فصليه اخ خطيبي (الجزء الثاني)

بارت 20 والاخيرررر

بعد مرور 4 اشهر

حور: طبعا مرت 4 اشهر واني حاليا حامل بلشهر ال 9 حملي متعبني كلش واني على باب ولاده بأي لحضه اجيب اما هاجر فحاليا حامل بشهر ال 2 فرحتلها كلش جنت كاعده بلغرفه داسفط ملابس علي شويه ودخل علي ضايج وطافره روحه
علي: كومي سويلي زقنبوت
حور: حبيبي شبيك
علي: مابيه
حور: علاوي شبيك حياتي لويش معصب
علي بعصبيه وصياح: كلتلج مااابيه
حور: هاي شبيك مادكولي بس تصيح
علي: حور اليوم من اجه اكرم وين جنتي
حور: جنت بلغرفه ليش
علي: يعني منزلتي جوه
حور: لا منزلت
علي بصياح وعصبيه: لج شنو اتجذبين عليه حوور راح اجنزج اذا متحجين وديري بالج تجذبين بحرف وين جنتي من صخمان صعد اهنا
حور: اهووو هاي شبيك شكد اتلح الخاطر الله كلتلك فوك والله منزلت
علي بعصبيه: لج لتجذبين شمدري هو انتي لابسه وردي لو ما شايفج لج بكل صلافه يكلي الوردي حلو على حور
حور: والله حبيبي منزلت ضليت فوك اعزل بلغرفه
علي: انجبي انجبي داكلج لتجذبين بلسانه حجه لو ما شايفج
حور بعصبيه: اكلك هاي شبيك مدكولي كلتلك منازله لو انت معندك ثقه بيه
علي بصياح: لج راح اتخبليني كلتلج لتنزلين لو لااا كلتلج لو لااااااا احجي
حور بعصبيه: كلتلك منزلت هاي شبيك ولو انت متثق بيك هاي عقليتك انت مريييض
علي بعصبيه: طرااااخ 👋
حور بصدمه: علي تضربني مو ولك ماصيرلك بعد مره لو تطلع نخله براسك
عفته واني مصدومه طلعت من الغرفه والدموع على وجهي متت قهر شفته لحكني كمت انزل الدرج سريع ماحس غير زحلكت وكعت
حور: اااااخ يمممه
اباوع عل علي نزل يركض
علي بخوف: حور حور حبيبتي صار شي
حور: اخخ علي الحكلي بطني توجعني
علي بقلق: شسوي كوليلي ولج شبيج بس لا ترجفين
حور بجي: ولك اخذني للمستشفى راح اموووت
راح علي دك الباب مال غرفه امي وكاللهم واجوي يركضون شالوني
حور بجي: هاجر عفيه اصعدي جيبي الجنطه لاتنسيها اخخخ يمه حموت وينج
ساره: هياتني يمج يمه استحملي
اخذوني للمستشفى دخلت واني بس اصرخ من الالم والوجع دخلوني الصاله العمليات اخر شي شفته هي الابره مال البنج حسيت على اصوات بلغرفه فتحت عيوني شويه شويه شفت يمي علي وامي وابويه خالتي مريم وهاجر
ساره: ها يمه شلونج
حور بألم: وين بنتي
ساره: هيانها بنوتج جبتي بنيه تخبل مثلج
جابتها امي يمي وحطتها بصفي اباوع عليها كائن صغير يخبل وناعم فدوه هاي بنتي اباوع على علي زعلانه منه اجه باس راسي
علي بفرحه: مبروك يروحي انتي
حور بعدم اهتمام: الله يبارك بيك
اباوع عليه وخر عرف اني زعلانه اجه ابويه شال الطفله
حور: ليش بابا وين ماخذها
اسد: اذن بأذانها واسميها
حور: يي ماشي
اسد: شسميها
حور وعلي بنفس الوقت: لوجين
اسد: هههههه ماشي
اباوع عل علي عابت شكد خبيث بابا اخذ لوجين واذن بأذانها وسماها وجابها يمي فدوه الكلبها اتخبل
حور: ماما شوكت اطلع ماريد ابقه اهنا
ساره: بنيتي بعدج مو زين اتطلعين هسه باجر انطلعج عمليتج لازم يشوفوها
حور: ماشي
بقيت الليل كله ارضع ابنتي والزم بشرتها ناعمه تخبل اباوع علي صافن علينه مهتميتله المهم بنتي شكد حلوه طالعه عليه تشبهني كلش حلكها وخشمها وعيونها اخر شي نمت تعبانه