني جدو
يسر: ماثي اثيحلكم هيج
ضحكت عليهم شلون يحاجوها ويضحكون وياها اجتي هاجر يمي وحجت
هاجر: حور شنو شعورج
حور: هاجر ماعرف ماعرف والله
هاجر: ليش شصار البارحه
حور: تعالي فوك واحجيلج
صعدت فوك ولحكتني هاجر وكعدت سولفتلها كلشي
هاجر: عزه بعينج يعني مخليتي يقترب منج
حور: يي مخليته
هاجر: لج ليش يثوله
حور: هاجر شبيج نسيتي هو يحب ايلاف واني كمت اكرهة
هاجر: انجبي لتجذبين انتي متكرهي لا اتحبي بس كرامتج متسمحلج تسكتيله وتردين تنتقمين منه بس حور هذا عنادج راح يأذيج
بقيت ساكته محجيت شي نزلنه وشفت يسر بحظن علي وهو يوكلها بسكت ويبوس بخدودها وهي تلعب بلحيته ضحكت على منظرهم بنت وابوها شكد حلوين سوه علي يلوكله يكون اب بس ميلوكله يكون زوج هه ضحكت على روحي
""""""""""""""""""""""""""""""""
هلاو قلبوشاتي هذا بارت لعيونكم لا تنسون التعليق والتصويت امممح 😘
احبكم ❤
صفو 💕