فصليه اخ خطيبي (الجزء الثاني)

بارت 17

جنيد بعصبيه وصياح: داااكلج منوو ضربج
هاجر بجي: محد ضربني شبيك
جنيد بعصبيه: لج نو محد ضربج شوفي خدج
حور: دقيقه جنيد هاجر منو ضربج احجي
باوعت عليها جان تحظني وكامت تبجي اكثر بقيت مصدومه حظنتها وحجيت
حور: لج شبيج احجي
هاجر بجي وشهكات: ه هذا ي ياسر ضربني
حور: ليش ضربج
هاجر: لان البارحه بالحديقه ...... وحجت كلشي
بقيت صافنه هذا شبي هيج يسوي جان يحجي جنيد
جنيد بعصبيه: ما اله حق يضربج اليوم احسب الله ماخلقه
راد يطلع جنيد بس علي لزمه وحجه ويا
علي: جنيد اهده لا تتعصب
جنيد بعصبيه: ولك علي شهده هذا لاعب بيها خلقه وبعدين هي خطيبتي ما اله حق يضربها
علي: لا اله حق هو مهما يكون اخوها
باوعت على علي بده يخلي جنيد يهده واني مسحت دموع هاجر وكمنه نظفنه المطبخ علي وجنيد صعدو اني وهاجر بدينه نسوي بالدولمه جان تدخل امي
ساره: حور استعجلي لتصيرين فاهيه
حور: لا ماما راح اخلص
ساره: علي قبل اتروحين لو لا
حور: يي ماما قبل
ساره: خوش لعد
طلعت امي من المطبخ جان هاجر تحجي
هاجر: حور عرفتي
حور: شعرفت
هاجر: عن علي وايلاف
حور: هففف هاجر حموت مره اريد علي ومره اذكر خيانته الي وياها
هاجر: لا حور لا انتي غلطانه تره ضلمتي
حور: شضلمت منه تره شفت كلشي بعيني
هاجر: صح شفتي كلشي بس فهمتي غلط تره انتي ضالمته من 6 اشهر
حور: شلون يعني فهميني
هاجر: حور تره علي معنده شي ويه ايلاف هذاك اليوم بالكليه ...... وحجت كلشي
بقيت صافنه وفاكه حلكي معقوله اني فامه غلط وهو بريئ عززا بعيني شسويت اني
حور بصدمه: صدك تحجين انتي
هاجر: للاسف يي وانتي مفكره غلط وضلمتي
حور: شراح اسوي اني لج عاملته معامله مو زينه
هاجر: حور صلحي كلشي مادام بعد اكو امل
حور: انشاءالله
بقيت الف بالدولمه وحطيتها عل نار واني بالي يفكر يسامحني علي لو لا ياربي ساعدني بهاي الاثناء دخل علي وشايل يسر وبيده جنطته وجنيد هم بيده جنطته واهلي اجوي باوعت اتذكرت السفره مالتهم الدمعه بطرف عيني شفته بوس يسر وباس عمو مؤمل وخاله مريم وامي وابويه وعمو محمد ومرته وسلم على مروه جنيد اجه باس راس هاجر وكللها ديري بالج على نفسج وهمه فرحانين علي ذب يسر بلكاع واجه سلم عليه
علي: ديري بالج على نفسج وعلى يسر
حور: انشاءالله
طلع جنيد وطلع علي بس اني عيوني وره علي اريد احظنه واكله اسفه على كلشي طلعو اهلي من المطبخ اني ركضت طلعت للحديقه وراهم شفتهم بالباب مال الشارع ديحطون الجنط بالصندوك مال السياره طلعت ركض واني انهت جان اصيح
حور وهي تنهت: علللي
جان يندار واجه دخلني ودخل ورايه
علي: شبيج حور محتاجه شي قبل لا اروح
حور: علي اني اسفه
علي: على شنو الاسف
بعد ما اتحمل اكثر دموعي متتحمل تبقه محبوسه كمت ابجي واشهك
علي بخوف: حوريتي شبيج ليش تبجين
