مساء الخيرات أحبتي ان اعجبتكم قصتي ارجو منكم عمل مشاركه لحسابي مع صديقاتكم ..حتى يكون عندي حافز اكتب
💟💟💟💟💟💟💟💟💟💟💟💟💟
يا الله شو حزنت على تيتا أم مصطفى .. بس الغلط على مين جدو .. تيتا أم أحمد .. في الظلم اللي تعرضت له تيتا أم مصطفى ... ما علينا هههههههه المهم هلا تيتا بتحبني كتير .. بقيت عندها أسبوع تدللت دلال حتى عند أهلي ما تدللته .. حتى عمتي كانت تاخدني كل يوم على مكان شي شوبنج (تسوق) و شي متنزهات ومطاعم ما خلينا شي بنفسنا ...
رجعت لبيت تيتا أم أحمد ... توقعت متدايقه مني بس اللي شفته العكس قعدت معها و شرحتلها كلام تيتا أم مصطفى
تيتا أم أحمد ... الله يسامحه جدك هو اللي ظلمني و ظلمها ... جدك كان بيحبني حب ما شفت إنسان حب حد تاني قده .. خلاني اتعلق فيه و كان شرطي ستك أم مصطفى توافق .. و جدك خبرني بموافقتها و استعجل بالزواج حتى ما تبطل بعدين اكتشفت أنه خبرها بدون ما ياخد موافقتها .. واللي صار بعدين بتعرفيه...
هي قصه الضرتين نسوان جدو ههههههه وهلا رح تكمل قصتي
رجعت المدارس ووزعوا علينا ورقه التصنيف .. انا سجلت علمي وصاحباتي كمان علمي .. يعني رح نبقى مع بعض ... طبعا حياتي خلال هالفترة ما خليت من المعاكسات و خصوصا من شاب صغير بحارتي ابن جيرانا .. انا ما كنت طيقه .. رغم هو شبوبيه و حلو اسمه انور بس دمه تقيل ... كان كتير يعرض خدماته و ما كنت اعطيه عين ... انا هلا كل هدفي الدراسه و بس ...
خلصت سنه ومرت سنه ثانيه وأنا بحالي صحبتي مع أولاد عمامي وبنات عمامي اللي بالبلد قويه ... عمو أحمد عنده سامر و عامر عم يدرسوا طب بامريكا وعمو مصطفى ابنه هاشم بألمانيا مهندس ...
إيرادات البيت اللي بدبي عم تتحول لحسابي أول بأول عن طريق عمي ... عمري هلا صار 17 سنه و نص مدلله العائله ... خالو زياد كان يجي كل فترة يزورني ... و ما كان يقبل يزعلني ... بلشوا الخطاب يتقدمولي... و انا عم أرفض ... السنه توجيهي مرحله مصيريه ... تيتا يسعد قلبها ما كانت تقصر معي مريحتني عالاخر مفرغتني لدراستي وعمو أحمد جابلها شغاله اسمها جينا .. شغاله باكستانيه مسلمه ... حبيتها كتير .. كانت تسهر معي و ماتخلي شي ماتجيبلي إياه مي عصير شاي قهوة نسكافيه شوكولاته سناكات مشكله ....
بكرة أول يوم امتحان انجليزي عندي توتر مو خوف ارسب لا خوف ما كون الأولى ... لأنه لسه التحدي بيني وبين رفيقتي فداء مين رح تجيب أولى المملكه ..
نمت بعد الفجر بعد ما صليت .. صحتني جينا الساعه سبعه ... جهزت حالي بسرعه و طلعت مع باص المدرسه على المدرسه اللي رح أقدم فيها امتحاناتي وطبعا لازم يكون معي رقم الجلوس حتى اقدر ادخل للامتحان ... بسرعه مر الامتحان أو يمكن لأن كانت الاسئله كتير سهله حسيته هيك ... طلعت و انا كتير مبسوطه.. التقيت ميس و فداء كانوا بقاعه ثانيه
فداء .. كيف قدمتي ميرا (بفرح)
ميرا ... ممتاز .. كان سخيف كتير ههههههه
ميس .. والله سهل بس مو سخيف بس موضوع الإنشاء رح يدمرني .. وانت فداء
فداء ... أن شاء الله علامه كامله
أنت تقرأ
طموحي
Humorقصة اجتماعيه ...عاطفيه تبحث في قضية فتاة عانت في حياتها الكثير ليصل طموحها فوق السحب ...تعاني الحب و بعد الحبيب ..لكن لم يكسرها هذا الحب زادها قوة وصلابه حتى باتت مكانتها مرموقة في المجتمع 🌹🌹🌹🌹
