فصليه اخ خطيبي (الجزء الثاني)

بارت 19

حور: كعدت الصبح شفت علي نايم اتلمست وجهة ولعبت بلحيته وبسته بشفته بحركه سريعه منه صار فوكايه
حور: يمه فززتني
علي: صايره وكحه
حور: ههههه زوجي وبكيفي
علي: امممم زوجج دتعاي
حور: لا عيني لا كوم يله اليوم حنه جنودي
علي: هفف
كمت اني دخلت سبحت وبدلت وشسورت شعري وطلعت علي دخل للحمام سبح وطلع بدل نزلنه جوه البيت هوسه عماتي وبناتهم ولدهم كلهم جايين وجنيد كاعد بس هاجر ماكو هاي وينها
حور: خاله هاجر وينها
ليان: والله بنتي لحد هسه نايمه متقبل تكعد
حور: راح اكعدها
ليان: والله ياريت
صعدت الغرفه هاجر دخلت لكيتها مطموره رحت يمها
حور: هاااااجر هااااجر ميووو بششش كومي
هاجر بنعاس: عوفيني خليني انام نعسانه
حور: لا بله مو بكيفج كومي اليوم الحنه والعروس مطموره كومي واخوي جوه كاعد بوحده يله لج كومي
هاجر بنعاس: هو كله من اخوج الليل كله مخلاني انام وبس يتغزل ويتوعد
حور: اخوي شعليه انتي تنبل مال نوم وبعدين يتغزل فهمنه يتوعد لويش
هاجر بنعاس ومتدري بروحها: شمدريني اخوج غبي يتوعد خلاني اخاف منه يكول من تصيرين بغرفتي ما ارحمج مخبل يريد يكتلني
حور: ههههههههههههه ولج كومي خرب عشيرتج كومي يا يكتلج غبيه
هاجر بنعاس: وسم شهل ضحكه خليني انام انتي واخوج مخابيل والله دزكم عليه
هاي هاجر ثوله عبالها جنيد يكتلها متدري السالفه اكبر من الكتل هههههه شلت كلاص المي اليمها وشمرته عليها
هاجر وفزت: عززززا يمه غركت عااااا
حور: ههههههههههه كومي تستاهلين
هاجر برطمت: ولج لويش بللتيني عابتلج
حور: انتي شفتي روحج شحجيتي
هاجر وتفرك بعينها: شحجيت يعني
حور: ههههه كلتي جنيد يتوعد ههههه يريد يكتلني
هاجر شهكت وفتحت عيونها على وسعها: صدوك كلت هيج
حور: هههههه يي والله دكومي كومي
هاجر بعدها مصدومه: عززا شكد ثوله اني شلون احجي
حور: هههههههه دكومي عاد يله
كامت هاجر ودخلت سبحت واني انتظرها طلعت مبدله لابسه تراك نزلنه تريكنه جانت الساعه ب 11 اتريكنه وكملنه ولبسنه العبي ورحنه للصالون هاجر لبست بدله اوف وايت كلش حلوه وحطت مكياج خفيف مكثرته وسوتلها تسريحه بسيطه طلعت اتخبل راح اتخبل اخويه اما اني لبست فستان الحوامل مقبل البس الفستان الردته عابتلك علي بس طلع حلو عليه وحطيت مكياج خفيف وشعري فتحته وهو طويل بس سرحته ملعبت بي صارت ساعه ب 2 اجه علي علينه للصالون واخذنه الطريق كله يتغزل بيه وصلنه للبيت هوسه اول مدخلنه اشتغلت الهلاهل والجكليت وكعدنه هاجر عل كوشه طالعه اتخبل الكل يركص وفرحان اني مخلتني امي اركص لان حامل انحرمت من الركص بس يسر اخذت مكاني بساحه ذبت لحم حبيبتي فديتها سمعنه صوت الجهال تصيح اجه العريس اجه العريس طب اخويه بكامل اناقته فدوه الكلبه شحلاته وكعد يم هاجر والجكليت والهلاهل سطرتني المهم حنوهم وطكينه صور بالفون وخلصت الحفله وبدت العالم اتروح بقينه بس احنه العائله الكل فرحان انتظرت علي يجي شويه ودخل ضل صافن عليه اجه يمي
علي: اشتعلو ونبشو اهلج ولج شطالعه
حور: يعني حلو
علي: غير اتخبلين فدوه اروح العمرج
حور: فديتك
كمنه نركص اني وعلي واهلنه يضحكون يكولون عيدو حفله زواجكم واحنه نضحك كملنه الحفله وهاجر صعدت نزعت البدله وسبحت ونزلت لابسه تراك واني هم بدلت وغسلت وجهي ونزلنه سوينه حمله عل بيت اني والبنات لان صاير وصخ وهوسه استغلينن الوضع ونظفنا بس شنو انكسر ضهري متت من الوجع والتعب
ساره: لج يمه حور انتي حامل شجاج ييمن بس تشتغلين
حور: ماما لع. اعوف البيت وصخ وباجر عرس
ساره: يمه البنات اهنا هواي يشتغلن مايصير يابنيتي واني حامل بال شهر 5
