طموحي

الجزء الثالث عشر

مساءكم سعادة أحبتي .. اليوم أصابني صداع قوي ضرب على عيوني لهيك كنت أكتب كم كلمه و أوقف .. بس هلا رح أحاول أكمل على قد ما بقدر لحتى ما أتأخر بالنشر
💓💓💓💓💓💓💓💓💓💓💓💓💓💓

صحيت الساعه 8 على رنة الموبايل ... قبل ما اشوف عرفته عامر ... بعدين معه بدي ارتاح .. ميرا .. اي شو هلا والله نعسانه
عامر .. بالأول الواحد بحكي صباح الخير
ميرا .. صباح الخيرات ... عامر و الله نعسانه نعسانه
عامر .. هههههههههه ماشي .. قومي هلا بدي قهوة من تحت دياتك
ميرا .. عامر اكيد بتمزح
عامر .. و الله مابمزح حياتي .. بعدين بتنامي بنشرب القهوة وبنطلع نتمشى علشان تعرفيني عالمنطقه
ميرا .. كرمال الله اعتقني هلا بس اصحى بعمل اللي بدك إياه .. بس نص ساعه و صحيني
عامر .. أمري لله
💖💖💖💖💖
حبيت اتحركش فيها الصبح بدي أحاول أملك قلبها قبل ما ارجع على أمريكا بس يا رب اقدر .. هالبنت سلبت قلبي و عقلي و روحي ... صحيت أمي و إجت تحضر فطور قررت افاتحها بموضوع ميرا يمكن تقدر تساعدني
أمي .. صباح الخير عامر
عامر .. صباح الورد والفل و الياسمين أمي
أمي .. شو صاحي بكير
عامر .. هههههه عادى ... أمي بدي احكي معك بموضوع قبل ما يصحوا الباقيين
أمي .. اطلب يا روحي شو بدك
عامر .. ماما انا بحب ميرا
أمي ... شو (بصدمه.. بفرح )
عامر .. أمي اسمعيني للاخر انا امبارح فاتحتها بالموضوع بس هي معتبرتني أخ إلها
أمي .. أصلا وين ميرا رح تلاقي أحسن منك .. بس يا إمي اللي متلها أولى المملكه مستحيل تتخلى عن دراستها لو خطبناها الك
عامر .. و مين قال إني بدي خطبة هلا .. قبل ما تقتنع فيي ما بدي ابوي يعرف
أمي .. البنت يتيمه يا عمري .. لاتكسرها بقصص حب و زواج و بعدين تتركها
عامر .. انا شايفتيني هيك .. انت بتعرفي اني عندي مخافة الله.. بس هي بدها فرصه تعرفني و تقرر و انا ما عندي مشكله تفكر براحتها و اليوم اللي بتقتنع فيه برجع اتزوجها و اخدها معي
أمي .. يا خوفي أولاد عمك مصطفى يوقفولك بحجه أنه انت داخل على طمع ..
عامر .. أمي انا مستعد أعطى ميرا قد اللي عندها مهر .. انا و سامر الحمد لله كنا نوفر علشان نرجع و نفتح مجمع عيادات ..يعني مش ناقصنا المال لحتى نطمع ببنت يتيمه
أمي .. ومن متى هاد الحب لحتى تضحي بتعب سنينك علشانها
عامر .. انت عندك مشكله
أمي .. لا و الله ميرا وحدة من بناتي .. هالبنت رفضت تستغل أبوك و كانت تدفعله كل قرش بيدفعه عليها .. حتى دراستها في مدرسه خاصه رفضت إلا من ايجار هالبيت تدفع .. البنت هاي مربايه وبنت أصول
عامر .. بدي اصحيها هلا .. و أطلع أمشى معها بدي تغطي علينا ما حد يعرف
أمي .. و هي بتقبل
عامر ..إذا أنت قبلتي اكيد هي رح تقبل
أمي .. طيب انا طالعه اصحيها الك

تركتني أمي و انا على نار اشوف شو رح تقوللها ميرا ..

