سمعت صوت خالتي
ساره: علي
علي: هلا خاله تعالي يالغاليه
ساره: يبعد خالتك شبيك تعبان ومهموم
علي يجر حسره: مابيه شي خاله
ساره: علي اريدك بموضوع بس توعدني يبقه بيناتنه
علي: كولي خاله
ساره: لا اوعدني يبقه بيناتنه ومحد يعرف
علي: اوعدج يبقه بيناتنه بس احجي تره خوفتيني
ساره: ابني علي اريدك ادير بالك على حور هاي بنتي المدللة ماعندي غيرها هي كل حياتي
علي: افا عليج خاله حور بكلبي قبل عيوني بس خاله اذا انتي هلكد اتعزين حور ليش هذا تعاملج القاسي وياها
ساره: كفو منك وليدي واني مأمنه حور يمك وراح اتدير بالك عليها
علي :شعندي غيرها بس خاله مجاوبتيني على سؤالي
ساره: وليدي علاوي محد يحب حور بكد حبي الها هاي بنتي وصله من كلبي بس اني دا اتعامل وياها هيج حتى تكرهني ماريدها بعد كم يوم تتأذه بسببي
علي: خاله فهميني شنو قصدج بهذا الحجي
ساره: وليدي علي اني بيه مرض خبيث وايامي صارت معدوده
علي بصدمه: شنو من شوكت وليش ماكلتي
ساره بجي: والله ياوليدي مكدرت اكول الاحد وهاي اني كلتلك اريدك اتدير بالك على حور
علي: خاله لتحجين هيج اخذج اعالجج
ساره بجي: وليدي بعد ميفيد العلاج لان مرضي منتشر وما الي علاج صار 6 اشهر
علي: كل هل مده ومحجيتي ليش خاله ليش سويتي هيج
ساره بجي: شحجي شكول اعرف راح اتخافون وحور وجنيد بس يعرفون راح يدمرون واسد مراح يتحمل
علي: بقيت صافن اووف يربي خالتي ساره طلع عدها مرض خبيث ومحجت شراح يصير بحور وبعمي الله يصبرهم راحت خالتي واني صعدت للغرفه دخلت لكيت حور حاظنه يسر ونايمه رحت نمت بصفهن وحظنتهن ونمت
حور :بعد مطلع علي اني كمت غسلت وجهي ولبست دشداشه قصيره وكعدت جان ادك عليه ايه بنت خاله نسمه
حور: الو
ايه: هلاو حور شلونج
حور: هلا ايو تمام وانتي
ايه: اني بخير اكلج حور دريتي بأمج
حور: شنو شبيها امي
ايه: ها يي هيج
حور: ايه احجي شبيها امي
ايه: ماكو شي قصدي دريتي بأمج احنه كلنالها تجون
حور: ها لا والله ما ادري
ايه: ها لعد يله كوليلها معزومين باجر عل غده يمنه وخاله ارجوان وايلاف هم راح يجون
حور: ايه جوز اني ما اجي
ايه: اموت واعرف شنو بينج وبين ايلاف
حور: غير وقت احجيلج هسه لازم انام باي عوبه
ايه: باي جكمه
سديت الخط من ايه ورحت اتمددت غمضت عيني بس ميجيني نوم شويه وحسيت انفتح الباب فتحت عيوني شويه شفته علي اجه حظنه ونام حسيت براحه مع العلم اني مطايقته بس ماكدر انام اذا مو بحظنه شويه وجان استسلم للنوم
هاجر: جنت كاعده بالحديقه وافكر بحور وعلي شراح يصير بعلاقتهم هل بنيه مشافت بحياتها غير التعب والقهر يارب دخيلك لاتأذي حور اكثر من هيج دخيلك ياربي ماعندي احد اتجه اله اتذكرت جنيد من طلب ايدي اليوم من اهلي خجلت وبدون وعي ابتسمت ما حسيت غير صوت اجاني من وره
جنيد: هنياله الماخذ بالج
هاجر بخجل: هههه
جنيد: شلون الحلو اليوم
هاجر بخجل: تمام
جنيد: خما بعدج زعلانه لان باجر راح نسافر
هاجر بزعل: هفف يي ماعرف شلون راح يخلص هل سبوع
جنيد: اشش يخلص ويصير سوالف
هاجر: انشاءالله
بقيت صافنه بعيونه يي عيونه عيون ذييب مرسومه رسم عسليه بنضره وحده منه تخلي الواحد يرجف خشمه عبالك قلم حواجبه جنها سهام لحيته الهاملها منطيته جاذبيه نظراته تخليني اموت الف موته هل شخص حبيته يي حبيته من كل كلبي بس اذا عصب ميشوف كدامه بقيت مركزه بعيونه فجئه انتبهت على روحي اني بحظنه لازمني من خصري وعينه بعيني
جنيد: ليش صافنه بيه
هاجر بتوتر وخجل: ها اا لا م ماجنت صافنه
جنيد: هاجر
هاجر بخجل وتوتر: ه ها
جنيد: احبج
معرفت شنو احجي خجلت كلش حطيت ايدي على صدره ودفعته وركضت للبيت انداريت عليه وكلتله بصوت عالي
هاجر: احببببك
جنيد: ههههههه خبلتي اعشششقج
دخلت للبيت واني كلبي يرجف ويدك سريع صعدت الدرج سويته شبختين من الفرحه هههه ادري خبله ماحس غير انطخيت بواحد رفعت راسي شفته ياسر اخويه اتوترت وباوعتله
ياسر: شعندج بالحديقه
هاجر بتوتر: جنت اشم هوه
ياسر: اتشمين هوه وانتي خاضنه جنيد
هاجر بخوف: لا والله هيج صدفه شفته وحظنته
ماحسيت غير اجاني راشدي وكعني بالكاع يي اخوي ضربني باوعتله والدموع بعيني وحجه
ياسر: مره ثانيه اذا اشوفكم بهاي الوضعيه بدون زواج متلومون غير روحكم
عافني واكعه بلكع ودخل الغرفته كمت ودخلت الغرفتي كمت اشهك وابجي اول مره احد يمد ايده عليه محد ضاربني بحياتي كلها غفيت واني عيوني دموع
أنت تقرأ
فصليه اخ خطيبي (الجزء الثاني)
Romanceالكاتبه صفو 💕 الجزء الثاني من قصه اسد وساره راح تكون حياتهم بعد احلى واحداثها اتخبل تابعوها وتعرفون