حور: مايصير شي يمه لا تخافين عليه
كملت تنظيف ويه البنات وصعدت ذبيت روحي عل فراش محسيت على شي بس بليل حسيت علي يبوسني وحظني اني هم حظنته ونمت كعدت الصبح على صوت المنبه ساعه ب 8 شفت علي نايم كمت من يمه دخلت سبحت ونزلت جانو يتريكون
حور: صباح الخير
الكل :صباح النور
مريم: حور وين علي
حور: خاله والله نايم تعبان خطيه مكعدته
مريم: ماشي بعد خالتج
كعدت اتريكت وياهم مدري شعجب هاجر كاعده والحلك مالتها حينشك هلكد مضحكت ههههه مخبله اما جنيد بس صافن عليها مطيره عقله لاخويه كملت ريوك كمت غسلت المواعين ويه البنات ونظفنه المطبخ ولملمت البيت باوعت للساعه. ب 9 كلت اشوف علي واكعده صعدت فوك دخلت للغرفه بعده نايم رحت يمه
حور: حبيبي كوم شنو هل نوم
علي بنعاس: ساعه بيش
حور: ب 9
علي: هممم مشتاقلج
حور: واني هم
علي: تعالي خلي احظنج
نمت بصفه وحظنته صارت لمساته جريئه ويبوس بيه وكلعاده دايمن يفوز بهل حرب اخذني العالمنه وعشنه احلى لحظات كمت من يمه واني ادردم
حور: بربك علي عود اني صعدت اكعدك وانت لهيتني ب استغفر الله شلون يخليني احجي
علي: هههه تعالي ناخذ شوط ثاني
حور: لا مخبله واجي يمك اني داخله اسبح عود اسبح ورايه حتى انروح شوف ساعه ب 11 عود اجيتك ب 9 كووم
دخلت للحمام وسبحت وطلعت نشفت وهو هم دخل يسبح ويضحك عليه كمل وبدل ونزلنه اخذنه هاجر ورحنه للصالون دخلت لبست بدله فصالها كولش حلو وتسريحه ومكياج طلعت اتجنن اما اني لبست فستان حوامل مال محجبات كملنه ب 2 اجه علي اخذنه ورجعنه للبيت كلعاده الجكليت فشخنه عبالك حصو والهلاهل والهوسات العراقيه المعروفه اجه جنيد وزفيناهم وطلعنه بلسيارات اني صعدت ويه علي افترينه بغدزد ودك وركص وعلي كلسع ينزل بلشارع ويركص ويه الشباب اباوع عل بنات يباوعن العلي ضجت متت من الغير اجه صعد باوعت عليه
حور: شوف بعد متنزل تركص مفهوم
علي: شبيج ولج
حور: متنزد البنات يباوعن عليك
علي: غير اركص حلو ونعجبن بيه
حور: علييي متنزل والله اكلب الدنيا
علي: اتغارين عليه
حور: يي اغااار انت مالتي وحدي
علي: لك فديت التغار
كملنه الزفه وزفيناهم بفندق وتركناهم ياخذون راحتهم ورجعنه للبيت العالم كل واحد اتهجول راح البيته وعماتي وبناتهم هم راحو ولدهم هم اباوع عل بيت صاير مزبله صعدت نزعت وبدلت ونزلت سويت حمله عل بيت نضفته ولمعته واهلي وعلي يحجون عليه اني مهتميت كملت تنظيف وصعدت نمت ولا حسيت بروحي جسمي يأذيني كلش كعدت الصبح عل صوت الهلاهل باوعت الساعه ب 10 كمت بدلت ملابسي،ونزلت شفت جنيد وهاجر جايين ويضحكون فرحانين وامي وخالتي مريم وخاله ليان يهلهلن جابو البياض مالتهم وابوي وعمامي انطو فلوس الهاجر وباركولها عل بياض اني هم باركتلهم كلش فرحانين وطالعين يخبلون سوه سوينه ريوك وكعدنه تريكنه وكملنه غسلت المواعين وهاجر وجنيد صعدو الغرفتهم اني كعدت اكلب بلفون شويه ودخل علي وكايد يسر وجايبين اشكال والوان الحلويات
يسر :ماما شوفي بابا شنو جابلي
حور: يي ماماتي بلعافيه
علي: حور باجر اخذ يسر اسجلها مدرسه
حور: يي والله حبيبي لازم مدرسه كبرت خطيه
يسر :يعني اشيل جنطه والبس صدريه وقميص
حور: يي تلبسين هيج
يسر: ياااي يي يي بابا حباب وديني
علي: هههه ماشي حبيبتي مو تدللين
المهم خلص اليوم بخير بين الشغل وبين يسر وحملي وعلي ثانب يوم الصبح علي اخذ يسر وسجلها بلمدرسه ونقبلت الحمدلله

""""""""""""""""""""""""""""""""""
هلاو قلبوشاتي بارت لعيونكم
لاتنسون التصويت والتفاعل فديتكم بعد ما وصيكم عل قصه
احبكم ❤
صفو 💕