أسعد الله صباحكم بكل خير ... الجزء الخامس من طموحي ممتلئ بالتفاؤل والأمل متابعه ممتعه ارجوها لكم ..
💜💜💜💜💜💜💜💜💜💜💜💜💜
وصلنا عمان حسيت بحالي مخنوقة اني راجعه للعذاب .. و الله ما تعودت على هيك حياة ... حياتي كانت كلها انديه وأحسن مدارس ... وصديقات ...
أحمد... ميرا عندي مفاجأة الك
ميرا ... جد عمو شو هي
أحمد .... ههههههه لا تستعجلي بس نوصل بتعرفي
ميرا .... ههههههههه يا الله شو بحب المفاجآت بس يا رب تكون حلوة
أحمد... اكيد ان شاء الله حلوة
كان بانتظارنا عمو مصطفى ... عيونه فيها فرحه باستقبالنا جد نظرة اعمامي و حنيتهم بتنسيني وجعي ... ركضت عليه و حضنته
ميرا ... حبيبي عمو اشتقتلك
مصطفى ... و أنا أكثر يا عمي
سلم على عمو أحمد بالأحضان .. اللي بشوفهم ما بيحكي كل واحد من أم .. عندهم محبه بتسوى العالم كله
..ركبنا بسيارة عمو شيفروليه سوداء ... طلعنا كل ظني على بيت جدي تفاجأت بالسيارة متوجهه على غير طريق ...
ميرا ... عمو وين رايحين.. هاد مو طريق البيت
مصطفى .. اصبري يا عمي هلا بنوصل و بتعرفي
بعد ربع ساعه وصلنا بيت كبير أشبه بفيلا حديقه كبيرة ... أشجار النخيل على طول المدخل الرئيسي
أحمد .. انزلي عمي ميرا
ميرا ... ههههههه حاضر مفاجئتكم غريبه
أحمد و مصطفى .... ههههههههه
دخلنا و استقبلونا جدو و تيتا أم أحمد .. ركضت لحضن جدو حضنته و بوست أيده ..
جدو .. الحمد الله على السلامه يا غاليه
ميرا .. الله يسلمك جدو
درت على تيتا حضنتها و بوستها
ميرا ... حبيبتي تيتا و الله اشتياقي للأردن كان كرمالك انت و جدو أكثر شي
تيتا... يا روح تيتا انت .. الحمد الله على سلامتكم عمو أحمد كمان سلم عالجميع .. ميرا ... عمو هي مفاجأتكم إلى
أحمد ... ههههههه ما عجبتك
ميرا ... بالعكس حلوة كتير
مصطفى ... و الأحلى هدول الختياريه رجعوا تزوجوا بعد رفض من ستك ثلاثين سنه و خالتو أم أحمد رافضه .. علشانك وافقت هههههههه
ميرا .... جد ههههههههه خبر حلو .. لو بابا عايش كان انبسط كتير (نظرة حزن وفرح)
أحمد .. ما بدك تباركيلهم ههههههه
ميرا .... و بعملهم زفه كمان
الجميع ... ههههههههههه
رجعت بووست ايديهم وباركتلهم
ميرا .. البيت هاد لمين
تيتا .. هاد بيتي و من هلا رح يكون بيتك كمان
ميرا ... يعني رح أعيش معك تيتا (بانبساط)
تيتا .. اكيد يا عمري و جدك كمان معنا
ميرا ... بس تيتا أم مصطفى هيك رح تزعل
مصطفى .. ماعليكي من امي انا و ابوي بنعرف نتفاهم معها ... عيشي حياتك و ماتهتمي لحد .. أهم اشى شهادتك
ميرا ... حاضر عمو
بعدين فهمت أنه عمو مصطفى خبر جدي بالمعاناه اللي بعيشها مع أمه و أخته ... و جدو ما بده يتنازل عني حتى لتيتا أم أحمد ... هون تيتا أم أحمد تنازلت لطلب جدي اللي ما مل طول ثلاثين سنة يطلبه ... و هو أنه ترجع زوجه اله ... و بهيك بعيش بحضن جدي و تيتا
أخذتني تيتا أم أحمد على غرفتي ... يا الله نفس اثاث غرفتي بدبي عمي بعثه لتيتا ... ما حسيت شي اختلف حتى نفس الترتيب و غرفه ماستر ... الحمام مختلف شوي لأنه فيه شاور بوكس مو شاور عادي .. بس يا الله شو ارتحت لما شفت اغراضي كلها موجودة
تيتا ... عمك أحمد بعثلي صور كامله لغرفتك و شحن الأثاث كامل ... بس غرفتك شحنها لحالها
ميرا ... حبيبتي يا تيتا شو بحبكم
تيتا انا طلبت من عمو أحمد مكتبه بابا مايتصرف فيها ..لأني كنت اقعد أقرأ فيها
مع ماما و بابا
تيتا... ولا يهمك يا عمري اصلا انا متمسكه فيها .. المكتبه بالطابق الأول وكل كتب ابوكي مثل ماكانوا مرتبين بمكتبته تحت
... انت بس اؤمري يا بنت الغالي
ميرا ... تيتا انت من وين الك هاد البيت و كيف عايشه
تيتا ... هاد البيت ميراث من ابوي و اخواني بامريكا بيصرفوا علي .. انا عشت 25 سنه بامريكا و رجعت علشانك
ميرا .. حبيبتي يا تيتا (رميت حالي بحضنها)
أنت تقرأ
طموحي
Humorقصة اجتماعيه ...عاطفيه تبحث في قضية فتاة عانت في حياتها الكثير ليصل طموحها فوق السحب ...تعاني الحب و بعد الحبيب ..لكن لم يكسرها هذا الحب زادها قوة وصلابه حتى باتت مكانتها مرموقة في المجتمع 🌹🌹🌹🌹
