Jamal tabata gusta práktika Kickboxing i tur otro kos ku tin di haber ku bringamentu. Miéntras e tabata yuda su tata den hòfi e tabata gusta tira skòp i moketa riba e palu bieu i taki nan.
Manera semper Estelle Solange òf Sol manera nan tabata yam'é di kariño ta kompaña nan. Nada un kambia. Solamente e a kambia su pòpchi nan pa buki. Sol tabata un damita hopi inteligente ku tabatin ambishonnan grandi. Despues di a wak un pelíkula di krímen e tabata konvensí ku ta un Hurista e ta bira.
Apesar di ki wer tabatin, un kos ku nan por a konta semper kuné ta e palu di Kenepa grandi ku Tinjo tatin den su hòfi. Esaki tabata nan lugá faborito pa sosegá. Si awa ta kai e palu ta tapa e áwaseru i tambe duna hopi fresku den solo. E tata a siña Jamal i Sol ku Kenepa ta hopi bon pa bo salu. I ku si bo ta sinti malu bo por herebé e blachi den awa manera te i bebe.
Tambe Emmanuel a konta nan di un historia ku ántes nan tabata uza e blachi di e palu pa tapa heridanan den tempu di guera. I ku tambe den e kreensha di Voodoo ku palu di Kenepa ta un sòldat spiritual di bondat.
Sharine Liana i Orlando ta nan propio famia di tres awor pero unu ku na lugá di amor i apresio konosé droga i deseo. E droga a kuminsá afektá nan tur tres. Pero e hubentut di Liana ta por a kombatí esaki mas mihó. E kurpa di Sharine si ku no ta esun di mas hóben mas si a demostrá su edat. Su pechu nan a kuminsá kologá i e kokaina tambe a aselerá su enbehisementu. E ta mustra un hende mas ku 30 aña mas bieu ku enbèrdat e ta.
Mas i mas durante nan trio seksual tambe e ta ripara ku ta Liana ta hañando tur e atenshon. Hopi biaha nan ta bira lomba pe hasi nan kos ignorando e por kompletu.
Nunka e no tabata un muhé ku por a keda ketu. I ta menshoná i reklama e hecho ku nan ta ignorando e.
Orlando tatin e gana di bis'é e a grit'é ratu wanta kaba ta hañá e oportunidat:" ku ki kurashi bo ta bin eksigí mi nada? bo mester ta kontentu mes puta sushi. Mi a sakabu for di e chik'é di porko kubo tabata biba aden i bo ta bin smoel...bo sa kiko?, bai for di mi lugá...sali pafó..BAAAI mi no ke mirabu mas."
Sharine yorando ta bira wak Liana ku ta sinta band'i Orlando. E ta spera ku Liana por papia ku Orlando òf sikiera defendé.
Pa su sorpresa Liana ta hari i bis'é "ayyooo señora" i zuai man yamando e ayó.
Sin rumbo i ku doló di kurason Sharine ta kana bai e snek kaminda e tabata traha ántes. Einan e ta topa un kolega bieu ku ta konsol'é i puntr'é dikon e no ta bai serka su famia.
"Ku ki kara? Sharine ta kontest'é. Mi a bira mi lomba pa nan i mi a bandoná nan."
Sharine ta sigui yora i hinka man den su saku pa saka un lensu. Ora e hinka man den su saku e ta sinti un bulto. Ora e saka e bulto logá ta un saku ku kokaina aden. Su kara ta iluminá paso esaki si lo drecha su dia. Kontentu e ta kore bai den baño i inhal'é.
E anochi aki e ta baila sexy manera e no tin un preokupashon na mundu. Su kurpa no ta e mihó mas pero ketu bai e ta hala atenshon di e hòmbernan presente na e snek ku kier un muhé fásil.
Kokaina a bira mas i mas e kontesta pa tur e problema nan ku Sharine tabata eksperensia. Pero e sèn ku e tabata gana na e snek kushinando i sirbiendo bebida no tabata yega pa karga su adikshon na Kokaina.
Sin sa ki ora e a bolbe bek , e a bai na e ofishi mas bieu na mundu. E a kuminsá entrega su kurpa pa por a paga e droga.
Tempu no ta pordoná i a sigui su rumbo. E droga a hasié flaku flaku i e no tabata atraktivo mas.
Pa tòg yega na poko sèn e tabata chupa un patin aki, unu aya pa tòg yega na maske ta 5 florin. E a bira un bèrgwensa pa e snek kaminda e ta traha. Nan ta kore kuné i asina aki e kuminsá biba riba kaya.