طموحي

الجزء العشرين من طموحي

بعد ما وصلت لأمريكا رفضت ارتاح أنا قلبي ناطف عم يخفق بسرعه بدي اشوف عامر .. طلبت من سامر يا خدني عند عامر ... طول الوقت سامر خايف من ردة فعل عمي .. و فعلا أول ما وصلنا كان عمي عند باب غرفه حبيبي عامر قاعد عم يقرأ قرآن .. أول ما شافني تفاجئ و صار يصيح على سامر ..ليش يبعتلي فيزا .. خبرت عمو أنه سامر ما إله علاقه و أني عملتها بدون علمه.. و أنه انا اخدت موافقه جدو ... تنهد عمو و قالي الله يصبرنا و يصبرك يا بنتي
ميرا .. عمو عامر بخير صحيح
عمو .. الله كريم يا بنتي
ميرا .. عمو ممكن ادخل اشوفه
عمو .. اكيد يا روحي هي امه كمان عنده

دخلت غرفه عامر و بدعي يا رب تشفيه .. أول ما دخلت مرت عمو كانت ماسكه ايده و راسها على السرير .. يا الله يا ماما التعب مبين عليكي
ميرا .. السلام عليكم
مرت عمو ..مصدومه لما شافتني واقفه قدامها .. وقفت و إجت بسرعه حضنتني .. يا غاليه يا مرت الغالي
ميرا .. كيفك ماما .. اشتقتلك
مرت عمو .. يا عمري أنا اشوف عامر بخير بكون بخير
ميرا ... (و عيني من أول ما دخلت على حبيبي اللي موصل كل جسمه بالأجهزة .. نزلت دموعي ) ماما أن شاء الله عامر رح يصير أحسن و يرجعلنا (كنت ماسكه بكتف ماما و أنا عم احكي ..تركتها و مشيت لعند حبيبي زوجي و كل شي حلو بحياتي )
ميرا .. عامر حبيبي أنا هون أنا حدك يا عمري .. فتح عيونك بعرف انك بتسمعني .. بعرف انك اشتقتلي مثل ما اشتقتلك .. حبيبي بترجاك سمعني صوتك .. (نزلت دموعي و أنا عم أبكي بس ما تحرك ما نطق .. انا متأكده أنه بيسمعني .. ااااااه من الألم اللي جواتي .. و الله قلبي بيتقطع مثل كأنه في سكاكين بتدبحني و بتسلب مني روحي )
دخل عمو للغرفه ..وقالي .. ميرا يا عمو روحي ارتاحي انت و ام مجد و تعالوا بكرة
ميرا .. ميرا خليني معه عمو
عمو .. لا يا روحي سامر رح يوصلكم ارتاحوا اليوم و تعالوا بكرة استلموا عنا و احنا بنروح نرتاح
ميرا .. حاضر عمو بس خليني كمان شوي معه .. و الله بس ربي بيعرف بالنار اللي جواتي ..
بقيت نص ساعه عند عامر و طلعت أنا و مرت عمو مع سامر وصلنا و نزل اغراضي ورجع عالمستشفى لأنه عنده مناوبه ليليه .. كانت الشقه عبارة عن صاله كبيرة بالطابق الأول ومطبخ مفتوح عليها و حمام ..و طابق تاني 3 غرف نوم .. بسيطه بالنسبه لتنين عزابيه .. مرت عمو دلتني على غرفه عامر لحتى احط فيها اغراضي .. و ارتاح فيها
مرت عمو .. ماما حبيبتي ارتاحي بغرفه عامر و إن شاء الله يصحى صدقيني ما استنى يوم واحد بعد ما يطلع من المستشفى إلا يكون عرسكم
ميرا .. أن شاء الله ماما هو يصحى و كل شي بدك إياه رح يصير .. ماما تأكدي احساسي ما بيخيب و عامر أن شاء الله بسرعه رح يصحى بكفيه أربع شهور على هالحال
مرت عمو .. أن شاء الله يا عمري انت .. ادخلي هلا رتبي اغراضك خزانه عامر كبيرة 6 ابواب ... شوفي باب منها ورتبي اشيائك فيها ميرا .. أن شاء الله ماما .. ماما أنا جبت بيجامات لعامر و دشاديش و قمصان و بنطلونات .. رح اخلي البيجامات بشنطه صغيرة ناخدله إياهم .. الأفضل نغير له ملابس المستشفى .. هاد بيعطي الجسم انتعاش حتى لو بغيبوبه
مرت عمو .. يرضى عليكي بس الأطباء رافضين علشان الأجهزة اللي عليه ..