ميرا .. دخلت مرت عمو عندي عالغرفه و انا عم برتب فيها ما عرفت ارجع انام بسبب عامر..
مرت عمي .. صباح الخير ميرا
ميرا .. صباح الورد .. كيفك مرت عمو
مرت عمي .. الحمد لله يا عمري .. و الله تعبت امبارح
ميرا .. سلامه قلبك يا رب
مرت عمي. . ميرا يا عمري عامر قالي عنك و عنه
ميرا ..(انحرجت منها .. هالانسان مو طبيعي )مرت عمو انا فهمت عامر انا بعتبره أخ بس هو رافض
مرت عمي .. شوفي يا عمري انا رح أضل ادعي يجمعكم مع بعض لأن لا انت و لا هو رح تلاقوا أحسن من بعض
ميرا ...الله كريم خالتو ..انا أعطيته فرصه و أعطيت حالي فرصه و الله يجيب اللي فيه الخير...
مرت عمو .. اللهم امين.. اوك حبيبتي غيري و انزلي اطلعي مع عامر جيبولنا فطور هو ما بيعرف بالمنطقة
ميرا ..(عرفت قصد مرت عمي ) حاضر مرت عمو
لبست بدلة رياضه وردي ورمادي خرج كزدورة و عليها شال وردي و بوت رياضه نفس الألوان و حطيت ماسكارا و روج خفيف هههههههه نسيت تعليمات الأستاذ عامر .. قصدي الدكتور
نزلت كانت مرت عمو بالصاله .قلتلها.. انا جاهزة وينه عامر مرت عمي
مرت عمي .. عامر برة بالحديقه بستناكي. طلعت عالحديقه و معي مفتاح السيارة لقيت عامر لابس بدله رياضه أسود و ابيض من أديداس و لابس نظارات شمسيه عجبتني شخصيته
ميرا .. صباح الخير يا مزعج
عامر ... هههههه صباح الخير حبي .. رح امشيلك إياها .. بس شو قلنا عن الروج .. و الله هيك بتوقعي فيكي اعند رجل
ميرا .. خلص روح جيب فطور لحالك
عامر .. أمشى نروح
ميرا .. لا استنى ..خد هي المفاتيح
عامر .. مفاتيح شو
ميرا .. مفاتيح السيارة بالليل عمو أبو قاسم أعطاني إياهم بعد ما عملها صيانه
عامر .. و ليش تاخدي منه
ميرا .. هي مفاتيح سيارتي بتضل عند بيت عمو أبو قاسم واحنا مش هون علشان بين كل فترة و الثانيه يعملولها صيانه
عامر .. طيب ماشي يعني ما بدك تمشي ..
ميرا .. لا المكان اللي نجيب منه فطور بعيد شوي و انا تعبانه
عامر .. أمري لله
💖💖💖💖💖💖💖💖💖💖💖💖
طلعنا بالسيارة و عامر كل شوي يتطلع على انحرجت منه ..
ميرا .. عامر ممكن عيونك لقدام و الله عم تحرجني ..
عامر .. ميرا عمرك ما فكرتي تحبي
ميرا .. ما كان عندي وقت لهيك تفكير
عامر .. و انا نفس الشي رغم شفت أشكال ألوان من البنات بس ولا وحده دخلت لقلبي إلا أنت
ميرا .. لنفرض أنه اجا اليوم و حبيتك شو بالنسبه للخطبه و الزواج ولا بس بدك حب
عامر .. ولك انا اليوم ازا بتحبيني بكرة بتكوني على اسمي
ميرا .. و دراستي
عامر .. و دراستك مهمه كمان و لو تزوجنا قبل ما تكملي بوعدك تكملي بأمريكا
ميرا .. خير ان شاء الله
اشترينا اشياء الفطور لبنه و جبنه و زعتر و بيض و سنيورة حليب مبستر و خبز ... و اشترى عامر شوكولاتة مشكله و سناكات و أعطاني إياهم
ميرا .. لمين كل هاد عامر
عامر .. لمين اكيد الك .. ما بتحبي الشوكولاته
ميرا .. أي كتير كتير بحبها
عامر .. و انا بقولك كل شي بتحبيه رح خليه بين ايديكي
ميرا.. شكرا عامر .. خلينا نرجع قبل ما يستفقدونا ..
عامر .. شو ضوجتك ..
ميرا .. لا و الله بالعكس كثير انبسطت معك