حور بجي:حبيبي اسفه والله جنت فاهمه موضوعك انت وايلاف غلط سامحني
من حجيت هيج هو ابتسم ومسح دموعي وحظني وحجه
علي: اششش وعلى هاي تبجين وتتأسفين ميحتاج حياتي اصلا نسيت اني
حور: صدوك نسيت
علي: يي نسيت
طبعا متحملت اكثر حظنته حيل وما اريد اتركه بسته من شفايفه حسيت بي بقه صافن طبعا لاول مره اصير بهاي الجرئه بقيت ابوس بي وهو هم ما قصر لزمني من خصري وهم يبوس بيه كطعنه البوسه لان محتاجين للهوه باوعت بعيونه وجان يحجي
علي: احبج يانظر عيني
حور: امووت بيك يالعافيه
علي: يله ديري بالج على نفسج ماشي
حور: ماشي حبيبي
علي: اووف يريحه هلي وحق الله هسه ردتلي روحي من سمعت هل كلمه
ابتسمت وخجلت ماعرف شسوي جان يجي جنيد يخلصني من هل خجل
جنيد: يله علي شنو لزكت عود من ترجع اشبع بمرتك مراح اتطير
علي: انجب لك ويله ولي
جنيد: ها هيج صارت بسيطه
علي: يله ولي
وبهاي الاثناء طلع ابويه وفزينه اثنينه من صوته طبعا احنه جنه واحد حاظن الثاني من سمعت صوت بابا كمزت من حظنه
اسد: ههههههه هاي شنو بعدك اهنا
علي: ها يي عمي اجيت اوصي حور عل بيت
اسد: اممم خوش
معرفت شحجي علي غمزلي وراح صعد بالسياره ودعنه وراح واخذ كلبي ويا راح اشتاقله صح هو اسبوع مو هواي بس احسه سنه باوعت على ابويه جان هو يباوع عليه
اسد: اششش لتنزلين دموعج يرجع عنده شغل يله دخلي جوه
حور: انشاءالله باباتي
دخلت جوه شفت الدولمه استوت صعدت الغرفتي سبحت وبدلت لبست بنطرون جينز وبدي طويل لون وردي وصخ اذا سامعين بي وشال وردي هم نفس اللون وحذاء اسود وشلت جنطه سوده بيها كرستال نزلت شفت هاجر هم متحظره لان راح تجي هي ومروه ويانه وامي هم حطيت جدر الدولمه بالعلاكه ويسر لبستها حذاء وطلعنه رحنه البيت خاله نسمه وصلنه وبوسونه وكعدنه شويه واجتي خاله ارجوان هي وايلاف هم بوسونه
ايلاف: هلا حبيبتي حور شخبارج
حور: هلا حبي الحمدلله
ايلاف: شلونها يسر وياج
حور: الحمدلله زينه
ايلاف اخذت يسر كعدتها بحظنها وبوستها وتلعب وياها من عرفت الحقيقه حسيت بروحي متندمه لان منعت يسر من ايلاف بهذا الوقت سمعت امي تحجي ويه خاله نسمه وارجوان
نسمه: وهسه شنو مراح تسوين جرع كيمياوي
ساره: لا يمعوده ياجرع يا بطيخ اصلا حتى شعري بده يوكع مو مال جرع
ارجوان: اسد يدري لو لا
ساره: لا محد يدري بس علي
نسمه: غير ادكوليلهم
ساره: لا ماكدر اكوللهم يدمرون
ارجوان: بس ساره هذا مرض خبيث ومو اي مرض عادي هذا سرطان بالدم لازم تحجين يسوولج حل لج اتموتين والله
يمه اني سمعت هل حجي لو طابوكه وكعت عل راسي امي بيها سرطان لا لا هذا مستحيل جان اصيح بصوت عالي
حور بصوت عالي: سررطاان
على صوت صيحتي كلهم اندارو واني دموعي كامت تجري
حور بجي: ماما بيج سرطان
ساره: لا ماما حور مو هيج اسمعيني
حور بجي: لا لا اني سمعت كلشي انت متقبلين تاخذين جرع كيمياوي
