طموحي

الم في حياتي..الجزء الاول

سأبدأ أولى قصصي على الواتباد من قصة طموحي ..
طموح طفله في الرابعه عشر من العمر .. بطلتي لهذه القصة ميرا فتاة رائعه الجمال بخلقها وأخلاقها .
طموحة منذ صغرها تسعى لتعلم كل شئ مثير ويحمل في طياته الإبداع...رغم ذلك كانت متفوقه دراسيا...ومحبوبة في محيط مدرستها ...لكن خارجها تعيش في الجحيم...تابعوا قصتي كل يومين جزء
ارجوا لكم وقتا ممتعا ...واتمنى ان تنال اعجابكم🌹🌹🌹

❤Roxan 80❤

❤❤❤❤❤❤❤❤❤❤❤❤

بدي احكيلكم عن قصتي عن المي ومعاناتي
التي بدأت من لما وصلت سن المراهقة والذي هو في الحقيقة سن مأساتي...انا مو فتاة متهورة ولا طائشه...عشت مع اروع والدين عندي اختين واثنين من الاخوة ..والدي الحبيب أمجد عمره ٥٠ عاما شخصيه مرموقه ذو مكانه علميه وثقافيه ..والدي اردني الجنسيه مدرس جامعي وشاعر مبدع.والدتي سمر عمرها ٤٥ عاما أيضا مدرسه لغة انجليزيه واروع ربة بيت سوريه ..
اخوتي احمد واوس اصغر مني بسنه عمرهم ١٣ في الحقيقه هم توأم متشابه وايضا لورا وجود توأم لكن بيختلفوا بالشكل عمرهم ٨ سنوات...

كنت بمتلك اروع عائله ...لكن شو مصير عائلتي وشو اللي صار ووصلني لحتى اشقى بحياتي .

