Kenepa

Act 22

Mama ta orguyoso i kontentu ora e tende di Rob. Ku n'e mes kosnan ta bayendo hopi bon. E Spantu di e manera kon nan a mata Djaka i Bones tabata e empuhe ku Oma tatin mester pa e tambe alehá di e bida di droga.

Mama ku Oma a disidí di kuminsá kushina i bende kos dushi huntu. E idea a bira e lokura di Rotterdam. Tur hende ke. Lulu ku Sol tambe ta inseparabel i ta hasi tur kos huntu. Ta manera ta einan mes Sol ta biba.

Mama ta bisa "ainda e hende nan ta puntra p'abo"

"No kuminsá mama" Rob ta bisa ku un stèm un tiki rabia. "mi ta bai laga mama , mi ta prepará pa bai trabou. Kuminda Lulu. Mi stima bosnan"

E ta lanta sinta riba kama i su mente ta bai outomátikamente riba Nathaly. E ta frega e armbant i sinti e tristesa ta bini manera un orkan ku bo no por kontené.

Rob ta lanta for di kama bai baña i despues bin desayuná ku Jamal.

Jamal ta mira kon e ta frega e armbant i sa mes ora riba kiko Rob ta pensando. Nan ta lanta poko ratu despues i kue kaminda pa trabou.

Rob ta baha na trabou i kuminsá traha mes ora. Jelger ta pasa kumind'é i bis'é "tin un guy ku lo pasa trese un outo aki nan. E tin un lugá di hür outo i mi debe hopi fabor. Bo por dun'é un man pa mi?"

Rob ta kontesta "sigur no. Ta basta ketu tòg e dianan aki."

Par di ora despues un kran ta yega ku dos outo ariba. E shofùr di e trùk ta baha i bisa Rob "mi a trese e dos outo nan aki pa bo drecha. Dal un firma aki nan pa mi. dia bo ta kla ku nan djis bèl mi. Mi ta pasa buska nan. Tur kos ta paga kaba."

Rob ta habri e tapa di mashin i kuminsá drecha den un di nan. Poko ratu despues ora e ta kabes den e outo e ta tende stèm di un dama bisa su tras: "Bon dia"

"Bon dia" Rob ta kontesta i bira wak. E wrench ku e tin tene den su man ta kita kai i e ta keda para paralisá sin por saka un palabra.

E dama ku ta bebiendo un batido tambe ta keda wak i lag'é kai spat. E dama no tin kunes ku Rob ta tur sushi na zeta di outo. E ta kore tur ku e por i bula den brasa di Rob.

Rob ta bras'é sin smak pero despues ta tene hopi mas duru ku tur su forsa. Nan ta brasa otro asina fuerte ku nan ta sinti otro su kurason ta bati.

Yorando e dama ta bisa "oh my god Rob. Mi no ta sa unda bo ta ! nos a kore buskabu rònt Kòrsou. Ba kambia di kas i bo number no ta traha mas. Mi ta asina kontentu di hañabu."

Rob ta bras'é mas duru i e tambe tin difikultat pa tene su wowo nan seku i bisa "Ta bon pa wak bo tambe Shanty"

Shanty no ke laga bai. Pa Rob tambe ta difísil. E persona aki ta un konekshon i rekuerdo di su bida bieu. Un bida yena ku demoñonan ku ainda e tin difikultat pa skapa di dje.

"kontami tur kos, no kita niun detaye" Shanty ta bisa miéntras e ta sekando su lágrimanan di felisidat. "mi no por kere ku aña nan a pasa asina. Mi ta hopi felis di topabu Rob. Bo no por imaginábu. Tur ora mi ta puntra bo mama pa bo , E ta kontesta tur ora ku e no sa nada di bo. Hesus e tambe lo ta felis."

Shanty ta bolbe brasa Rob.

Nan ta sinta riba un muraya i kombersá.

Rob ta wak Shanty i pensa ku e meresé e bèrdat.

"S mi tin kontakto ku mi mama" Rob ta konfesá. "mi no ta sa kon pa deal ku mi pasado mi no tabata sintimi kla pe. Pesei semper mi a bise mi no ke tin kontakto ku niun hende di pasado.

Shanty ta keda wak e un tiki desapuntá i tristu.

Pero aworakí di kurason mi ta felis di mirabu Shanty. Sòri pa trata tantu abo i Sigmar asina. Bosnan meresé mihó. Mi debe bosnan mi bida"