فصليه اخ خطيبي (الجزء الثاني)

بارت 5

علي: مرت 3 سنوات وحور متغيره عليه كولش من يوم كلتلها ما احبج ما اريد اتعلق بيها بس من اشوفها اضعف كدامها ما اكدر اشتاقلها بس هي اتعاند ومن اجتي البنيه هاجر وعرفنه عدنه عم اسمه محمد وعرفنه سبب افتراقهم عنه ورجع فرحت برجعته وانتقلو يمنه بس ممرتاح النظرات ياسر ابن عمي محمد يباوع الحور اجوي سكنو يمنه لان عمي اسد طلب هل شي مرت علا كعدتهم يمنه اسبوع وحور بعدها نفس اسلوبها الجاف وياي متقبل تحاجيني ومن احاجيها تتجاهلني بنت الاوادم ادكولي اكرهك شكد كرهت نفسي من كالتلي هيج لا غصبا ماعليها اتحبني مو بكيفها وهي ملكي وحدي كعدت الصبح على صوت المنبه كمت سبحت وبدلت ونزلت لكيتهم كاعدين
علي: صباح الخير
الكل: صباح النور
كعدت اتريك جان اسمع حور تحجي
حور::باباتي وصلنه للكليه اني وهاجر هذا ابو الخط ميجي اليوم
اسد: والله يبنيتي عندي شغل
ياسر: عمو اني اوصلهن
من سمعت هو يوصلهن اني حجيت
علي بحذر :مشكور ياسر بس اني راح اوصلهن عمو خابر السايق كله بعد ليجيهن اني راح اوصلهن يوميه
اسد: بكيفك ابني
اباوع على حور تخزر بيه وحجت
حور: لا بابا ليش تخلي السايق ميجي بعد وعلي قابل يعوف شغله ويكوم يوصل بينه
قبل ليحجي عمي اني حجيت
علي: لا منو كلج اعوف شغلي اوصاج واروح طريق الكليه على طريق شغلي
بقت ساكته بس تخزر بيه بعدين كمت وهنه هم كامن وصعدن بالسياره حتى اوصلهن اباوع عل مرايه مال سياره حور كالبه وجها وتخزر بيه ضحكت على شكلها وصلتها للكليه نزلت هاجر جان اندار عليها وحجيت
علي: حوريتي تدرين تطلعين اتخبلين وانتي معصبه
حور بغضب: ولي عوفني اكرهك
نزلت وهي اتدردم ضحكت على شكلها رحت للشغل

حور: نزلت من السياره واني ادردم عليه اكرهك
حقير ميستحي لاحكني شكد اكرهة
هاجر: لج شبيج ادردمين
حور : ولا شي
هاجر: انجبي تره اعرف علي يحبج
حور: لا ميحبني بس يحقر وياي النذل
هاجر: ههههه ثوله يحبج والله تصرفاته وياج مبين يحبج
حور: هاجر انجبي ممكن ميحبني ولا شي جذاب يحب يتملك الشخص اصلا كرهته وكرهت نفسي لان حبيته بيوم من الايام
مشينه ورحنه كعدنه بالكافتريا جانت كاعده ايه بنت خاله نسمه
ايه: هلا والله اجني بنات العم
حور: ههههه يي نخبل اكيد ضوينه الكليه
هاجر: يي والله غير احنه منحجي
ايه: ههههه عابتلجن خبلات
رحنه للمحاظرات كملنه المهمات وكعدنه بحديقه الكليه جان يجيني ولد وحجه
ابراهيم: حور ممكن احاجيج
حور: يي عادي
كمت وحجه وياي الولد
ابراهيم: حور اني احبج وانتي بنيه مؤدبه ورايدج للزواج شنو رئيج والقرار الج
بقيت صافنه هاي فرصه حتى اقهر علي بيها باوعت للولد وحجيت
حور بخجل: اذا اتريدني تعال الاهلي واطلبني وهمه صاحبين القرار
انطبت ردي للولد وعفته ومشيت من دون ما اسمع جوابه رحت كعدت يم البنات
هاجر: شراد هذا
حور: مراد شي مهم
هاجر: اهاا ماشي
طلعنه من الكليه شفنه علي جاي هفف شراح يخلصني منه اجيت صعدت بدون ما اسلم ولا اباوع بوجه صعدنه وهو مشغل اغاني ويغني صوته حلو بس مهتميت رجعت للبيت دخلت سلمت وصعدت الغرفتي سبحت لان تعبانه وبدلت وطلعت جففت شعري بالشسوار ونزلت دخلت للمطبخ جوعانه سويت اكل وكعدت عل ميز دا اكل اجتي هاجر
هاجر: يي والله عفيه اني هم جوعانه عصافير بطني اتزقزق
حور: ههه تعالي اكلي
كعدنه ناكل ونسولف كمت دا اغسد الماعين دخل اخويه جنيد باوع على هاجر وكعد يمها اسمعه يكوللها
جنيد: ها شنو ردج
هاجر بخجل: موافقه
جنيد: ؤؤؤف لج اعشقج
عرفتهم يحبون بعض بعدين اجيت يمهم جنيد خجل من كعدت يمهم كام وطلع ضحكت على شكله باوعت على هاجر
حور بخبث وتقلد صوت هاجر: موافقه
هاجر بخجل وهي تضرب حور: لج حور انجبي عابت
بهاي الاثناء دخل علي للمطبخ باوع عليه وحجه
علي: حور سويلي اكل جوعان
حور برود: متسوي الروحك مكسر
علي بغضب: غضب الله انتي حتى زقنبوت ماريد
حور برود: بعد احسن ابقه جوعان
باوعتله طلع من المطبخ وهو معصب طبه مرض حجت هاجر
هاجر: لج ليش خطيه
حور: دخيولي شكد عقده
هاجر: حور
حور: ها
هاجر: اتحبي
من كلتلي هيج بقيت صافنه وجريت حسره
حور بحسره: يييي
هاجر: لعد ليش تتصرفين هيج ويا
حور: اكسر غروره
هاجر: راح اتضيعي من ايدج
حور: لا ما اضيعه هو راح يضيعني
هاجر: شلون يعني
حور: حبيبتي كلشي بوكته حلو
منطيتها الجواب بقيت يم اهلي اضحك واشاقه واسولف وسوالف عمو محمد كلش حلوه كعد يسولفلنه من جانو قبل شيسوون هو وبابا وعمو مؤمل سوالفهم اتضحك خاصه عمو مؤمل كلش مواقفه حلوه وتضحك