نحنا بنزور بيت جدي ابو مصطفى في الاردن كل سنه بالعطله الصيفية جدي انسان حنون ...بس ما بحس بمحبة تيتا لا الي ولا لامي واخوتي ..ودائما بتسمعنا كلام مسيئ ثقيل على القلب ...
في هذا العام قرر والدي ان ما نبقى في بيت جدي غير اسبوع وبعدين يأخذنا في جولة سياحيه في الاردن ...كان برنامج الرحله يضم وادي رم البحر الميت والعقبه ... كثير انبسطنا بقرار والدي على الأقل مارح نتحمل كلام تيتا كتير ..
وفعلا توجهنا إلى البحر الميت بقينا في فندق هوليدي ان ثلاث ليال رائعه كانت اخر ليال جميلة مع عائلتي الحلوة ...توجهنا إلى العقبه..كان الطريق بياخد اربع ساعات لنصلها ...لكن ما حد من اهلي وصلها غيري ..قبل ما نوصل اصطدمت سيارتنا بشاحنه نقل المشتقات النفطيه وما بعرف شو صاربعدها إلا وانا في مستشفى حكومي في العقبه ...كانت عندي جروح بسيطه في الوجه وكسر في الايد اليمنى وبعض الرضوض في قدمي ......سألت الممرضه عن امي بس ما جاوبتني ..... استمريت بالبكاء بدي اعرف وين اهلي وين هي عيلتي الحلوة ...بعد تقريبا ثلاث ساعات من تهرب الممرضات من الاجابه على أسئلتي وصل جدي وعمي احمد لكن جدي مبين مكسور و محطم ...ضمني بقوة وقبل راسي ...
ميرا...جدو وين اهلي
الجد..شو بيوجعك يا جدو
ميرا ... قولي شو مابيوجعني ياجدي كل جسمي مكسر ..بس وين ماما وبابا شو صار معنا
الجد ...ياجدو انتي ما بتعرفي شو صار معكم
ميرا ...لا والله جدو كنت نايمه بعد ما طلعنا من البحر الميت وما شفت حالي إلا بالمستشفى وما حد لا امي ولا ابي شفتهم
الجد .... حبيبتي ميرا ياروح جدك(نزلت دموعه)اسمعيني منيح
ميرا ...شوفي جدو وين ماما وبابا
احمد ...يا عمي اهدي واسمعي ابوي شو رح يحكي ..
ميرا ..ماشي
الجد ...رب العالمين اوجدنا على الدنيا بس ارواحنا امانه وبقدر ياخد أمانته متى بده ...رب العالمين يا جدو حب امك وابوكي واخوانك واختارهم عنده
ميرا...جدو انت شو بتقول ...(بتوتر وعصبيه) شو قصدك ...(نزلت دموع جدي وماقدر يكمل كلامه)
ميرا...عمي انت خبرني انت مارح تخبي علي صح شو قصده لجدو...
ليش ماتخبروني ليش ماحد راضي يفهمني
احمد...(حاول يتماسك ودموعه بطرف عينه)حبيبتي ميرا امك وابوكي واخوانك ماتوا ...الله يرحمهم
ميرا ....لا انت بتكذب علي بابا مابتركني لحالي ...ماما بتعرف بخاف أضل بعيده عنها ...علشان الله قولوا الحكي مو صحيح (انهارت ونزلت دموعها بغزارة وصارت تصرخ بشكل هستيري)
ميرا ...بابا لا تروح ماما ما بقدر اعيش بدونك ...طيب اخواني ليش كمان تركوني ... ليش ما اخدوني معهم
يا الله يا الله يااااااااالله
بدي ماما و بابا قولولي هاد كله كذب مش صحيح كلامكم بترجاك جدو قولي انك بتمزح معي....جدي ما نطق ..عيونه نطقت بالدموع اللي ماعم توقف..بدي امي ..بدي بابا ...وينهم ماماتوا لا ماماتوا لورا وجود حبيباتي مين بده يحضرلكن واجباتكم ...احمد واوس حبيباتي مع مين بدي احكي انتوا صحابي وينكم تعوا خدوني معكم لاتتركوني... ياربي يييي مستحيييييييييييل..( فقدت ميرا الوعي وماقدر لا جدها ولاعمها يهدوها)
كان الطبيب بالباب ينتظر رد فعلي على الخبر ...الذي فضل ان يخبرني جدي فيه ...
وبسرعه دخل الطبيب وعمل الإجراءات اللازمه لحتى استعيد وعيي ...
لكن اول ما فتحت عيوني ما نطقت ولا كلمه واحده ودموعي توقفت فقط عيوني عم تتحرك على جدي اللي قاعد حدي على الكرسي اللي جنب سريري ...يبكي ويدعي ويقرأ قران ...وعمي مو أقل حزن من جدي كان ساند راسه على الباب و دموعه كأنها شلال...اول ماشافني ركض لسريري ومسك أيدي اليسار..
احمد...ميرا انت بخير يا عمو
ميرا.... ...... (ماتكلمت) كنت بتطلع عليه بس كأني في عالم تاني...اتذكر ركوبنا في القارب في البحر الميت ...سعادة اخوتي احمد واوس اللي كانوا واقفين على طرف القارب ...وخوف لورا وماريا من حركه الأمواج وضحكنا عليهم....شو صار ومتى صار وكيف صار هالشي ...وين هم هلا... كنت بدي اسال جدي وعمي بس صوتي مابيطلع. ..
احمد ...دكتور بدها تحكي اشي بس كأنها مش قادرة ... صح عمو
ميرا ...(هزيت راسي بنعم )
الدكتور ... استاذ احمد هاد شي بسيط من الصدمه وان شاء الله بتصير احسن
جدو ...شو يا جدو شو بدك تحكي ..احكي ... بدك تشوفي اهلك
ميرا (هزيت راسي بنعم )
الدكتور ... ميرا بكرة ان شاء الله بتكون امورك افضل ...بس لحتى مايزعلوا اهلك منك ..لازم تكوني أقوى
ميرا (حركت ايدي بدي قلم )
الدكتور .. احكي ميرا شو بدك ماتأشري
ميرا ...(هزيت راسي بلا)
اعطاني الدكتور ورقه وقلم كتبت
ميرا... ازا حكيت مع اهلي بيسمعوني بدي اشوفهم هلا ..الله يخليك دكتور
الدكتور ...ميرا هلا صعب الصبح ان شاء الله انا و جدك و عمك بناخدك بس حاولي تحكي و تبكي بس لما تبكي لا تصرخي لانك رح تعذبيهم ..
ميرا...(كتابه ) ماشي
احمد...حبيبة عمو نامي هلا و ارتاحي علشان الصبح تكوني قويه و تقدري تشوفيهم ...

