Kenepa

ACT 15

OP ZN HOLLANDS

Rob lo keda tres dia so na Hulanda. E ta kore aki aya ku Bones bai markt i kumpra kos pa Oma Kushina. E ta kòrdá mes ora riba su mama. " Hesus mama lo gusta aki nan ku tur e fruta i berdura fresku nan aki".

Bones ta bisa Rob mi sa ku bo tei pa tiki dia..pero mi tin sigur ku e stail ku kos a bai lo bo bini Hulanda mas frekuente. Awe nochi nos ta tira un buèlta den kaya.

"pero mi no tin paña. Mi a bini ku nèt un jeans i par di shirt"

"ay swaaaa ta ku Bones bo ta papiando aki ruman. Nos ta lora aworakí mes wak paña pa awe nochi. Pa bo keda kasi mesun dushi ku mi"

Nan ta hari i pasa baha e kosnan serka Oma pa despues shòp paña pa Rob.

Sèn no ta un problema Bones ta komentá. Ban wak algu ku ta kedabu bon paso aworakí bo ta parti di nos i bo tin ku saka kara.

Mas anochi nan ta bai un diskotèk renombrá na Amsterdam. Tin hopi hende para den rei ku gana di drenta. Na porta tin dos bouncer ku ta manera saka di pelíkula. Di aleu Rob ta bisa Bones :Hode ta do koño manera gorila tin para den porta ey.

Banana bo ke duna nan Bones ta hari i bisa.

Nan dos ta kana yega. E Bouncer ta habri kara i hari ku Bones di leu i lag'é drenta. Ku mi e ta Bones ta splika i asina Rob tambe a drenta.

Rob a tende hopi di e club. E a tende ku hopi artista renombrá di rònt mundu ta gusta bini aki nan. I awor e ta mira dikon. E lugá ta grandi yena ku hende. Unda ku e mira su wowo ta wòrdu hòrta dor di un dama bunita. Ta manera kos ku nan a bent'é den un videoclip di rap yena ku dama nan sèksi i bunita ku por hasi kualke miss yalurs.

Rob ta sigui Bones te den e sekshon VIP. Eiden nan ta kai sinta i mes ora un waiter ta trese diferente bebida pa nan. Bones ta wòrdu rondoná mes ora di vários muhé ku ta bringa pa su atenshon.

E man nan ta pasa rònt kurpa di Bones. Nan ta primi pechu den su kara i sunchi e i hasi tur loke nan por pa por ta e reina e anochi ey. Nan sa ku e ta tep bon i e oportunidat pa forma parti di e grupo aki semper lo ta atraktivo pa e dama nan aki.

Rob no por hasi nada mas ku djis sinta i atmirá e dama nan di leu. Ratu ratu su wowo ta wak bou di un su saya sin karson di abou òf un pida pechu ku ta sali ora nan tenta Bones.

Rob a keda wak leu riba e dansflur. E ta sinti e holó dushi di cologne serka di dje i ta wak den banda. E ta mira un figura para den suku. Kada bes ku e lus drei pasa e ta mira ku ta un kurpa sèksi di un dama. Pero e dama ta para di tal manera ku e no ta mira su kara.

"bon bo no ta kòrdami òf ta kuminda bo no ke kuminda mi ?" e figura ta bisa.

Rob ta smile i purba wak e kara den suku pero no ta logra. E stèm ta konosí pero e no por bini bei ta ken.

E figura ta kana bini mas serka i para dilanti Rob ku ainda no por mira su kara. "kisas asina aki si bo ta rekonosémi" e dama ta bira ku lomba pe i buk su dilanti. E atras di e dama ta dal e suave den su kara. E dama ta sigui baila i kai sinta den so skochi. Ora e dama sinta riba dje i drei kara e ta mira ku ta e stewardess di den avion.

Rob ta para mes ora i e dama ta sinti esaki.

"hmmmmmm tur esei ta p'ami e ta bisa ku un stèm sèksi." E dama ta bira wak direkshon di Bones i bisa...esaki ta un bon sigui sigur Bones..for di den avion ma mir'é...mi gusta ora bosnan manda ko'i hunga nobo p'ami.

Bones ku ta bezig ta chupando lenga ku un di e dama nan ta hala kara i bisa "Shanty kòrda bon no kibr'é si nos mester di dje"

Shanty ta keda baila i mea riba Rob ta kontesta "mi no por garantisá bu ku mi lo no kibr'é, pero kastigá si mi lo kastigué"