طموحي

الجزء الرابع عشر

رجعنا من الجوله بشاطئ دبي عالبيت و انا ساكته و سرحانه بكلام عامر .. بس و احنا بالسيارة فاجئني عامر بكلامه لاخواته
عامر .. سارة و حنان أقسم بالله لو واحدة فيكم فتحت موضوعي و موضوع ميرا مرة ثانيه ما تلوم إلا نفسها .. و كل شي نصيب
ميرا .. معلش عامر اللوم مو عليهم عليك انت .. فلا تلوم حد من اهلك .. و انا بقولك هلا أنهى الكلام بها الموضوع . اسفه حنان و سارة انا ما كان بدي توصل الشغله هيك..
حنان .. و لا يهمك يا عمري .. المهم انت ما تدايقي .. انا ما زعلت منك لأني تخيلت اني لو محلك رح يكون نفس ردك (جحرني عامر بعيونه)
💝💝💝💝💝💝💝💝💝💝💝💝
دخلت البيت و سمعت صوت عامر و سامر طالع .. قلت بحلوها بينهم .. دخلت غرفتي اخدت شاور و لبست بيجامتي و تمددت على سريري افكر بكلام عامر و اللي صار..
قررت ما يشغلني شي عن اني أختم اليوم حفظ القرآن ..جزء عم كثير سهل و ما باقيلي فيه شي لعل ربي يلهمني للحل الصحيح .. صليت المغرب و قعدت احفظ .. صار موعد العشا و ما نزلت .. أصلا نفسي مسدودة بس بدي أكمل حفظ .. إجت سارة نادتني بس خبرتها اني مو جوعانه .. صليت العشا و نزلت عيب من بيت عمي أضل حابسه حالي بالغرفه .. نزلت كانوا عم يشربوا نسكافيه ما كان في مجال اقعد بالصاله إلا جنب سامر أو جنب عامر .. سارة قاعده جنب عمي
ميرا .. مسا الخير
الجميع .. مسا الخيرات
ميرا .. سارة يا عمري اقعدي جنب سامر بدي اقعد جنب عمي
(غمزتني) وقامت قعدت جنب عامر ..هالبنت ما بتهدأ ابدا
عمو ... كيفك عمو
ميرا .. الحمد لله كثير مبسوطه
عمو .. الحمد لله بس لو بعرف أنه سفرنا لدبي رح يبسطك زمان كنت جبتك
ميرا .. لا و الله عمو مو بس هيك .. بدي تباركلي
الكل تطلعوا مصدومين على شو المباركه .. عامر كانت عيونه كلها ترقب
مرت عمو ... على شو حبيبتي بشرينا
ميرا.. هههههههههه ماشي و انا اكيده كلكم رح تنبسطوا لي .. اليوم بفضل الله كملت حفظ القرآن
عمو .. الله يرضى عليكي و يبارك فيكي... و الله يا عمو هاد احلى خبر حتى احلى من خبر نجاحك .. ربي يثبتك و يفتحها عليكي
مرت عمو .. ألف مبروك يا عمري .. ما شاء الله عليكي و الله انك مفخرة النا
باركولي الجميع و هم مبسوطين و عامر عيونه بتلمع بفرحه هيك حسيت لأول مرة بحس انه بهمني رأي عامر بس ما قال غير مبروك
عامر ... لما قالت ميرا لبابا أنه يباركلها تجمدت ما عرفت على شو .. بس لما شفت ميرا عيونها علي و هي عم تعطي الخبر لبابا حسيتها بتقولي انا جايه ابشرك .. انبسطت بس ما قدرت احكي قدامهم غير كلمه مبروك ميرا .. هالبنت مو من قليل سلبتني سبحان اللي صورها جمال و كمال و الكمال لله وحده ...
مرت عمو .. يا عمري انت بحكم انك حابه تشوفي صاحباتك بدبي انا بدي اعملك بعد بكره حفله صغيرة بها المناسبه الحلوة و اعزميهم
ميرا .. أن شاء الله .. ربي ما يحرمني منك ماما (بكيت .. حسيت حالي بحاجه حد احكيله ماما .. انا متاكده ماما كانت رح تعمل نفس ما عم تعمل مرت عمو معي ) ما تدايقي مني بس والله حنيتك علي مثل حنيه ماما الله يرحمها )
مرت عمو .. قعدت جنبي (و الله يا عمري انت و هالخمسه واحد و ازا بتحبي تحكيلي ماما ياريت .. و الله من يوم توفوا اهلك و انا بقول عندي سته مو خمسه وهي عمك شاهد
ميرا ..ضميت مرت عمو بقوه وانا عم أبكي .وقلت لها .. الله لا يحرمني منك يا غاليه