فصليه اخ خطيبي (الجزء الثاني)

بارت 3

تسريع الاحداث
بعد مرور 3 سنوات
حور : ماما عفيه حبابه خليني اروح للحفله الله يخليج هو ابيت صديقتي هدى خلي اروح وهمه قريبين
ساره: ياماما شلون اخليج اتروحين بدون علم ابوج لا مطلعين اله يجي ابوج وكوليله ياله اتروحين
حور: هفف ماما شبيج تره اني كبرت مو طفله وبابا يتأخر ياله يجي دبريها من يمج ومحد غريب ابيت هدى
ساره بعصبيه: حووور شحجيت ماكو روحه اله يجي ابوج افتهمتي
اسد: هاي شكو اشصاير ساره ليش اتصيحين على حور
ساره: همزين اجيت هاي بنتك اتريد تطلع بله مدكولك
اسد: حور صدك هل حجي
حور: بابا والله مو هيج بس ردت اروح حفله ابيت صديقتي هدى وانت عبالي تتأخر فكلتلها اريد اروح
اسد :يله حبيبتي روحي عادي
حور بفرح: حبيبي باباتي احبك امممح
طلعو امي وابويه وبدلت لبست بنطرون جينز وبدي ربع ردان وردي وحطيت مكياج خفيف
حور: مرت 3 سنوات صار عمري 22 دخلت كليه وعلي بعده على تصرفاته بس ابتعدت عنه لان هو رفضني ابتعدت عنه لان ميريدني اتذكرت من كلي ما احبج

عوده للخلف شويه
حور: علي اريد اكلك شغله
علي: ها حور احجي لان مستعجل
حور: علي اسمعني وافهمني اني احبك
علي: شنووه بس اني ما احبج
حور: شنو متحبني وهاي تصرفاتك وياي
علي: تصرفاتي وياج عاديه
حور: وخوفك عليه وغيرتك شنو معناتها
علي: عادي شي طبيعي اخاف عليج لان بنت عمي وعرضي
حور : يعني متحبني
علي: لا ما احبج ولاتفكرين بيوم راح احبج فهمتي
قطع تفكيري صوت امي
ساره: حور يله يمه اجتي صديقتج ورده ادكول وين حور
حور: يي ماما اجيت
طلعت وصار بوجهي علي باوعلي ورفع حاجبه وحجه
علي: هاي شلابسه
حور: شكو خير شلابسه يعني
علي: مطلعين وانتي بهل ملابس
حور: مالك علاقه استاذ علي يله باي صديقتي تنتضرني
عفته ومشيت طلعت الورده ورحت البيت هدى دخلت لكيت ايه بنت خاله نسمه ونرجس بنت خالو سيف وهاجر بنيه ويانه بالكليه بنيه حبابه وحلوه كولش اجيت سلمت عليهن
هاجر: لج حور هاي شطالعه
هدى: فدوه طالعه تجننين
ايه: عوبه فدشي
نرجس: لج ايسر راح يتخبل عليج من وره جمالج
حور: احم بنات اني اعجبجن ولج نرجس لتحجين مره ثانيه هيج ايسر مثل اخويه ماعندي شي ويا
كمنه نركص ونغني جانت حفله عيد ميلاد هدى كلش فرحنه وقطعت الكيكه ونطيناها الهدايه كعدنه جان تجي تكعد يمي ايه
ايه: لج حور متعرفين اي شي عن خاله ارجوان
حور: لا والله امي صار فتره اتريد تتواصل وياها بس ماكو
ايه: يي صح حتى ماما ادكول من زمان اختفت وبعد منعرف عنها شي من يوم التزوجت ابن عمها
حور: يي صح حتى ماما هيج كالت
ايه: صدوك شخبار علي من يوم العترفتيله
حور: هفف لتذكريني بي العقده حقير يكلي ماحبج
ايه: والله ماعرف هذا تصرفاته عجيبه
حور: شسويله ميهمني بعد
اجتي هاجر يمنه جانت ابنيه كلش ناعمه ونازكه