اعطاني الدكتور ابرة مهدأ ونمت لتاني يوم العصر ...
طبعا لا جدي و لا عمي احمد فارقوني
و جدي اجل جنازة عائلتي لحتى نرجع لعمان ...
اول ما صحيت من النوم ...كنت بدي اصرخ بس خفت من الدكتور يرجع يعطيني منوم ...انا بدي اشوف اهلي باي طريقه ... وقفت على رجلي غصب عني لانه كانوا عم يوجعوني .. وايدي المها فظيع ... تماسكت و ادعيت القوة بس لحتى اشوفهم ... يا الله شو احساس سئ تحس حالك وحيد و أهلك راحوا وما عاد يرجعوا ...شو مخبيلي المستقبل
وين بدي اعيش و كيف بدها تعاملني تيته
....يااااااااالله
اخدوني شفت اهلي بس ياريت لو ما شفتهم بكيت كتير ... من الكدمات اللي مشوهه وجوهم .. كنت اتمنى لو بس الصورة الحلوة هي اللي ضلت بذاكرتي عنهم . صرت احكي وابكي
طبعا بعد ماطلبت من الجميع يتركوني معهم ..وهم فاهمين اني ما بيطلع صوتي ... ما بعرف ليش عملت هيك ....
بس انا بالليل صحيت وبقدر احكي يمكن الفترة اللي فعليا انقطع فيها صوتي كم ساعه .... بس انا بقيت مكمله لحتى مايمنعوني عن اهلي بحجه نفسيتي .. مسكت حالي غصب عني..
ميرا.....ماما ليش تركتيني انا مين الي غيرك ...شو بدها تعمل فيي تيتا ... انتي بتعرفي انها بتكرهنا ...يا ريت لو فيي الحقكن انت وبابا و اخواتي (رحت لبابا)
بابا دخيلك ارجع ...يا عمري انت مين بده يقولي ميرا مدللتي ميرا نوارة البيت و شمسه...بابا انا رح ضيع بعدكن .... ااااااخ يا بابا كيف رح عيش بدونكم ...بابا انا بختنق ما بدي اعيش بعد ماتركتوني
(دخل عمي احمد بدون ما انتبه )
احمد ....حبيبتي ميرا منيح اللي حكيتي بس اللي مش منيح انك تعذبي اهلك بكلامك ...و هم هلا بيسمعوكي..
ميرا ....عمي و الله حاسه حالي ضايعه و رح اضيع بدونهم ...عمو لا تزعل مني بس انت بتعرف تيتا ام مصطفى مابتحبني انا و امي و اخواتي كيف بدها تتقبلني وين بدي اروح بعدهم ... و الله يا عمو اني ضعت بعدهم
احمد ...انت بتعرفي مرتي شو بتحبك ما تخافي بتعيشي عندي ازا ما قدرتي تعيشي في بيت جدك..

طلعنا و رجعنا لعمان ....كنت طول الوقت راسي بحضن جدي اللي الدمعه ما فارقت عيونه ...
و تم الدفن و دموعي ما وقفت ....كانت اوقات صعبة ...كنت افقد وعيي بين الفترة و التانيه مرت عمي احمد وبناته سارة وحنان ما تركوني...
مرت أيام العزاء بقهر كل المعزين كانوا مقهورين علي و على خسارتنا لاهلي ..
يا ترى شو مخبيتلي الأيام بعد اهلي ...👨‍👩‍👧‍👦💔💔 كم مرة رح تكسرني و ضل قويه😯😔

😔😔😔😔😔😔😔😢

هاد اول جزء من قصتي اللي بتمنى تنال اعجابكم ...الجزء القادم يوم السبت مساءا
دمتم بحفظ الله 😘😘😘