علي: خبلتني ابرودها بس اريد اعرف هل بنيه من شنو مصنوعه متهتم بس اله اكسر خشمها العالي مرت 3 ايام واجه عمي اسد وكعدنه كلنه بالصاله جان يحجي
اسد: اليوم اجوي طلبو ايد حور للزواج وياها واحد بالكليه
انصدمت من كلام عمي اسد اباوع الحور ابتسمت هاي شنو وشوكت هل حجي مجاي افتهم شي حجيت
علي بغضب: ومنو هذا اصلا كله ماعدنه مره للزواج بعدها صغير
حور: علي معليك انت اني عندي اب هو يتحكم بيه وبحياتي وبعدين اني مو طفله تره كبرت علي كبرررت
باوعت عليها خزرتني اااخ لو الزمج هسه اجنزج بقيت ساكت
اسد :بعد يومين يعقدون سيد
اتخبلت من سمعت هيج والكل وافق ومعترضو وهي ست الحسن مبتسمه ويباركولها ولا عبالك اني كاعد الطرطور كبالها
مرت يومين واجوي الجماعه وطلبو ايد حور طبعا متحملت جانو ديعقدون جان ادخل للصاله واحجي

حور: ابراهيم طلب ايدي من بابا شفت الغضب بعيون علي يستاهل اذاني طبعا اعترض بس سكته وبابا وافق وقبل واهلي كلهم قبلو ومحد اعترض صار يوم العقد اجوي النسوان والزلم لبست فستان احمر بي خرز بيض لؤلؤ بالصدر وقصير منفوش وحطيت مكياج خفيف كلش حلوه طلعت توهم كالو راح يعقد النه رحت كعدت جان يدخل علي هو وصوته الرجولي هز اركان الصاله وحجه
علي: هذا العقد باطل وميصير
السيد: ليش ابني باطل
علي: اني علي ابن مؤمل ابن الشيخ سامر جاي وناهي على بنت عمي حور
طبعا هذا كلامه خلاني انصدم عززه هذا شسوه ليش هيج اباوع على ابويه وعمامي وكفو وصفنو بعلي
مؤمل: لك علي هاي شسويت
علي: مثل مكلت نهيت على حور
مؤمل بغضب: علي لتتخبل بطل النهوه
علي: مستحيل اني نهيت عليها وخلص
بقيت صافنه هذا شحجه عززه بعينج يحور شراح يخلصج من عنده راح السيد وابراهيم باوع عليه واعتذر وكال مجنت ادري ابن عمج رايدج واخذ اهله وطلع بقيت صافنه كمت وحجيت
حور بعصبيه: عللي هاي شسويت شلون تنهي عليه بطل النهوه تره هي مو لعبه
علي: واني كلت ناهي عليج وما ابطلها
حور: علي الشغله مو شغله اعناد
علي :اذا تردين اسويها شغله عناد
بقيت صافنه بوجهة هذا اتخبل بس لازم يبطل النهوة ابويه حجه
اسد: علي ليش سويت هيج
علي: شنو بنت عمي ورايدها
اسد: رايدها يي بس مو تنهي عليها هيج وكدام الكل جان لازم ادكولي رايدها جان ماخليت هذوله يجون
علي: انتو بقيتو مجال الواحد يحجي
حور: ماريده بابا ماريده شنو هي
اسد: بطل النهوه علي
علي: عمي شنو ابطلها لا والله ما ابطلها بنت عمي احبها ورايدها
اسد: بس هي ماتريدك
علي: عمي اني نهيت عليها والنهوه ما ابطلها لو اعرف اسوي الدم للركاب بنت عمي ورايدها
حجيه ضوجني شنو ميبطلها كمت افئف ضجت حيل طلعت من الصاله واني عيوني اتريد اتنط من الغضب علي اكرهك حقير نذل
"""""""""""""""""""""""""
هلاو قلبوشاتي مشتاقتلكم هواي وهذا بارت الكم صوتو علقو اتفاعلو امممح 😘😘
هذا بارت حتى تقرو وبليل ينزل بارتين 😉
احبكم ❤
صفو 💕