فصليه اخ خطيبي (الجزء الثاني)

بارت 6

علي: مجان ابالي اي شي بس من شفتهم ديعقدون متحملت واجتي ابالي النهوه مارظدها اتروح الغيري اتعودت عليها من جنه صغار صح اسلوبي وياها قاسي بس احبها ماكدر بدونها يي احبها اعشقها بس جنت اخفي مشاعري عنها متحملت اشوفها كبال عيني اتروح الغيري لا وفوكاها اتنام بحظنه اصلا ماكدر اتخيل هل منظر انها بحظن شخص غيري نهيت عليها حاولو يخلوني ابطل النهوه بس مبطلتها طلعت حور من الصاله وهي معصبه بعدج مشايفه شي ست حور مترديني مو بسيطه حجه عمي اسد
اسد: لك ابني انت اتريدها على عيني وراسي بس مو هل شكل
علي: عمي صح السويته غلط اني دخلت عليكم بهل طريقه بس مجان تندي خيار ثاني بنت عمي ورايدها اوله من الغريبه انتو منطيتوني مجال احجي سويتو كلشي بسرعه
اسد: خلص ابني بنت عمك ورايدها اني موافق بس شيقنعها هي متريدك
علي: لتخاف عمي اني اقنعها ولو هي مقتنعه بس عياره زايده
اسد: هههه واثق من نفسك هواي
علي: يي عمي واثق هواي واذا جنت خايف على حور فأحطها بكلبي قبل عيوني
اسد: كفو منك يالنجر
علي: يعني موافق اصير نسيبك لو شنو
اسد: هههه اكيد موافق وين الكه البنتي احسن منك
علي: تسلملي عمي
محمد: لك علي هذا عنادك يذكرني بعناد اسد على ساره
مؤمل :هو على اسد طالع مو عليه شلون حظ
اسد: ههههه ليش مضغوط طالع على عمه بعد عمك
بقو يحجون اترخصت وطلعت من الصاله اتلكتني امي
مريم: ولك يمه شلون تنهي عليها
علي: استغفر الله اليشوفكم يكول مسوي جريمه بنت عمي ورايدها ياناس رايدها ارتاحيتو
مريم: بكيفك يمه
ساره: ولك عليوان طلعت مو هين وطلعلك عين وتاخذ بنتي مني
علي: ههههه لا خاله ما اخذها هي بنتج اول تالي وبعدين سويت هيج على مودج اخاف على دموعج
ساره: شلون ولك
علي: يي راح اتزوجها وتبقه يمج بالبيت متروح للغريب
ساره: يي طلعت اتفكر يبعد خالتك
عفتهم وصعدت عليها اعرفها معصبه خلي اشوفها علي منو وشيكدر يسوي دخلت الغرفتها بله اي مقدمات جانت هاجر يمها ديسولفن دخلت جان يوكفن اباوع عليها الشراره تطلع من عينها

حور: طلعت من الصاله واني معصبه علي اكرهك حقير نذل الكل لاوع عليه محجو شي صعدت الغرفتي اجتي هاجر
هاجر: شبيج معصبه
حور: لعد ترديني افرح وهذا نهة عليه
هاجر: شنو معنى نهة
حور: صدك ماتعرفين
هاجر: يي والله شوو يعني
حور: لج ثوله هذا ابن عمي ولد العم يصير ينهون على بنات العم ومن ينهي عليها معناتها يتزوجها وميصير تزوج غيره اله يبطل النهوة
هاجر :صدووك
حور: هففف يي وهذا الحقير سواها
هاجر: بس تدرين هو اثبت للكل يحبج
حور: لا جذاب ميحبني ديسويها شغله اعناد بس اني اعلمه
بهاي الاثناء دخل علي كمنه وكفنه وهو يبتسم وحجه
علي: هاجر ممكن تبقينه بوحدنه
هاجر: يي عادي
طلعت هاجر وسدت الباب باوعت عليه وحجه
علي: حوريتي صرتي الي شراح يخلصج
حور بغضب. :علي انت واحد حقير ونذل بطل النهوه ما اريدك انت ماحبك
علي برود: حوريتي جذابه اتحبيني وتموتين بيه
استغفرالله اني شلون بي وبروده خبلني
حور بهدوء: علي اترجاك بطل النهوه ليش سويت هيج
علي: حوريتي سبق وكلتلج انتي ملكي
حور: لا اني مو ملكك مفهوم
علي: حوريتي انتي ملكي وحدي كلشي بيج الي
اباوع عليه بده يتقرب مني لزمني من خصري وحط شفايفه يم صدري وعضه
حور بألم: ااه وخر انجلبت
علي بهدوء: اشش حوريتي انتي ملكي
قرب وجهة يم وجهي وحط جبهته على جبهتي وانفاسه بوجهي
علي بهدوء. :حوريتي
حور وهي مصدومه وذايبه: ها
حط اصبعه على شفتي وحجه
علي بهدوء: اريد اضوكهن مشتاقلهن
حور بهدوء ورفض: علي ابعد وخر
علي بهدوء: اشش لنحرميني من عدهن
اقترب من شفتي وخمطها بشفايفه بقه يبوس بيها بشغف وبهدوء وحنيه بس اني متجاوبت ويا وخر من شفتي وباوع عليه
علي: مترديني مو
حور: يي ماريدك
ما اشوف غير علي شالني
حور: عززه بعينك ولك نزلني وخر
حطني عل سرير وصار فوكايه اني خفت والله مخبل يسوي اليريده كمت ارجف
علي: اششش ليش ترجفين
حور بخوف ورجفه: علي عوفني
قرب شفته يم اذني وهو يعصر خصري بأيده اذاني
علي بهدوء: حوريتي
حور بألم من خصرها: ااه هاا علي
علي بهمس: احبج حوريه علي
من كال هيج انصدمت كال يحبني لو اني سمعت غلط لا لا مستحيل معقوله كالها وخر وجهة من ركبتي وباوع عليه واني مصدومه
علي: اني طالع تنزلين ودكوليلهم موافقه عليه ماشي حوريتي
كال هيج وغمزلي وطلع واني بعدني ممستوعبه وممصدكه السمعته بس اكيد كال هيج حتى يخليني اوافق ماشي بسيطه راح اوافق واشوفك حور شتسوي اله اموتك اخليك تندم لان نهيت عليه بهاي الطريقه بدلت الفستان لبست اتراك وردي ونزلت دخلت للصاله جانو كاعدين
اسد: تعالي بابا اكعدي يمنه
رحت كعدت يم بابا وكبالي جان علي يباوع عليه ويبتسم ويأشرلي حتى احجي حقير بسيطه باوعت على بابا وحجيت
حور: باباتي علي نهة عليه صح
اسد: يي بنتي صح وانتي بكيفج بعد اذا متردي يبطل
اباوع على علي غمزلي حجيت
حور: لا باباتي اني موافقه على علي
اسد: متأكده بابا
حور: يي باباتي متأكده
ساره ومريم: ككككللللوووش مبارك يمه تتهنون
اباوع على علي يبتسم بفخر والكل باركلنه وفرحانين والاستاذ هم فرحان اني اعلمه بسيطه