ميرا .. الدشاديش ما بتعطل الاجهزة فتحتهم من قدام كبيرة ..
مرت عمو ... خلص مثل ما بدك .. وهلا خلينا نرتاح علشان الصبح بكير نطلع على المستشفى
....🌸🌸🌸🌸🌸🌸🌸🌸🌸🌸🌸🌸🌸
دخلت غرفة عامر لونها جوزيه بتجنن و برادي أوف وايت على الشبابيك .. و سرير مزدوج .. الغرفه الواضح أنها جديدة ...فتحت أول خزانه كلها ملابس مطبقه مرتبه بطريقه المحلات .. يمكن ماما رتبتها .. فتحت الثانيه فاضيه ما فيها شي .. أما التالته كلها لتعليق الثياب .بس تقريبا أكثر من نصها ثياب عامر . طبعا كل بابين مفتوحين على بعض .. علقت الأشياء اللي بدها تعليق بخزانه عامر .. و طبقت الثياب و حطيتهم بالخزانه اللي بالوسط .. انا عم أرتب اشيائي شي عالكومودينا اللي جنب السرير و بالدروج الفاضيه فيها .. و كريماتي و عطوراتي عالبيرو اللي قدام المرآة بالغرفه .. هلا حسيت إحساس بأني مرت عامر اللي رح تشاركه بغرفته بس وين هو لحتى يشاركني فيها .. يارب اشفيه .. تذكرت اني ما صليت العشا دخلت للحمام الملحق بالغرفه توضأت و طلعت لبست طقمي الصلاة .. كانت في سجادة بالغرفه على السرير ...
الواضح مرت عمو اهتمت بكل التفاصيل بالغرفه و هي عم بترتب .. صليت العشا و قعدت ادعي لربي و أنا ساجدة بصدق و دموعي على خدي مثل الشلال .. بصراحه المنظر اللي شفت فيه عامر زاد من قلقي عليه ما قلله ....يمكن بقيت عالسجادة أكثر من ساعتين ادعى و استغفر و اسبح .. الساعه كانت 9 لما قمت عن سجادة الصلاة .. بطني صار يوجعني من الجوع قلت انزل أحاول أحضر شي الي و لماما لأنه هي حنونه علي مثل ماما ..
نزلت و أنا رافعه شعري مثل ذيل الحصان .. كنت مطمئنه أنه سامر بدوامه .. بس زيادة بالاطمئنان قفلت الباب من جوا دخلت المطبخ و فتحت الثلاجه كانت مليانه اكل بس يظهر أنهم بياكلوا بالمستشفى لأنه كله شبه غير مستعمل ...طلعت علبه لبنه و جبنه و لانشون و قليت بيض و قطعت بندورة و خيار مع شرحات ليمون .. يعني عشا سريع لأنه ما فيي اعمل أكثر من هيك و عملت إبريق شاي صغير .. رتبت السفرة و طلعت أنادي ماما بس ما عرفت بأي غرفه من التنين .. دقيت على أول باب و الحمد لله طلعت غرفة ماما ..
ماما .. ميرا .. ادخلي ماما أنا ما نمت
ميرا .. مسا الخير ماما
ماما .. يسعد مساكي ربي (كانت قاعده على السرير و راكزة راسها على راسيته.
ميرا .. شو ماما شكلك ما نمتي
ماما .. كيف بده يجيني نوم و عامر هيك حالته و بعدين قرأت قرآن على نية شفاؤه و ربي ما يخيب أملنا
ميرا .. اللهم امين يارب .. بس خلي ثقتك بالله اقوى من هيك ماما ..
ماما .. و النعم بالله
ميرا .. قومي ماما أنا حضرت عشا خفيف علشان نتعشى سوا
ماما .. كلي انت يا عمري أنا مش جوعانه
ميرا .. ماما ازا انت ما اكلتي أنا ما رح آكل شي .. انا بدي انت تعطيني القوة .. بترجاكي
ماما .. حاضر مشانك بس ميرا
نزلت أنا و ماما تعشينا و قعدنا ساعه بعدها نحكي عن عامر و تقريبا الساعه 11رحنا نمنا .. يا الله نمت بسرعه طبعا بعد ما اخدت ادويتي اللي إلى يومين ما عم باخدها ...
