طموحي

...الجزء الرابع

مساء السعادة متابعي الأعزاء اعتذر عن عدم النشر في الأيام الماضيه
سيكون النشر حسب الاستطاعه ممكن كل يوم بارت وممكن يوم بعد يوم
💖💖💖💖💖💖💖💖💖💖💖💖

وصلنا مطار دبي الدولي ...أول ما وقفت الطيارة في المطار نزلت دموعي ..لأول مرة بسافر بدون أهلي ... يا الله هالبلد اللي خلقت فيه يمكن آخر مرة بزوره ... خلص ما عاد إلى فيه حد ..
انتبه عمو أحمد علي و اتدايق ...

عمو أحمد ..عمي حبيبتي بكفي بكاء بكيتي كتير هلا صار الوقت تكوني قويه
ميرا ... أن شاء الله عمو ..بس هي أول مرة بوصل هون بدون أهلي
عمو .. بعرف يا روح عمك بس هاد نصيب و قدر من رب العالمين
أمشي حبيبتي خلينا نخلص اجراءات المغادرة ..و كوني قويه

خلصنا الإجراءات وكنت حابسه دموعي غصب عني لأنه عم بنمر بكل مكان عشت فيه مع أهلي ... وصلت بيتنا وقفت أتطلع عليه و فجأة ماحملوني رجلي قعدت عالارض أبكي عند بوابه الحديقه ..
قعد عمي حدي وضمني ..بدون ما يحكي شي .. يا الله شو دافي حضنه مثل حضن بابا الله يرحمه ..تمسكت فيه بقوة وضميته كمان ... حسيته كأنه مستني احكيله اني خلص خلصت دموعي ..

ميرا ... عمو كرمالك وكرمال بابا و ماما خلص ما عاد أبكي ... قوم عمو خلينا ناخد المفتاح من جيرانا بيت أبو قاسم
عمو .. أتطلع فيي عمو مبسوط و مصدوم من كلامي.. يا الله يا روحي قومي ..

تركنا شنطنا بالحديقه الداخليه ... بيتنا فيه حديقتين ..بيتي عبارة عن جنه كانت تهتم فيهم ماما .. و لما نسافر كانت تطلب من جنايني يجي يهتم فيه .
البيت طابقين .. الطابق الأول صاله كبيرة و مكتبه وغرفه جلوس و غرفة ضيوف و مطبخ كبير و حمامين
الطابق الثاني أربع غرف ماستر واحدة لماما و بابا و الثانيه الي والثالثه لاخواني الاولاد أحمد و أوس و الرابعه لاخواتي لورا و جود

مشيت مع عمو لبيت جيرانا أبو قاسم .. بيت أبو قاسم عراقيين ... ناس كتير طيبين قليل لاقي متلهم عندهم بنت من عمري اسمها فاطمه كانت صديقتي المفضله ..
رنيت جرسهم وطلعت خالتو أم قاسم
تفاجئت بشوفتي و معي رجال ما بتعرفه
أحمد ..السلام عليكم
أم قاسم ..و عليكم السلام
أحمد ...يا أختي انا أخو جاركم أبو أوس ا
أم قاسم ... حياك الله خويا
ميرا ... كيفك خالتو (سلمت عليها وضميتها)
أم قاسم ... فدوة يا عمري مشتاقتلك .. شلونج ميرا
ميرا .. بنشكر الله خالتو
أم قاسم ... تفضلوا أبو قاسم موجود داخل
دخلنا لبيت عمو أبو قاسم أول ما دخلنا شفت فاطمه و عمو أبو قاسم عمو سلم عليه ... وأنا ركضت عليها حضنتها و بكيت نسيت وعدي لعمو
فاطمه .. ميرا يا عمري ليش الدموع انا والله اشتقتلك كلش كلش .(.بابتسامه )

بس انا دموعي ما هديت بالعكس زادت

أم قاسم ..خير خاله ليش تبجي
ميرا ... أهلي تركوني و راحوا
أم قاسم ..(مش مستوعبه. كلام ميرا) اهدي يا عمري خل افتهم منك
أحمد ..(نزلت دموعه على الحزن اللي عايشه فيه بنت إخوه ) اخوي ابو اوس وعائلته توفوا بحادث وما ضل منهم غير ميرا
أبو قاسم.. يا الله ... لا إله إلا الله ... انا لله وانا اليه راجعون
أم قاسم ..(ضمت ميرا ) وصارت تبكي .. لا حول ولا قوة إلا بالله
عظم الله أجركم خالة
بقينا في بيت عمو أبو قاسم تقريبا نص ساعة و رجعنا للبيت
ميرا ... اسفه عمو و الله ما قدرت اكتم دمعتي
أحمد ... بسيطه يا عمي .. الوضع صعب بس رح نحاول مع بعض