فصليه اخ خطيبي (الجزء الثاني)

بارت 7

علي: من عمي اسد كال انروح البيت عمتي رقيه ضجت ماريد هذا ايسر يشوف حور اغار عليها خابر عمي على عمتي ياقوت وهم كللها تجي ياربي الكل راح يجتمع واني وين اضمها وين اخليها من عيونهم هو اني ياسر ابن عمي محمد وماخذ حذري الحور اويلي وين اضمج حوريتي شفتها فرحانه وصعدت الغرفتها حتى اتبدل لحكتها دخلت وسديت الباب
حور بصدمه: هاي شجابك
علي: حوريتي وين رايحه
حور: مسمعت بابا كال انروح البيت عمه رقيه
علي: يي سمعت بس
حور: بس شنو
علي: حوريتي لتروحين
حور: شبيك علي شنو ما اروح احنه كلنه راح انروح محد يبقه بالبيت
علي: اششش تبقين يمي اهنا اني ما اروح
حور بترجي: لا علي حباب شبيك خلي انروح الله عليك
علي: حور مترحين وخلص بله نقاش
حور بجي وتوسل: شبيك انت من هسه بدينه تتحكم بيه حباب علي شسالفه وانت هم تعاال
علي بنفاذ صبر: استغفر الله ماشي اروح بس لتبجين
حور بفرح :عااا فديتك يله اطلع اريد ابدل
علي بخباثه: خلي ابدلج 😉
حور بخجل: هفف علي اطلع شبيك متستحي
كمت اضحك على شكلها من تخجل طلعت ورحت الغرفتي سبحت وبدلت وحطيت عطر ونزلت لكيت عمتي ياقوت جايه هي وبنتها وابنها
علي: هلاو عمه شلونج
ياقوت: هلا يبعد عمتك الحمدلله وانت شلونك
علي: بخير عمه الحمدلله
ياقوت: صاير رجال شوكت تزوج
علي: عن قريب انشاءالله
ياقوت: شنو لكيتلك مره
ساره: ياا ليش ماتدرين
ياقوت: شنو
ساره: علي نهة على حور ورادها
ياقوت: صدوك مبرووك يبعد عمتك
علي: تسلمين عمه
بقينه نحجي جان تدخل حور بنت الاوادم شحلاتها والله لو مو اهلها جان اخذتها ورحت للغرفه بله زواج 😂 بس اووف على كلبي
حور: اني كملت لبس
ساره: يي يرادلج هلهوله
حور بزعل: شنو يعني اني المأخرتكم
ساره: يي انتي مأخرتنه عمتج صارلها ساعه ادك دكول وين صرتو وانتي حظرتج ساعه اتبدلين
حور بزعل: يي هي شنو غير ابدل بعد ما اروح الاي مكان وياكم
اسد: هههه ساره عوفيها ليش هيج تقسين وياها
حور: يي باباتي شفتها دايمن تحجي عليه
ساره: لج انجبي اني امج اكسر راسج
اسد: ياعيني عوفيها
ساره: لا شنو اعوفها
حور بخبث: انتي اتغارين مني لان بابا يحبني اكثر منج
ساره: لا بالله عشتو
الكل: ههههههههه
حور: شلونج عمه
ياقوت: هلا حبيبتي مبروك عليج علي
حور بخجل: الله يبارك بيج
شفتها شلون تحجي ويه عمي وخالتي من يمي كمت اغار لعد وياي ليش جامده ؤؤف يحوريتي وين اضمج وين اخليج باوعت عليها صارت عيني بعينها فجئه اختفت الابتسامه من وجها ودارت وجها عني هاي شبيها ليش بس وياي هي توها جانت اتسولف وتضحك انوب كامت تضحك ويه هاجر وتسولف خبلتني