💜💜💜💜💜💜💜💜💜💜💜💜💜💜
رن المنبه لصلاة الفجر بعد ما عملتله ضبط على توقيت أميريكا .. صليت قرأت قرآن و دعيت الساعه سته نمت ساعتين الساعه ثمانيه .. قمت بسرعه غسلت و لبست بنطلون كتان عريض سماوي و قميص ابيض و لفيت شال سماوي .. نزلت لقيت مرت عمو محضرة فطور
ميرا .. صباح الخير ماما
ماما .. يسعد صباحك يا عمري .. تعالي افطري لحتى أجهز حالي ..
ميرا .. و انت ما بدك تفطري
ماما .. ما تخافي أفطرت مع سامر .. و هي دخل ياخد دوش علشان يا خدنا
ميرا .. اوك ماما هلا بفطر
ماما .. الله يرضى عليكي و يوفقك

عملت ساندويتش زيت و زعتر مع كاسه شاي و أفطرت .. نزل سامر و سلم علي و استعجلني لأنه بده يروح عمو يرتاح
ميرا .. انا جاهزة و ماما هلا بتنزل
سامر .. عجبتك غرفتكم انت و عامر
ميرا .. ما فهمت
سامر .. هي الغرفه اشتراها قبل ست أشهر علشان لما تصيري تيجي زيارات يكون كل شي منظم .. عامر إنسان جدا مرتب و ما بحب الفوضويه دائما يخانقني خزانتي .دائما مو مرتبه. بصير اقول له ازا مش عاجبك يا بترتبها أو بتبطل حكى .. لأنه ما بعرف أرتب متلك .. كنت أنا اغسل الثياب و هو يكوي و يرتب ..
اصلا انا بعرف حبيبي منظم بس مو لها الدرجه.
ميرا .. ربي يحميه و يشفيه
🌸🌸🌸🌸🌸🌸🌸🌸🌸🌸🌸🌸🌸🌸
ركبنا مع سامر بس انا حاسه بخفقات قلبي رجعت تتسارع رغم اخدت العلاج المنظم للقلب .. ما رح اقلق حدا فيي علاجاتي معي و ازا تعبت أكثر بكون بالمستشفى بشوف دكتور ..
سامر .. ميرا تعبانه
ميرا .. لا ابدا ..
سامر .. جدي و ستي وصوني عليكي و شرحولي حالتك .. اخدتي دواكي
ميرا .. ما تخاف اخدته كله
🌸🌸🌸🌸🌸🌸🌸🌸
انتبهت على ميرا بتحاول تهدي حالها و ايدها على صدرها .. لازم اعرضها على دكتور بحسب أوامر جدي .. ميرا انسانه حساسه بس بتكابر .. ما بنكر أنه حاله عامر بلشت تتحسن بس ما بدي تضل قدامه و تقهر حالها نكون بواحد نصير بتنين ..
وصيت ماما عليها بعد ما نزلتهم على المستشفى و اجا بابا روحنا نرتاح .. يمكن حضور ميرا رح يريحنا شوي بهيك ناس بتضل عنده و ناس بترجع عالبيت ترتاح
🌸🌸🌸🌸🌸🌸🌸🌸🌸🌸🌸🌸🌸
دخلت الغرفه عند عامر .. قلبي بيتقطع كل ما اشوفه لا حول له ولا قوة .. وين عامر اللي كان يمشيني على كيفه .. اااااااه يا وجع قلبي عليك .. أنا و ماما غسلنا لعامر و هو نايم .. حلقتله ذقنه لأنه صار طويل ..و تساعدت مع مرت عمي نلبسه الدشداشه بدون ما نأثر على الأجهزة الموصوله بجسمه و اللي كان يدايقنا كنت ابعده عنه و بعدين ارجعه بحكم دراستي تعلمتهم .. 🌸🌸🌸🌸🌸🌸
مرت الايام و صار لي بناوب بالمستشفى على رعايه عمورتي مع عمو و ماما و سامر 22يوم
أوقات بيصير يحرك البؤبؤ و أوقات بحرك أصابعه بس لهلا ما صحي .. بس الشئ المطمأن حركات عيونه و أصابعه ..
💜💜💜💜💜💜💜💜💜💜💜💜💜
يا ترى شو المدة اللي رح يضل فيها عامر بغيبوبه هاد اللي رح نعرفه بالبارت القادم .. وما تنسوا رأيكم الصريح و نقدكم البناء يدعم قصتي .. دمتم بأمان الله و حفظه
🌸ROXAN🌸