من يوم المطعم و عامر يعاملني بجفا.. انا اللي متأكده منه أنه كلامي ما في شي يزعل .. كان كل ليله يحكي معي عالتلفون للفجر ..اله كم يوم ما بيحكي .. نمت و انا عم فكر شو الغلط اللي غلطته .. مو عارفه اسأله و لا اتجاهله خصوصا ما باقيلنا شي بدبي كلهم أسبوعين .. لا رح اتجاهله لحتى هو يبرر تصرفاته...
أما سامر و فطوم قعدت الصبح من النوم لحتى احكي مع عمي و مرته لأنه الهم بالعاده يقعدوا بعد الفجر يشربوا قهوة ...صليت الفجر و قرأت سورة النساء لأنه عم اعمل ختمه عن روح أهلي ..و نزلت لقيتهم قاعدين
ميرا... صباح الخير عمو...صباح الخير ماما ..
عمو و مرته .. يسعد صباحك يا رب
ميرا .. كيف اصبحتوا ?
عمو ..الحمد لله أصبحنا و أصبح الملك لله.. شو ليش ما نمتي يا عمي
ميرا ... بصراحه انا تعمدت احكي معكم و الكل نايم ..
مرت عمو .. خير ماما شو في
ميرا .. شو رايكم ببيت أبو قاسم
عمو .. ناس و النعم منهم .. ناس قليل نلاقي مثلهم
ميرا .. طيب لو واحد من أولادك حب يناسبهم بتوافق
عمو .. اكيد ليش لا جماعه كلهم دين و اخلاق
مرت عمو .. شو ماما بتشتغلي خطابه ههههههه .. سامر عاجبته بنتهم قصدك
ميرا ... ههههههههههههه
عمو .. و ليش ما يكون عامر .. ليش فكرتي بسامر (انقبض قلبي من كلام عمو)
مرت عمو .. لا عامر حكايه تانيه بده من الاردن بس نرجع نخطب له
عمو .. ميرا سامر طلب منك تحكي معي
ميرا .. لا و الله عمو هو متأكد انك رح توافق بس هو خايف من اهلها يرفضوا لأنه مو عراقي
عمو. خليني افاتح أبو قاسم اليوم و أن شاء الله خير عمي
ميرا .. بس لا تخبر سامر ازا وافقوا خليني اخبره😉😄
عمو... حاضر عمي الك انت تبشريه
طبعا طبع مرت عمو حلوة و طيبه و ما بترفض لعمو طلب .. ومابتزعل من قرارات عمي و ما عندها عقد بالجنسية للبنت اللي رح يرتبطوا فيها ... المهم اولادها يكونوا مبسوطين .. تركتهم يكملوا قهوتهم و طلعت انام لأنه الليل كله قضيته افكر ب عامر و تصرفاته ....
نمت شي أربع ساعات بعد الفجر صحيت الساعه عشرة و نص ..اله بالعادة عامر يزعجني ازا صارت عشرة و ما صحيت .. صرت احس بغيابه هالشهر عودني عليه صرت اقعد تعبانه و خلقي ضيق ازا ما كان موجود .. أوف عامر مو عارفه شو اعمل
....
عمو التقى ب أبو قاسم بعد صلاة الظهر لأنه اليوم جمعه ... و أصر أبو قاسم يعزم عمو على فنجان قهوة ...
عمو .. تسلم أبو قاسم و انا الي عندك طلب بتمنى ما تردني
أبو قاسم .. أبو مجد احنا خوة و أن شاء الله اذا اكدر عليه تامر
عمو .. تسلم ما يؤمر عليك ظالم أبو قاسم
أبو قاسم .. احجي طلبك أبو مجد
عمو .. شو رايك بسامر ابني
أبو قاسم .. و الله شاب نعم التربيه هو و اخوانه
عمو .. يا خوي يا ابو قاسم انا طالب بنتك فاطمه لابني سامر .. أن شاء الله توافق و مارح نلاقي أحسن من هيك نسب
أبو قاسم .. و الله يا ابو مجد انت كبع وخذ بس بعد لازم رأي البنيه واخوها
عمو .. بارك الله فيك يا اخوي معناها اعطيك فرصه تشوفهم و تردلنا خبر
شرب عمو القهوة مع أبو قاسم و رجع عالبيت .. ناداني و قالي ابوها موافق بس لازم رأي البنت
ميرا .. عمو فاطمه موافقه ما تخاف انا حكيت معها و سألتها قالت عنه إنسان منيح بس هي ازا بتوافق اهم شي دراستها ..هي نجحت أدبي و رأي أهلها
مرت عمو... لازم نشغلك خطابه يا ماما مو دكتورة هههههههه
ميرا .... هههههههههههه شو اعمل ماما غير اخوي و لازم اتطمن عليه
مرت عمو ... و عامر متى رح نتطمن عليه
ميرا ... ماما الله كريم .. بس يفرجها و يبطل نكد و كشرة بصير ادورله على عروس
طبعا قلت هالكلام قدام عمي. . ما بدي يفهم قصد مرته.. بس مرت عمي فهمت ..