هاجر: هلاو بنات
ايه وحور: هلاو هجو
حور: صدك هجو شو ابد متحجيلنه عن اهلج
هاجر: بنات اهلي هواي عدهم مشاكل بحياتهم وبابا عايف بيت اهله من زمان ماعرف شنو السبب دايمن ماما ادكوله خلينه نلتقي بيهم ولو مره بس هو ميقبل
حور: طيب انتي كم اخ او اخت عندج
هاجر: عندي اخ اكبر مني اسمه ياسر واني واختي اصغر مني بسنتين اسمها مروه
حور: اها الله يخليهم الج حبي
هاجر: تسلمين حبيبتي وانتي
حور: اني ماما وبابا متفاهمين حيل وعايشين ويه بيت جدو جدي اتوفه من زمان بس بيبي بعدها عايشه وعندي اخ اصغر مني بسنه اسمه جنيد واني المفضله عند بابا وحتى مرات ماما اتغار على بابا مني
هاجر: هههههه حلو ياريت عندي هيج بيت جد احنه ماعدنه هيج شي حتى اهل ماما متبرين من عدها لان اتزوجت بابا جان الكل رافض ارتباطها من بابا لان بابا مجان يملك شي
حور: اووف حبيبتي شنو رئيج تجين تتعرفين عن اهلي
هاجر: بس
حور: انجبي بله بس تجين وتتعرفين عن اهلي
هاجر: ماشي شكرا
حور :فدوه عفوا
كملت الحفله وراحت ايه اجه عمو مرتضى اخذها ونرجس اخذها خالو سيف وكال تعالي اوصلج واخذت هاجر وصعدنه بالسياره وصلنه بالباب وهو راح نزلنه ودخلت جوه شفت هاجر متردده من الدخله
حور: شبيج هاجر تعالي فوتي
هاجر: استحي والله
حور: انجبي وتعالي
تونه دخلنه صار بوجهنه اخويه جنيد باعوع على هاجر بقه صافن بيها وحجه
جنيد: حور منو هاي البنيه
حور: جنودي هاي صديقتي هاجر هاجر هذا اخويه جنيد
هاجر: اتشرفنه
جنيد: الي الشرف
باوعت جنيد بقه صافن بيها وعيونه تلمع واترخص وراح اني دخلتها جوه وصحت على بابا
حور: باباتي وينك باباتي
اسد: ها حبيبتي اجيتي
حور: يي باباتي اجيت شوف هاي صديقتي هاجر
اسد: هلاو بنتي
هاجر: هلاو عمو
جان تجي امي
ساره: شبيج اتصرخين شجاج يمه هاي منو البنيه
حور: ماما هاي هاجر صديقتي جبتها حتى تتعرف عليكم
ساره: هلاو حبيبتي فوتي
هاجر: هلاو خاله تسلمين
دخلت هاجر وامي وابويه وكعدنه بالصاله
حور: لعد بيبي وين
ساره: والله نايمه شويه تعبانه يمكن السكر مالتها
حور: اها ماشي
اسد: يي بنتي هاجر شلونج انتي من وين وين عايشه
هاجر: عمو اني عايشه ويه اهلي جنه بتركيا بس رجعنه قبل 5 سنوات
اسد: اها شيشتغل ابوج
هاجر: بابا جان قبل ماعنده شي بس من رحنه التركيا اشتغل اهناك ابفندق وكون نفسه وجان متزوج ماما وطور شغله وصنع مهنته بنفسه
ساره: شنو اسم اهلج
هاجر: بابا اسمه محمد وماما ليان وعندي اخ اكبر مني اسمه ياسر واختي اصغر مني اسمها مروه
حور: اباوع وجه امي وابويه مثل المصدومين ماعرف شنو السبب
حجيت ويه بابا
حور: باباتي اسودي شبيك
اسد :مابيه شي
هاجر: عمو انت شنو اسمك
اسد :اسمي اسد
هاجر: حلو هل اسم وانتي خاله شنو اسمج
ساره: اسمي ساره
