ما أروع أن تكون مؤمنا بأن فرج الله قريب ...ما أروع أن تكون ثقتك بالله فوق كل شئ
صبرا يا فتاة فليس بعد العسر إلا يسرا
💮💮💮💮💮💮💮💮💮💮
اليوم فكيت الجبيرة اللي ضلت شهرين على ايدي .... طبعا طول هالفترة تيتا و عمتو ما رحموني ... من شغل لشغل لاستعباد ....
جدو حبيبي ما قصر معي هو تيتا ام احمد و عمو احمد ... عمو مصطفى و عمو خالد بعد العزاء بأسبوع رجع كل واحد لشغله وبيته ...بس كانوا عكس تيتا ام مصطفى اخدين حنيه جدو ...الوحيده اللي أخلاقها متل تيتا ام مصطفى عمتو وجدان لئيمه كتير معي و مع أولاد عمو احمد ...
عمو أحمد اكتر واحد تعب معي طبعا من الحادث قدروا يطلعوا شنطة ماما اللي فيها اوراقها الثبوتية... من هويات وجوازات سفر و دفتر العائلة وموبايلات ماما الاثنين...ومن ملابس بابا طلعوا محفظتوا و موبايله اول ما وصلوا المستشفى ...عمو أحمد حفظلي اياهم معه ... و خبرني عنهم
عمو ... حبيبتي ميرا كل اوراقكم و جوازاتك انت و اهلك و موبايلاتهم
ميرا ... عمو ممكن تعطيني تلفون ماما note 5
عمو ... بس احكي مع جدك علشان مرته و وجدان مايعملولك مشكله
ميرا ... طيب اشحنلي اياه بدي احكي مع خالو زياد اخبره ...لازم يعرف باللي صار مع اهلي ..بترجاك عمو ...الله يرحمها ماما كانوا خوالي روحها من الدنيا من وفاة جدو ابو زياد .
عمو أحمد ... ماشي حبيبتي حقك و حقهم بكرة ان شاء الله و احنا طالعين نحجز للسفر بشحن الخط
جدو حبيبي كان الوصي علي بعد بابا الله يرحمه ... لكنه تنازل عن الوصايه لعمو احمد ...و بهيك بكون عمو مسؤول عني لحتى اصير ١٨ ..و أصير مسؤوله عن نفسي .. لما خبر جدو بأنه بده ياخدني معه نخلص كل شي بخصنا بالامارات جدو وافق و اعترضت تيتا وعمتو العقربه وجدان.. طبعا ما انا صرت الخدامه عندها بالبيت ... بس كلمة جدو ما حد بقدر يكسرها لأنه شيخ عشيرتنا و مختارها ... و كلمته مو بس على أهل البيت و على الكبير الصغير بالعشيرة...
جدو صاحب شخصية قوية يلبس دشداشه و عبايه و شماغ (حطه و عقال )..متل مابقولوا هيبه .
جدو لما تنازل لعمو عن و صايتي لأنه ما بقدر يسافر ويترك العشيرة طبعا عمو مصطفى بينوب عنه بكل شي لما يغيب... عمو مصطفى مدرس ابتدائي خلص كليه دبلوم تربيه ... يعني من الساعه ١٢ بكون بالبيت فمتفرغ مع جدو ...
تاني يوم جهزت حالي اطلع مع عمو طبعا انا مو محجبة لبست قميص طويل مقلم بالكحلي وبنطلون جينز .. و ربطت شعري ذيل حصان ...شعري كتير ناعم ما بيحتاج سشوار و لا زيوت لونه بني غامق... اول ما نزلت استلمتني تيتا
_ طبعا قبرتي اهلك و بتدوري على حل شعرك لا رقيب و لا حسيب
-لو سمحتي تيتا بلا هالحكي(نزلت دموعي) انا مو طالعه لحالي عمو احمد جاي ياخدني ..من لما توفوا اهلي ما طلعت مرة واحده إلا و عمو احمد معي
_تعالي علميني كيف احكي .. طبعا طالعه على ابوكي
_الحمد لله تيتا اللي طالعه على بابا الله يرحمه
دخل عمو مصطفى بعد ما سمع كل كلامنا انا و تيتا
عمو مصطفى ... يمه شو هالحكي اخوي الله يرحمه ..عمره ما كان يردلك كلمه و بنته اصيله و بنت ابوها صح لانه هو ابن ابو و تربية ابوي الكل بحلف فيها ...
تيتا ... شو بدي اترجا من ابن بطني بعد ما يوقف بوجهي
مصطفى ...يما انا ما بوقف بوجهك انا بحكيلك اللي بتعمليه بها اليتيمه حرام
تيتا ..يووووه وجعتوا راسي انت و
اياها
مصطفى ...تعالي عمو انا بوصلك لبيت احمد و بدي احكي معك شوي
(رن على عمو احمد)
مصطفى ...مرحبا احمد كيفك وكيف عيالك
احمد...الحمد لله تمام و بسلموا عليك
مصطفى ... لا تروح على بيت ابوي انا جاي عليك و معي ميرا
احمد ...(باستغراب )ان شاء الله يا أخوي اهلا وسهلا
مصطفى..في أمان الله
أنت تقرأ
طموحي
Humorقصة اجتماعيه ...عاطفيه تبحث في قضية فتاة عانت في حياتها الكثير ليصل طموحها فوق السحب ...تعاني الحب و بعد الحبيب ..لكن لم يكسرها هذا الحب زادها قوة وصلابه حتى باتت مكانتها مرموقة في المجتمع 🌹🌹🌹🌹
