طموحي

الجزء التاسع

أنا عامر عمري 27سنه من عشر سنين طلعت لي منحه أدرس طب في أمريكا لأني كنت كثير متفوق انا و اخوي التوأم سامر ..احنا توأم متطابق عيون عسليه وطوال وبنلعب أثقال ... بس سامر مرح و روحه حلوة أكثر مني ..أنا إنسان متزمت جدي ما بحب الحكي الفاضي ... عرفنا أنه النتائج قربت وكانت اختي حنان تترجانا نكون معها لما تطلع النتائج ما حبينا نكسر خاطرها خصوصا سامر عدا عن أنه كثير كنا مشتاقين لأهلي أربع سنين ما نزلنا للأردن ... لأنه كنا بنحاول نعمل مستقبل ... بهاد الشئ تفكيرنا انا و سامر واحد ...

وصلنا يوم النتائج بالليل ما كنا نعرف أنه أهلي في بيت تيتا ... وصلنا ما في حد بالبيت ..من حظنا أنه في مفتاح معنا ... دخلنا انا و سامر للبيت .. عملنا قهوة و قعدنا نستنا أهلي ..طبعا ما بعرف شو نتيجه حنان و طلعت ولا لا ... البيت مو مبين فيه أنه فيه نتائج ههههههه ما في حلويات ولا عصائر ....
الساعه واحدة وصلوا أهلي ... تفاجئوا بوجودنا ماما ضمتنا و صارت تبكي ... ما بنكر أنه تأخرنا عليهم بالنزول بس هيك الأمور صارت .... ما كنا نقطع اتصالاتنا فيهم كنا نتحاكى تقريبا كل يوم أو يوم بعد يوم ...
عرفت أنه اختي حنان نجحت بمعدل عالي ..كثير انبسطت فيها حضنتها وباركتلها و سامر نفس الشي ..وهي كتير انبسطت بوجودنا معها بيوم نجاحها
سألت أهلي أنه وين كانوا طالعين
أحمد ... كنا عند ستك لأنه بنت عمك ميرا نجحت
سامر ... ما شاء الله .. كم معدلها
أم مجد ... والله يا ماما ما شاء الله الله يحرسها جابت اولى المملكه 99.8
عامر .. ما شاء الله الف مبروك
أحمد ..الله يبارك فيك بابا
سامر ... هههههههه يعني طلع حد اشطر منا بالعائله
أحمد... و الله يا بابا بنت عمك طموحه و اذا حطت اشي برأسها بتعمله وكمان ضايل جزئين من القرآن و بتختم حفظه
عامر .. ما شاء الله عليها .. الله يحميها
مجد .. ما شاء الله ميرا جامعه كل شي أدب وجمال وعلم و دين

طريقه مدح مجد بميرا حسستني أنه معجب فيها الله يوفقه ... مجد أكبر مني بسنتين
تاني يوم اخدنا بابا نتغدى عند تيتا ... طبعا بأمريكا كنا بنفس الولايه مع إخوان تيتا ... و تقريبا تيتا قبل ما ترجع للأردن كانت تراعي أمورنا هناك .....كثير كنت مشتاقلها ... المهم بابا قال لازم كل واحد فيكم ياخد هديه مرتبه لبنت عمه ... هي يتيمه و لازم تحس انه الكل بيحبها بالعائله
رحت انا و امي و سامر لمحل ذهب اخذتلها خاتم حلو لازوردي و سامر اخذلها حلق لازوردي كمان ... أمي قالت أنه هيه بتستاهل أكثر من هيك ...
بعدها رحنا لبيت تيتا أول ما دخلنا شفتها سبحان اللي صورها شو جمال عليها سلمت بالأول على تيتا و بعدها رحت انا و سامر نسلم عليها ما عرفتنا بس لاحظت السلام بينها و بين مجد فيه محبه .. بصراحه الغيرة بلشت بقلبي و انا مو من الناس اللي بغار ...بعدها سامر عرفها على نفسه و أعطاها الهديه و بعدين انا نفس الشي .. جذبني ادبها بالكلام ... خلال قعدتنا معها و مع تيتا ... بسرعه سامر صار ياخد و يعطي معها بالكلام كأنهم عايشين مع بعض ... تعبت و كنت بدي ارجع عالبيت ارتاح بس تيتا أصرت إلا أنام عندها ... و طلبت من ميرا توديني للغرفه اللي رح أنام فيها ... بس ميرا طلبت من حنان تيجي معنا عرفتها خجلانه ... دخلتني الغرفه و حطتلي اغطيه عالسرير و راحت مع حنان ... صرت احكي مع حالي أهدأ عامر شو بتعمل .. يمكن مجد بيحبها .. حطيت حالي نمت ساعه و انا بحاول ما أفكر فيها ... نزلت سمعت صوت بالحديقه مشيت لمصدر الصوت و سمعت ميرا و مجد انقهرت لأنه تأكد كلامي لما سمعت مجد بيقوللها أنه نيته شريفه ... قررت أتأكد أكثر و سألتهم مين بده يتزوج مين ... سكتني مجد و قال لا تفضحنا اسكت ....انحرق قلبي ... سألته انت و ميرا ... جاوبني أنه ميرا مو خرج زواج وأنه ميرا بدها تكمل تعليمها و أنه بيحب صاحبتها... هون حسيت مي باردة نزلت عالنار اللي بقلبي ... تمنيتله الخير ... و دخلت كملت السهرة مع الجميع و انا كل فتره والثانيه أتطلع على ميرا ... البنت ملفته بشكل كبير ... معقول ما صاحبت حد خلال السنوات الماضية .... معقول ما حد دخل قلبها .... نفسي اعرف ...
حطيت في بالي أنه هي البنت إلى و مو لغيري... شفت كثير و قليل بأمريكا بس مثل ميرا ما شفت بنت كامله مكملة والكمال لله وحده ...
تاني يوم عندها لقاء بالتلفزيون مباشرة اتطوعت اروح معها ...
مجد .. بتعرف تندل الطرق
عامر ... الجوجل ما ترك مكان ما نندل عليه ..
مجد ... هههههههههه معك حق
ميرا ... طيب الساعه 8 ونص بستناك و بطريقنا بناخد صاحبتي فداء .. يمكن توقع فيها ههههههه
مجد ... ميرا اهدي و بلاش حكي زايد رح تفضحينا
ميرا ... ما حكيت شي ههههههه
طبعا كنت واقف انا و إياها و مجد ...و سمعت كلامها و طنشت .. و انبسطت أنه مجد سكتها ... انا بدي إياها و ما بدي غيرها
روحنا عالبيت و كل تفكيري معها ... للفجر لحتى غفيت و انا بفكر فيها بعد ما صليت الفجر نمت و صحتني أمي الساعه سبعه لحتى الحق اروح لميرا هههههههه نيالك يا سامر رح تنام للظهر ..
سامر .. سمعتك ...مين قالك نايم هههههه
عامر .. شو صحاك بكير
سامر .. هههههههه مش مكسور على نوم لأني بالطيارة كله نايم مش مثل بعض الناس قضوها قراءة
عامر ... و الله معك حق ..يا الله بس ارجع بنام وبعوض شوي
سامر ... بتحب تنام و اروح انا اوصلها 😉
عامر ... لا مو مشكله انا بوصلها
سامر ... عامر انت مكشوف ههههههههه
عامر ... ما فهمت
سامر ... خلص مش مهم بعدين بتفهم هههههه
عامر. ..طيب اوك سلام