Kenepa

Act 10

MANERA UN YU

Dos persona ku tabatin mester di mesun kos pero tabata muchu orguyoso pa atmitié. Mihó manera pa deskribí Jamal i Danique no tabatin.

E sex kasual tabata nifiká hopi mas ku djis esaki pa nan tur dos. E kandela ku nan tur dos tin ta insasiabel, pero anochi djis e kompania di otro so tabata nifiká hopi.

Vários biaha nan a djis drumi den brasa di otro kombersando i hariendo te mainta.

E tópiko ku nan niun di dos no kier ta toka tabata bini hopi ariba den nan último kombersashon. KI AWO ?

E grupo di amiga e reunié despues di basta tempu na kas di Danigue rondó di e pisina atrobe. Papiando di tur kos i nada nan tópiko a bin kai riba Jamal.

Nan a kòrdá ku eigenlijk ainda niun hende no a logra konkista Jamal. Pero kasi tur tabata di akuerdo ku otro tambe ku e interes no tei mas for di e dia ku Jamal a dal Danique.

E memoria aki a buta nan a kuminsá insultá Jamal, bisando ku e lo ta un hòmber sin futuro, ku e lo no logra nada den bida i hopi kos insolente mas.

Un rabia ineksplikabel a drenta Danique. Su rosea tabata hisa mas i mas pa generá sufisiente oksígeno pa su kurason ku tabata bati ora pa ora mas duru. Sin e por kontrolá su mes e ta lanta for di e stul kaminda e ta sinta i kana bai paden. Kada un stap ku e dal tin un rabia aden ku ta manera e lo bora e flur.

Den kas e ta subi trapi bai den kamber di su tata i habri e lachi di kashi. E sa bon bon kiko e tata tin warda den e lachi ey. E ta hinka man saka e pistol ku su tata a siñ'é uza vários aña pasa por si akaso un ladron drenta kas.

E ta kue e pistol wak bon si e ta karga kana bini abou bek. Unu pa unu e ta kuminsá deshasí di tur esnan ku ta yenando su kurason di un rabia ineksplikabel ku e ta sintiendo.

"pa kiko bosnan ta papia asina di Jamal? Bosnan no ni konosé e ta grita"

"Nan tur ta harié i bis'é dikon? Bo gusta Jamal? Ta e ta bo hòmbu?"

"Siiiiiiiii e ta anto" Danigue ta grita "anto, ki boso ke hasi awo? Infelis nan"

Nan sonrisa ta wòrdu kita abruptamente for di nan kara ora nan realisá ku ta un pistol Danique tin den su man. Promé ku nan haña e oportunidat pa pidi despensa e bala ta alkansá nan kurpa. Machikando i kòrtando e kueru bai paden manera un ola di laman den un kasteel di santu.

Un di e kurpa nan ya sin bida ta kai den e pisina i pinta e awa hasié kompletamente kòrá. E plaser di mas grandi pa Danique ta e hecho ku e a laga nèt esun di mas puta i desgrasiado pa último, LAIKA.

"pa ki bo a mishi ku MI HOMBU, Laika? Bo no sa ku ta di mi e ta? DI MI? DI MI?

Laika ku no por ni hala rosea di spantu ta keda paralisá sin por bisa nada. Porfin e airu ku e tin ratu wanta ta sali for di su boka i haña zonido i e ta bisa ku lep temblando "pero ,pero Danique mi no........

UN LUS DESPUES SUKU

E delaster bala ta bandoná e pistol manera ku èkstra velosidat. Ta manera kos ku e rabia di Danique ta alimento pa e bala ku ta drenta nèt mei mei di e wowo nan di Laika i spat su kabes patras. E sesunan di Laika ta kai riba suela manera un pòpurèshi ku ta kai riba asfalt kayente i smèlt.

Danique ta keda atmirá i gosa e trabou i e daño ku e a kaba di hasi. Su kurason ta mas trankil awó. Awor e tin Jamal pa e so so i e desgrasiado nan aki a paga pa insultá SU hòmbu.

Leu aya e tende un gritu. "DANIQUE. Ki ba hasi? DANIQUEEEEEE".

E bos ku ta gritando e ta bira mas fuerte ku kada ratu. Danique ta sera wowo habri bek i mira ku e ta sinta den su stul i ku su glas bira ku a basha tur kos di bebe abou.