فصليه اخ خطيبي (الجزء الثاني)

بارت 15

بعد مرور 6 اشهر
يسر: ماما جوعانه
حور: يي يمه ثواني بس اخلص البيدي
يسر: مااا معليه اريد اكل جوعانه
حور: هففف يسسر كلتلج ثواني
يسر: يي ماما جوعانه شبييج
حور: هفف ماشي تعالي
حور: مرت 6 اشهر على زواجي من علي تصرفاتي متغيرت ويا نفس البرود نفس الكره والحقد والانتقام بس بداخل كلبي اكو حب  ما ابينه اله ابد ولا اريده يشوفه يسر جانت الشي الوحيد اليلهيني عن علي هي صارت كلشي بحياتنه صارت بنتي من صدك كل فتره تجي ايلاف وتشوف يسر بس جانت يسر تستغرب منها وتبتعد وتجي يمي صح جنت اشوف الحزن بعيون ايلاف على اختها بس مابيدي اسوي شي وجان كرهي على ايلاف اكبر من حزني عليها لان هي سبب حزني وقهري على علي اما زوجي العزيز فهو كل ما اتجاهله يعصب ومرات يحاول يراضيني الحد ما اتذكرت اخر مره حجه وياي
علي: لج فهميني شبيج شصاير راح اتخبليني ماكو شي مسويته حتى ترضين شكو بعد
حور: طلكني
علي: هههه اكيد اتخبلتي
حور: لا متخبلت طلكني
علي: واني ما اطلكج تحلمين
حور: اكررهك عوفني يا اخي اعتقني
علي: اله اندمج يا حور بسيطه
الي فززني صور يسر وهي تحجي
يسر: ماما كملت اكل
حور: كومي ماما غسلي يله
بهاي الاثناء دخل علي شاف يسر اجه عليها وشالها
علي: شلونه الحلو اليوم
يسر: ههه اني زينه
علي: شنو هاي جنتي تاكلين
يسر: يي
علي: يي ام بطن ومنتضرتيني اكل وياج
يسر بخجل: هههه لا بابا بس جنت جوعانه
علي: هههه حبيبتي عافيات
راحت يسر غسلت وعلي صعد فوك اسمعه يصيح عليه

علي: مرت 6 اشهر وحور نفس ماهي يوم عن يوم دزيد بتصرفاتها الي اتجنني وتخليني اعصب بس ماعرف رغم كل هل شي الدسوي واني ممديت ايدي عليها وبعدني احبها اخ يا كلبي شكد اتحبها خبلتني ما اعرف شنو الشي اليخليها تتصرف وياي هيج وخاصه ويه ايلاف مجانت تكرها هيج معقوله عبالها عدنه شي اني وايلاف بس لا ما اتصور هل شي بقيت افكر ليش تتصرف هيج ومالكيت جواب ابد جنت بالشغل ورجعت لكيت يسر بالمطبخ يم حور طبعا يسر صارت كل حياتنه اعتبرتها بنت الي صدك حبيتها وهي تنحب بسرعه رحت شلتها واشاقيت وياها وصعدت صحت على حور شويه واجتني
حور: خير شرايد
علي: عدلي اسلوبج احسلج لان مللتيني
حور: يي خوش مللتك طلكني لعد
علي: هم رجعنه استغفرالله باعي اني مجاي حتى اتعارك وياج بس حتى اكلج اني مسافر
حور: وين اتسافر
علي: رايح لسليمانه اني وجنيد بشغل محتاجه شي
حور: لاع ماريد شي
شفتها نزلت استغفرت ربي من وره معاملتها الزفت وكلامها الينكط سم ماعرف شسوي رحت كعدت عل سرير خابرتني ايلاف
ايلاف: الو هلا علي شلونك
علي: هلا ايلاف الحمدلله وانتي
ايلاف: تمام بخير علي اريد منك شي
علي: كولي
ايلاف: عادي اتجيب يسر يمنه يومين
بقيت صافن شكوللها معقوله حور تقبل بس اول وتالي هي اختها
علي: يي عادي الله كريم اكول الحور واجيبها
ايلاف: شكرا علي ما انسه فضلكم
علي: لا لتحجين هيج
ايلاف: يله اني اترخص باي
علي: مرخوصه
سديت الخط رحت طلعتلي ملابس كمت سبحت وبدلت ونزلت عل غده لان جوعان شفتهم ديصبون كعدت عل ميز وبدو يحطون الاكل