طموحي

الجزء الثاني عشر

يسعد مساكم جميعا ... بتمنى القصه تنال اعجابكم ...شكرا لأروع سيدتان ساهمتا في نشر قصتي على الفيس بوك💖 alrapia ward 💖 و ام حيدر 💖لكما خالص محبتي و شكري
💓💓💓💓💓💓💓💓💓💓💓💓💓💓

رجعت من عند فطوم بعد ساعتين كانوا بنات عمي لسه دوبهم صاحيين.. و قاعدين بيشربوا شاي مع عمو و مرته ..ما شفت عامر و سامر ... الساعه هلا 3:00
مسا الخير :مسا الخيرات
مرت عمو ... هلا مسا الورد يا عمري ... جيبي كاسه شاي و تعالي اقعدي معنا ...
ميرا ... لا ما بدي هلا شربت عند فطوم بس بدي اقعد معكم .. كان فكري كله بكلام فطوم طول القعدة .. لكن قررت عالاقل انبسط بها اللمه الحلوة ...تناسيت كلام فطوم مؤقتا ..
عمو .. كيف بيت أبو قاسم
ميرا .. الحمد لله منيحين .. الصراحه ما شفت غير فطوم لأنه الباقيين بدوامهم ..
شو وين الشباب
سارة ... سامر و عامر راحوا يجيبولنا غداء
ميرا ... ولو اني تغديت مع فطوم بس رح أكل معكم هههههه
حنان ... عادي ما رح تسمني شو ما بتاكلي هههههههههه
ميرا ... عن ازنكم اروح ابدل تيابي
عمو .. خدي راحتك عمو
💖💖💖💖
طلعت على غرفتي و كلام فطوم برن برأسي،أنه أعطى فرصه لعامر ... عامر شخصيه و حلو و اخلاق ما بينقصه شي بس لو أنه مرح مثل سامر ...

هاد الشخص بيشبه عامر ..و سامر .. 👇

بدلت و لبست بدله رياضه و لبست حجاب على رأسي لأنه ما بحب اكشف شعري قدام أولاد عمي
نزلت بعد ما خلص قررت اعامل عامر منيح .. و اجرب أعطيه فرصه
و انا عم انزل الدرج سمعت أصوات البنات بغرفه السفرة .. اكيد وصل الأكل .. تنهدت وكملت طريقي للمطبخ .. لقيت مرت عمو عم تفرد الأكل بالصحون ...
ميرا .. مرت عمو بشو اساعدك
مرت عمو .. يرضى عليكي انقلي الأكل مع البنات
ميرا .. حاااضر
عامر و سامر جابولنا أرز برياني و دجاج محمر و سلطه و لبن و صوص. و أنا عم انقل الصحون شافني عامر
عامر .. شو متى رجعتي ميرا
ميرا .. إلى ساعه بالبيت
عامر .. انبسطتي مع صاحبتك
ميرا ... كثير (ما حبيت أعطيه مجال يستفزني)كانت لحالها في البيت لهيك اخدنا راحتنا
عامر... اها منيح المهم تكوني مرتاحه
ميرا .. شكرا

عامر ..استغربت أسلوب ميرا صار لين معي ..الله يهديها و ماتعصبني لأنه و الله حبيتها و روحي تعلقت فيها .
تغدينا و قعدنا نمزح و نضحك و أعطيت فرصه لعامر ... تناسيت استفزازه و تعاملت معه بأريحيه..
المسا اجوا بيت عمو أبو قاسم و سهرنا مع بعض و تعرفوا سامر و عامر و قاسم على بعض ... عامر كان يزورني (ينظرلي بغيظ) لما قاسم يوجه الحكي إلى فكنت أتجاهل قاسم شوي .. و لو أنا و إياه ربينا مثل الأخوة ..
عمو و أبو قاسم تحاسبوا على أجار البيت اللي كان يحصله عمو أبو قاسم .أنا و البنات والشباب قاعدين بنحكي سوا ... القعده كانت كثير لطيفه بس لو عامر ما كان عامل نفسه مثل السجان على كل حركه بعملها .. استأذنت و طلعت مع فطوم على غرفتي .. شفتها مبسوطه
ميرا ... شوفي ..

ليه مبسوطه
فطوم .. اروحله سبع فدوات شكد يجنن
ميرا .... مين
فطوم ... سامر .. اويلي يجنن .. يا بعد كلبي
ميرا ... هههههههه شو لحقتي تحبيه
فطوم .. روحه تجنن .. كلامه يجنن ... ميرا حبي انت شوفيلي اياه ... ترى كلبي وقف عليه
ميرا ... حاضر بجس نبضه و بشوفه لو ما في حد بحياته و بروح الغوالي ما يكون الا الك
شو رايك بعامر ..
فطوم .. صح سامر روحه احلى بس ترى عامر هم يدخل الكلبج .. ركازته تخليه رجل بمعنى الكلمه ... بس حسيته يغار من قاسم
ميرا ... ههههههههههه و انا حسيت نفس الإحساس
بقيت انا و فطوم نحكي نص ساعه بعدين رجعنا عند بنات عمي اللي تولوا الضيافه .. صرنا نساعدهم و نضحك معهم صارت الساعه عشرة يا الله روحوا بيت عمو أبو قاسم ...
عمو و مرته راحوا يناموا .. و حنان و سارة كمان .. كنت قاعده مع سامر و عامر ... فجأة قام سامر و قال انا رايح انام .. شو سهرانين
عامر .. بس يخلص الفيلم ... كنا عم نحضر المهمه المستحيله ل توم كروز ...
سامر ..تصبحوا على خير
عامر و ميرا .. و انت من أهل الخير (حسيت تصرف سامر مقصود .. لأنه هالشي مرفوض بعاداتنا)
ميرا .. و انا كمان بدي اروح انام تصبحوا على خير
عامر .. ميرا ممكن كاسه شاي قبل ما تنامي
ميرا .. و لا يهمك .. دقيقتين و بتكون عندك