علي: ماعرف شلون طلعت من عندي كلمه احبج فعلا اني مصدوم من نفسي نزلت جوه كعدت بالصاله
مؤمل: ها ابني وافقت حور
علي: ماعرف يابه اني حاجيتها والقرار الها
مريم: انشاءالله خير
اسد: لك علي اذا وافقت حور دير بالك اتضوجها
محمد: هههههه تره يموتك والله
الكل: ههههههه
ام اسد: هي هاي الصقيعه هم عدها ذوق وترفض عليوي
علي: ههههه بعد كلبي بيبي
ام اسد: يي والله هو طايحلها واحد مثلك يوليدي
اسد: يا يمه ليش شبيها حور هواي يتمنونها
ام اسد: هاي الصقيعه ام لسان بس احبها مو بيدي
ساره: ها يمه وهاي انتي كلتيها اتحبيها مو بيدج
جان تدخل حور وكعدت واني ابتسملها بي هي اتباوع ماعدها اي رد فعل بعدين انطت موافق والكل فرح وباركولنه بس هي مشفت الفرحه بوجها وتبتسم ابتسامه متردده اووف يحوريتي راح تشلعين كلبي بس احبها مو بيدي

حور: وره موافقت وباركولنه كعدت يم امي جانت تحجي بالمبايل فجئه سمعتها ادكول
ساره: ارجوان لج وينج ليش مختفيه كل هل وكت يااا صدووك لو تشاقين ييي صلاوات حبيبتي تعالي يي اطفالي كبرو وراح يصيرون عرسان شعبالج لعد يي نسمه هم تسأل عنج لج كلبنه الدنيا عليج يي حبيبتي زورينه عود مو تكطعين ماشي حبيبتي بالسلامه الله وياج
حور: باوعت على ماما وحجيت
ماما منو هاي
ساره: ماما هاي خالتج ارجوان
حور: صدوك وين جانت
ساره: صار عدها ضروف خطيه كالت تجي وتحجيلنه
حور :يااي ماشي لعد اكوم اخابر ايه حتى ادكول الخاله نسمه
ساره: ماشي يمه كومي
رحت خابرت ايه وحجيتلها عن خاله ارجوان فرحت وكالت اكول الامي بعدين سديت الخط ورحت كعدت بالصاله
اسد: شنو رئيكم انروح البيت سيف
ساره: يي والله مشتاقه الاخوتي
اسد: ماشي يله انروح بس اخابر رقيه
بابا خابر عمتي رقيه وفتح سبيكر كلنه نسمع
اسد: الو هلاو رقيه
رقيه :هلا اسودي حبيبي شلونكم
اسد: هلا حبيبتي بخير الحمدلله كلهم زينين اكلج رقو
رقيه: كول
اسد: راح اجي اني وساره عليكم خما اتصير زحمه
رقيه: صدووك والله
اسد :ها تصير زحمه مو
رقيه: ولك شهل حجي مو بس ساره اتجيب الكل انتو وبيت مؤمل وبيت اخويه محمد سمعت جاي والله مشتاقتله الاخويه الغالي وصدوك خابر ياقوت وجيبها وياك ونبي مشتاقتلكم
اسد :بعد كلبي ماشي جايين
سد بابا الخط وخابر على عمتي ياقوت وكاللها تجي هي وبنتها وابنها كمت حتى ابدل صعدت جان يجيني علي دخل وسد الباب
حور بصدمه: ها شجابك
"""""""""""""""""""""""""""""
هلاو قلبوشاتي هذا البارت لعيونكم لاتنسون تعليق وتفاعل وهذا 🌟🌟🌟 امممح
احبكم ❤
صفو 💕