ساره: لا ييمه اسمعي وافهمي والله اني مرضي بعد ميفيد ييمه
حور بجي: مارييد اسمع شي
جريت يسر من ايد ايلاف دا اشيلها واني دموعي تجري
ايلاف: حور بقي يسر يمي
حور بجي: لا عفيه ايلاف مو اليوم فدوه
ايلاف: بس اليوم شبيج
حور بجي: ايلاف مو اليوم
جان مروه تحجي وياريتها محجت زادت الطين بله
مروه: شبيج حور دبقي يسر اهنا يم ايلاف تره اختها من لحمها ودمها شنو كل مره تمنعيها منها
باوعت على خاله ارجوان وكفت ومصدومه وايلاف بقت صافنن واني صارت فوك راسي مصيبتين
ارجوان: شنو شنو عيدي شكلتي
هاجر: لا خاله محجت شي هاي تمسلت
ارجوان: لا لا انس سمعت يسر اخت ايلاف فهموني يعني يسر بنت زوجي مو
اني ما بيه اتحمل اكثر من الوجع الديصير بيه من مرض امي ومن يسر صار حجي بيناتهم واني بس دموعي تجري وما اسمع شي اخر شي سمعت خاله ارجوان ادكول
ارجوان: يسر مادامها بنت زوجي تبقه عدنه وفضلكم مننسا
بقيت صافنه اا بيدي اخذ يسر لان بنتهم وامي الماكدر اسويلها شي اخذت جنطتي وبست يسر من راسها وحظنتها هي جلبت بيه كوه عفتها وطلعت وهاجر ومروه ورايه رحت البيتنه لان قريب علينه بيناتنه فرع دخلت للبيت وكدت بالصاله كمت اصرخ
حور بجي وصراخ: للللييييش لجججج يمه ليييش هيييج هييج اتسووين بيه وتررركيني يمممه ما اساممممحج يمممه تعوووفيني بدون متحجيت
على صوتي نزلو كلهم ابويه وعمامي ونسوانهم وبيبي اجه ابويه عليه وحجه
اسد بخوف: يا بنيتي حور شبيج تصرخين يبعد ابوج
حور بجي: ياابه امممي امممي بيها مرض خببييث
من حجت هيج ابوي فتح عيونه وكلهم انصدمو
اسد بصدمه: شنو منو كلج هل حجي
حور بجي: يابه اني سمعت امي وخاله نسمه وارجوان يحجون يابه حموت لييش امي اتعوفنه ومحجت شي
ابويه محجه شي باقي على صدمته اني كمت صعدت الغرفتي وسديت الباب وقفلتها بس شنو النار بكلبي كمت ابجي واصرخ الغراض كسرتهن يعني امي راح تتركني ويسر راحت من ايدي بنتي الاحبها اخذت الفون مالي ودكيت على علي
علي: الو
حور بجي: عللي انت ويين
علي: حبيبتي اني بالطريق خير شبيج تبجين
حور بجي: علي لتسافر تعال بسرعه
علي: حبيبتي لتزعلين اسبوع وارجع
حور بجي: علي والله والله اذا متعوف كلشي هسه وترجع احرك روحي
علي: يا حور شسالفه شبيج ليش هيج تحجين تره خوفتيني شصاير
حور بجي: علللي 😭 امي بيها مرض خبيث واخذو يسر مني الحكلي علي
علي: منو اخذ يسر
حور بجي: خاله ارجوان اخذتها عرفت الحقيقه علي تعاال تره حموت والله
علي: اششش لتبجين اني جايج هسه
سديت الخط من علي وتمددت عل سرير واني دموعي يجرن الحد مغفيت وعيوني مبلله بالدموع
""""""""""""""""""""""""""""""""
هلاو قلبوشاتي مشتااقتلكم واييد 😍 واسفه عل تأخير بس ماعندي نت اليوم ياله اشتركت سوري 😘😘
لا تنسون التعليق والتصويت والتفاعل فديتكم امممممح 😘
احبكم ❤
صفو 💕