هاجر: صدوك تدرون بابا راد قبل يسمي اخويه اسد واختي يسميها ساره بس ماما مقبلت
بهل اثناء دخلت بيبيتي
ام اسد: منو هل بنيه
اسد: يمه هاي البنيه اسمها هاجر صديقه حور
ام اسد: هلا بنيتي
هاجر بصدمه: هلاو بيبي
حور: اباوع على هاجر عيونها دموع ومصدومه من شافت بيبي وفجئه حظنت بيبي وكامت تبجي بس معرفت شبيها
ام اسد: يا يمه شبيج تبجي شصاير
هاجر بجي: انتي اسمج لبنا مو
ام اسد بتفاجئ: يي اسمي لبنا بس شعرفج انتي
هاجر بجي: بيبي حبيبتي ليش حرمتونه منكم من جنت صغيره واحلم اتكونون يمي
حور: جنت واكفه وصافنه منين تعرف بيبي وكامت تبجي وتحجي حجي ممفهوم بهل اثناء دخل علي وعمو مؤمل وخاله مريم
مؤمل: هاي شنو شصاير اهنا منو مات ليكون اسد مات واني ما ادري
حور: عززه لا عمو اسم الله على باباتي
باوعت على هاجر وجان هاجر اتوخر وتباوع على مؤمل وحجت
هاجر ابجي: انت اسمك مؤمل مو
مؤمل بتفاجئ: يي مؤمل بس انتي منو
هاجر ابجي: وانتي مريم مو
مريم بتفاجئ : يي مريم بس منو حظرتج
حور: بقيت صافنه هاي منين تعرفنه وحظنت عمو مؤمل وكامت تبجي باوعت على بابا وماما هم متفاجئين من هل منضر اجتي هاجر على ابويه وحظنته وكامت تشهك وتبجي بحظن بابا واحنه كلنه ممفتهمين منين تعرفنه
هاجر ابجي: انتو معرفتوني مو انتو اهلي عائلتي
اسد: بنتي فهمينه شلون عرفتينه وليش تبجين
هاجر بجي :عمو احجيلكم بس اترجاكم متعصبون وتطردوني
ساره: بنتي على شنو نطردج كوليلنه منو انتي
هاجر بجي وحركه كلب : اني بنت محمد
حور: اباوع عل كل مصدوم بس اني وعلي ممفتهمين شي منو هذا محمد ومنين يعرفو شفت بيبيتي حظنتها وكامت تبجي وتشم بيها وتحجي
ام اسد بجي: يمه بنت حمودي ريحه الغالي يمه وليدي
هاجر بجي: بيبي ليش اتبريتو من بابا
حور: ممفتهمه شي واني اباوع على علي وهو هم يباوع عليه منعرف شنو السالفه هاجر راحت على ابويه وحجت
هاجر بجي: عمو اسد اترجاك سامح بابا والله بابا متندم عل سواه بيكم اني اعتذر منكم بمكانه بس عمو سامح بابا حباب الله يخليك عمو
حور: اباوع على بابا الدموع تنزل والكل يبجي شكو منو محمد وشنو اتبرو منه راحت هاجر على امي
هاجر بجي: خاله ساره اعرف السوا بابا وياج غلط سامحي اترجاج خاله اني دا اتوسل بيج حبابه خاله
جان توكف هاجر بنص الصاله وتبجي وتصرخ
هاجر بجي وصراخ: ولكم احجوو لييش ساكتين الله يخليكم سامحو بابا هو غلط ومعترف بغلطته احجووو ااه خاله سااره اترجااج سامحي عمو اسد ارجع حاجي بابا ولكم بابا ندمان والله ندمان
باوعت عليها فقدت بالبجي والكل صافنين عليها ويبجون بس اني وعلي ممفتهمين شي شنو الديصير ليش منو هذا ويسامحو ما اشوف غير هاجر وكعت وتخربطت
"""""""""""""""""""""""""""
ها قلبوشاتي اتمنئ تعجبكم الاحداث فديتكم علقو وصوتو وتفاعلو امممح
احبكم ❤
صفو 💕