💖💖💖💖💖💖💖💖💖💖💖💖💖💖
بالليل عمو أبو قاسم خبر عمي موافقتهم و شرطهم بدراستها ..و عمو اكدله أنه رح تكمل تعليمها بالأردن و الدراسه اللي بدها إياها ...،
عمو ... ميرا عمي خلص كل الأمور تمام (بهمس لأنها قاعده جنبه)
ميرا .. ألف ألف مبروك عمو (بهمس لأنه الكل موجود )
ميرا .. إحم إحم(لحتى تلفت الانتباه إلها)الكل أتطلع على ميرا بفضول ...
سامر انت ما بدك تتجوز ..
سامر .. ميرا اهدي انت ما لقيتي غيري تبلشي فيه (الكل عم يضحك عليه )
مرت عمو ... ههههههههه ميرا شكلها خطابه
ميرا ... ههههههههه شو تدفع و ازوجك اللي نفسك فيها
حنان ... شو من ورانا ميرا خطابه .. وين راح الطب
سارة ... شكل الطب ما بيأكل خبز قررت تشوف اشي مساعد
ميرا ... ماشي ماشي طالما سامر وافق على الدفع .. لبس و اكسسوارات الخطبه عليك إلى و لاخواتك و الصالون
سامر .. هاد ابتزاز
ميرا ...أعلن انا ميرا أمجد أنه تمت الموافقه على السيد سامر أحمد من قبل ولي أمر العروس فاطمه السيد قاسم
سامر .. بربك وافقوا
الجميع ... هههههههههههههه
عامر ... ههههههههه واقع الأخ ....ألف مبروك أبو سمرة
صار الكل ينكش مخه عليه
سامر .. ولك ميرا أقسم بالله لو ما الحلال و الحرام لابوس راسك على هالخبريه .. ما كنت متوقع يوافقوا
مرت عمو .. و ليش ما يوافقوا يا عمري دكتور و ما شاء الله عليك و هم ناس منيحين و ما عندهم تفرقه
طبعا عامر كان يتطلع فيي و نفسه يضربني لما قال سامر أنه يبوس رأسي
انبسطت كثير لأنه انقهر .. و لا بس يقهرني انا
حنان .. بسرعه يا حلو روح جيب تحلايه
سامر ... و لو تكرم عيونكم و رح اجيب حلاوة الجبن و البقلاوة علشان ميرا
💖💖💖💖💖💖💖💖💖💖💖
ميرا .. طيب أبو سمرة لحتى تجيب الحلو انا رايحه على غرفتي أقرأ شوي
سامر ... يسعدها اختي ميرا
طلعت على غرفتي لاقاني عامر عند باب الغرفه
عامر .. ماشاء الله شو هالطريقه بالحكي مع سامر و الدلع عليه
ميرا ... عامر كرمال الله انا ما عملت شي اخي و عم افرحله وين المشكله .. و لا انت بتحب على كل كبيرة و صغيرة بتحب تعمل مشكله .. كرمال الله بس ارحمني ..
عامر .. ماشي ميرا رح ارحمك و أبعد ازا هيك بدك
ميرا .. انا ما بدي هيك بس اسلوبك مستفز ... كل ما أقرب منك خطوة بترجعني عشرة ... انا خايفه من مزاجك هاد .. كثير فكرت اوافق عالخطبه بس تصرفاتك بتخليني أتردد و أتراجع
عامر ... اوووف .. ميرا انا بغار عليكي من الهوا الطاير ..انت مش مقدرة الحب اللي بحبك إياه نفسي ارجع على أمريكا و احنا مخطوبين ... بس انت بترددك رح ترجعيني مكسور الخاطر
ميرا ..(بتردد و خوف) خلص عامر احكي مع عمي لحتى يحكي مع جدو و تيتا
عامر .. بربك من قلبك موافقه (بفرحه و قلق)
ميرا .. أن شاء الله
عامر .. ميرا ما تخافي بوعدك ما تندمي .. و عمري ما اخلفت وعد وعدته
ميرا .. بتمنى .. وهلا تصبح على خير
عامر .. تصبحي على خير يا عمري
💖💖💖💖💖💖💖💖💖💜💖💖
يا ترى كيف رح تكون الحياة بين البطلين عامر و ميرا
اعتذر لأنه البارت قصير بس لسه تعبانه ان شاء الله بعوضهم بالبارتات القادمه
دمتم بأمان الله وحفظه
💖ROXAN💖
أنت تقرأ
طموحي
Humorقصة اجتماعيه ...عاطفيه تبحث في قضية فتاة عانت في حياتها الكثير ليصل طموحها فوق السحب ...تعاني الحب و بعد الحبيب ..لكن لم يكسرها هذا الحب زادها قوة وصلابه حتى باتت مكانتها مرموقة في المجتمع 🌹🌹🌹🌹
