Kenepa

Act 4

Mas I mas Sharine a sinti ku e bida ku e tin aktualmente ta un peso pe. Pa di tantísimo biaha Emmanuel tabatin ku bai busk'é na e snek. Algu ku tabata but'é rabia ''esaki no ta ora pa ta na snek, kòrda kubo tin yu. Nan mester di bo. '' E tabata bisé.

''e yunan no ta di mi so. Bo tambe por wak e muchanan de bes en kuando. Mi tambe tin mag di dibertí'' Sharine tabata kontest'é fada.

E situashon na kas a keda bira mas I mas tenso entre Emmanual I Sharine. Pero pa e amor pa su yunan Emmanuel no tabata laga e tenshon eskala mas. Semper e tabata keda ketu dunando Sharine e último palabra, aunke nunka e no tabatin rason.

Un dia na snek Sharine tabatin mal beis, kual a bira kos di tur dia pe. E a bai bisti tur na bèrdè I tabata yenando ko'i bebe pa un kliente. Pa su di malu e a kana trompeká i basha e bebida nan abou plam'é. Ku su kara rabia e a buk limpi'é I sek'é.

Ora e a buk Orlando ku tur ora tin bista riba a bisa. ''He eh. Ku bèrdè mes e ta asina kòrda ora e reip.''

Rabia e ta bira zundra Orlando. Yam'é tur sorto di kos. Bergonsá Orlando ta purba hinka su kabes den su kurpa manera un turtuga pa skonde di e furia di Sharine.

Sharina ta Kasi pa e dal Orlando un wanta i bira su kabes, pero na último momento e ta pensa mihó I bira kana bai.

Despues di un ratu e ta sintié malu di e manera ku e a trata Orlando.

No ta su falta ku e situashon na kas ta dun'é nervio.

No ta su falta ku e muchanan tin n'e kansa, no ta su falta ku e no tin un tiki tempu pa su mes.

No ta su falta ku nan no ta gana sufisiente pa sikiera bai Boneiru bini bek.

No ta su falta ku nan no tin I ku e mester bai tur kaminda ku bus.

E ta disidí di kana bai na e mesa kaminda Orlando ta sinta I hala un stul sinta kuné na e mesa.

''mi diskulpa ku mi a papia kubo asina Orlando, mi tin hopi nervio e dianan aki.''

Orlando ta kontesta ''no wòri dushi, mi kueru ta diki manera krokodel. Ademas asina mi gustabu, BRABU !.

''Danki pa butami hari Orlando''

''pa bo tur kos dushi pidi I lo bo haña'' Orlando ta bis'é hariendo.

''Hasimi riku anto no? sakami for di e situashon aki.'' Sharine ta flirt bis'é.

Orlando ta hisa un wènkbrou I bis'é ''kompolaga mi por. Solamente bo ta den e situashon robes. ''Si bo tabata ku un otro hende lo bo tabata mas felis. Ménos preokupashon i kaminda sèn lo no tabata un wòri mes''

''legumai bo ta nami gana di bai leeeeew I lubidá tur kos mes aki.'' Sharine ta kontesta I e ta lanta i kuminsá ruim op e kùp nan ku Orlando a laga atras.

Orlando ta tene su man I bis'é ''unda bo ta bai dushi, keda ku mi un ratu no? ''

''no mi tin ku ruim op. Ora abo ta drenta bo outo bai kas ami tin ku kaba di limpia I kana bai bai kas ahinda.''

''ay basti hasi koi hansha. Sinta ku mi I mi mes ta hibabu kas'' I e ta hala un stul pa Sharine sinta bek kuné.

Emmanuel manera semper ta kana bini e snek pa e kompaña Sharine bai kas. Di leu Sharine ta mir'é i ta bula lanta bai kontr'é.

Sharine: " ta drùk aki nan awe. Mi lo tarda ".

"Oké, pero no tarda muchu kòrda ku e muchanan ta nan so na kas." Ta e kontesta di Emmanuel.