الدنيا مليئة بالقصص ... كل يوم في حياتنا قصه جديدة لكن الاجمل ان نجعل نهايات أيامنا جميله.....
أتمنى لكم السعادة جميعا
💖💖💖💖💖💖💖💖💖💖💖💖💖💖
طلعنا للمطار بسيارة عمو مصطفى و سيارة مجد انا طلعت مع مجد وحنان و سارة و مرت عمو .. بالسيارة الثانيه مع عمو مصطفى .عمو أحمد و سامر و عامر و تيتا أم أحمد ...
طول الطريق انا و البنات نغني .. الحمد لله المعقد مو معنا هههههههه .. بس كل ما نوقف على إشارة يرن علينا يسكتنا بس و الله ما نسكت .. هالانسان بفترة هالاسبوعين اللي شفته فيها صنع مني انسانه عنيده متنمرة هاد الشئ ما كنت أعرفه بشخصيتي .. اكتشفته من استفزازات عامر المعقد ...
و دعنا عمو و مجد و طارت طيارتنا ..ّ يا الله أربع سنين إلى ما أجيت على دبي ... وصلنا بس دموعي ما وقفت لأنه ذكرياتي مع أهلي عم ترجعلي ... حسيت عيون عامر علي بس حاولت اتجاهله ... بس هو جرئ كتير ...
عامر ... امسحي دموعك ميرا و ادعيلهم بالرحمه
ميرا .. الله يرحمهم ويغفر لهم ويجعل مأواهم الجنه
حاولت اتماسك ما بدي عامر يشوف ضعفي وما بدي أضل معه لحالي
ميرا .. خلينا نروح سبقونا أهلك
عامر .. بس بدون دموع
ميرا .. أن شاء الله
عامر .. (هي البنت رح تجلطني حتى وهي عم تبكي فيها جاذبيه ... ميرا جمالها تركي لأنه جدها أبو أم أمها تركي .. و جدها أبو امها سوري .. فآخده جمالهم و صلابة ابوها
.. احترت فيها ليش بتبعدني عنها ... معقول في حد تاني و ما بدها اياني بحياتها .. بدي أحاول اعرف بها المشوار ..
لما عرض على ابوي اروح معهم انا و سامر قلنا هي فرصه اتعرف على حياة ميرا لأنه اجازتنا 3شهور كنا نجمعها و ما نأخذ اجازات علشان تكون نزلتنا للأردن محرزة . .
تحركت فينا سيارات الأجرة على منطقه فلل في دبي .. منطقه خرافيه .. وصلنا بيت عمي أبو أوس الله يرحمه... مرة تانيه نزلت دموع ميرا بس ما حبيت اتدخل شفتها بتمسح دموعها وبتحكي مع ابوي
ميرا .. عمو ليش اجينا هون .. مو البيت مأجر
عمو أحمد ... لا يا عمي البيت من شهرين بدون مستأجرين و أجوا ناس لبيت أبو قاسم يستأجروه و خبرتهم أنه طالعين للإمارات بنستعمله و لما نرجع عالاردن يأجروه .. و الله علشانك عملت هيك يا روح عمك
ميرا ... حبيبي يا عمو ربي مايحرمني منك
عمو .. بسرعه يا عمو روحي جيبي المفتاح من بيت أبو قاسم
ميرا ... حاضر عمو.. (yes) حركت ايدي بحماس
عامر ... انتبهت على فرحه ميرا .. معقول ابن هدول الناس حبيبها
سامر ... استني ميرا خلي عامر يمشي معك
عامر ...اتطلعت بسامر و غمزلي)
ميرا .. ها .. هي البيت مو بعيد
عامر ... معلش امشي
ميرا .. مثل ما بدك امشي
..دقيت بيت عمو أبو قاسم و طلعتلي فطووم ميرا ... مرحبااااا (بحماس)
فطوم ...هلا و الله هلا يا عمري (ضمتني بحرارة )
ميرا .. شلونج فطوم .. مشتاقتلج كلش (هههههه)
فطوم .. فدوة يا الله اشكد حلو الحجي منج .. انا بخير الحمد لله ومشتاقتلج مووووت
ميرا ... سلامه قلبك يا عمري. ..المهم هلا جايه اخد المفتاح بنرتب اغراضنا و برجعلك ..
فطوم .. حاضر يا حبي شوي اجيبلك المفتاح
أنت تقرأ
طموحي
Humorقصة اجتماعيه ...عاطفيه تبحث في قضية فتاة عانت في حياتها الكثير ليصل طموحها فوق السحب ...تعاني الحب و بعد الحبيب ..لكن لم يكسرها هذا الحب زادها قوة وصلابه حتى باتت مكانتها مرموقة في المجتمع 🌹🌹🌹🌹