حور: طلع علي من الغرفه طلعت ملابس حتى ابدل لبست بنطرون جينز وبدي احمر وستره جينز ترانشوز ابيض وجنطه بيضه وشال احمر ومكياج خفيف ونزلت باوعت كلهم موجودين حجيت ويه اهلي وضحكنه وسلمت على عمتي ياقوت خجلتني من كالت مبروك عليج علي باوعت على علي شفته عيونه تلمع غيرت تعابير وجهي وتنداريت احجي ويه هاجر ما اريده يشوفني موافقه عليه برضاتي اريد اصير حقيره بنظره اريد اعذبه لان حقير اذه مشاعري
باوعت على هاجر وحجيت
حور: شلون طالعه
هاجر ;اتخبلين وراح اتخبلين علي وياج
حور: هففف عوفينه من البومه
هاجر: دنجبي وشوفي شلون يباوع عليج راح ينطن عيونه عليج
حور: شبيج بعده مشايف شي مني مو حور اليلعب وياها واحد مثل علي
هاجر :شنو البالج
حور: خلي نروح البيت عمتي رقيه وتعرفين
هاجر: الله يستر من عقلج
حور: ههههه
باوعت على علي عيونه تريد تطلع من الغضب عاد بابا كال يله رحنه كلنه البيت عمتي رقيه وصلنه دخلو كلهم توني دا ادخل جان احس ايد جرتني باوعت هذا علي هففف شيريد
حور بغضب: خيير
علي بغضب: باعي حور والله ثم والله اذا حجيتي ويه ايسر لو اكرم اموتج افتهمتي
حور برود: حاظر اكو اوامر ثانيه
عفته ودخلت من دون ما اسمع رده دخلت سلمت على عمتي رقيه وخالي سيف وخالي سلام وخاله علياء اجتي نرجس ومينال بنت خالي سلام ومينا بنت عمتي ياقوت وسلمت عليهن كعدنه نسولف ونضحك جان يجي اكرم وايسر
اكرم وايسر: هلاو حور شلونج
حور: هلاو تمام وانتو
اكرم: اني تمام شكو ماكو
ايسر: واني هم تمام
حور: والله ماكو شي صدوك اعرفكم هاي هاجر ومروه بنات عمي محمد وبنات هذا ايسر ابن عمه رقيه وهذا اكرم ابن خالو سلام
ايسر: صدوك هلاو بنات شلونجن اعذرني ماعرفتجن
هاجر ومروه: هلاو لا عادي
اكرم: هلا بيجن
هاجر ومروه: بيك اكثر
حور: بنات وهاي نرجس هم بنت عمه رقيه
نرجس: هلاووو
هاجر ومروه: هلا بيج
حور: وهاي مينال العوبه بنت خالو سلام
مينال: انجبي هلاو حبيباتي
هاجر ومروه: هههه هلاو حبي
جنه نحجي واجه عباس ابن عمه ياقوت وجنيد اخويه
عباس: اكيد تعرفوني ميحتاج اعرف عن نفسي
جنيد: ممكن تنجب شويه ههههه
الكل: هههههههه
اباوع كلنه مجتمعين بمكان واحد بس علي واكف بعيد ويباوع ويخزر بينه مهتميت خلي يموت بقهره بعده مشايف شي
هاجر بصياح: علييي علييييي
علي: هاااا
هاجر بصياح: تعاااال ليييش واكف بعيييد
طاحظج يهاجر خربتي الاول والتالي
جنيد: يي علي تعال شبيك
اجه علي وكعد بصفي ولزم ايدي وعصرها اخخخ من عنده كلهم باوعو علينه ماعدا مينا وعباس ولد ياقوت وهاجر وياسر ومروه وجنيد
اكرم: هاي شنو ولك جنيد يلزم ايدها كدامك ولك صاير خررطي
بعده ممجاوب جنيد جان يحجي علي
علي: على شنو حور مرتي صارت
ايسر: من شوكت
جنيد: علي نهة على حور وصارت اله راح يتزوجون
الكل: صدووك مبرووك مبرووك
علي: الله يبارك بيكم
حور بخجل: تسلمون
عفتهم وكمت صعدت فوك دخلت الغرفه مينال بنت خالي سلام نزعت شالي اجتني رساله عل واتساب باوعتها من علي يعني شلون حتى عل واتساب لاحكني كاتبلي
علي: وين رحتي
جاوبته المحادثه بين حور وعلي
حور: خير
علي: انجبي عاد شنو خير
حور: شرايد يمعود
علي: حور عدلي اسلوبج وياي لا والله اكسر راسج مو شفتيني استهانيت وياج عبالج تلعبين وياي
حور: يعني شلون بيك ما اخلص منك نهيت عليه محجيت شي اعترضت على لبسي غيرته بعد شتريد مني يا اخي اعتقني
علي: هم كالت اخي لج حور لتخليني اسبج لج مو شفتيني احبج كمتي تتكبرين وين حور التحبني هاا احجي
حور :حور التحبك ماتت حاليا راح اتشوف حور الجديده
علي: انتي دصيري مرتي والله كريم كلشي بوكته حلو
حور: اله اشوفك نجوم الظهر
دا احجي ويه علي جان ينفتح الباب ويدخل اكرم ابن خالو سلام اتفاجئت من دخل حطيت الشال على راسي بسرعه ونسيت علي ديراسلني سديت المبايل وحجيت ويه اكرم
حور: شبيك اكرم خرعتني
اكرم بغضب: حور هاي صدك الحجي
حور: ياحجي
اكرم بغضب: علي نهة عليج
حور: يي صح ليش
اكرم بغضب: الله ياخذك يا علي
من حجه على علي ماتحملت اسكت
حور: وبصفتك شنو تحجي على علي تره ما اسمحلك علي ابن عمي وعن قريب راح اكون مرته ما اسمحلك تحجي عنه
ما اشوف غير لزمني من ركبتي ولطشني حيل بالكنتور من الوجع عطت
حور بوجع: اااخ شبيك اكرم اتخبلت هدني
اكرم بغضب: لج حقيره انجبي شنو اتحبي
حور بغضب: يي احبه احبه بس وخر انت شعليك
اكرم بغضب :متزوجي حور فتهمتي متزززززوووجي
هو يحجي ويضرب راسي بالكنتور كولش اذاني كمت ابجي واصرخ ماحسيت غير الباب انفتح دخل علي وهاجر ونرجس وايسر
علي بصياح: اكرم وخر ايدك عنها لا ادفنك
اكرم بغضب: لا تدخل بنت عمتي وبكيفي
ماحسيت غير علي جار اكرم ونايم فوكا وموته كتل وايسر يجر بي واني كمت ابجي ورحت يم هاجر ونرجس خفت على علي ليصير بي شي هو يضربه ويردون يوخرو ميوخر حجيت
حور بجي وصراخ: عليي اذا اتحبني عووفه
شفت علي وكف عن الضرب وخر عنه وحجه
علي: قسما بالله اذا مره ثانيه اشوفك قريب على حور متلوم اله نفسك
اجه عليه علي جرني ومشه نزلنه جوه طلعنه بالحديقه وحجه
علي: عمي اني ماخذ حور وهاجر ومروه للبيت انتو عود لحكونه
اسد: ليش وليدي شصاير
علي: ماكو شي عمي اخذهم احسن
اسد: بكيفك
اخذنه وطلعنه من بيت عمه رقيه وصلنه للبيت جان .........
""""""""""""""""""""""""""""""
هلاو قلبوشاني وهذا البارت لعيونكم يارب تعجبكم والله داتعب بيها حييل اتفاعلو وصوتو وعلقو امممممح 😘
احبكم ❤
صفو 💕