Kenepa

ACT 9

UN DIA KALOR

Dia nan ta pasa i Jamal ta sera mas ainda. Ora Danique mir'é i ke papia kuné e ta kana bai lag'é i ignorá. E nòmber di Jamal tambe a wòrdu daña por kompletu. E suseso ku a pasa e otro dia a krea rumornan ku ta dal Jamal a dal e, tur hende a interpretá e kos na nan manera i e otro damanan a pèrdè tur interes den dje.

Pa Jamal esaki tabata hopi bon. E no ta kier nada di haber ku e hende falsu nai.

Riba un djabièrnè manera tur ora , e grupo a reunié na kas di Danique. E alkohòl a hasi Danique hot i e no por a warda pa tur hende bai kas pa e haña un chèns ku Ricardo su so.

Nan tur ta den pool ta kombersá i kada bes e ta pasa man na Ricardo mustrando e ku e tin hopi gana awe.

Pero su mente ta riba Jamal tambe. E ta kòrda kon malu nan a trat'é i e ta sintié kulpabel pa esaki. Semper e apresiá Jamal i su famianan. Nan semper a trat'é ku rèspèt pa e persona ku e ta i no pa loke e tin manera hopi ta hasi.

E kos a pasa riba un anochi manera awe i ta keda drei den su mente. Pa e motibu aki e ta bebe mas i mas i pa lubidá pero huntu ku e alkohòl su gana tambe ta hisa mas i mas.

Porfin tur hende a disidí di bai kas. E a haña su chèns ku Ricardo. Apénas e delaster persona a sali for di porta di kas e a chupa lenga ku Ricardo te ora nan perde rosea.

Ricardo ta kue tene na su atras i hal'é mas serka. Ta manera nan a basha gasolin riba su kurpa. E ta sinti hinter su kurpa na kandela.

E ta trèk Ricardo pa bai kuné den kamber i bis'é" ban lihé, e gana ku mi tin aki mi ta bula riba bo aki den mes. Pero ban ariba promé nos lanta mi tata"

Ricardo ta haña un chèns di los i ta bis'é"bo tin mi loko , pero bo sa ku mi tin ku bai. Ma primintí mi hendenan ku mi lo yuda nan mainta..bo sa si mi no hasié e kos ta bira problema."

Skondiendo su rabia Danique ta sakudí kabes bisando e si. E ta sunchi Danique yamando e ayó i ta sinti kon e lenga di Danigue ta eksplorá den su boka hisando su gana.

Bringando kontra su mes Ricardo ta bisa "no no dushi...warda warda...echt mi tin ku bai."

Danique desapuntá i eksitá alabes ta bai ariba i drumi den su kamber. Maske kiko e hasi e no por sera wowo i ta keda bòltu riba kama. E ta sinti duele si su mes paso e ta pensa kon so e ta aktualmente. Pensando riba ta so su mente ta bolbe bai riba Jamal.

E ta sintié mas malu ainda. "kon mi por ta pensa mi ta mi so i Jamal ta mas su so ainda. Es mas e ratu di alegria ku e por tatin nos a kita esei tambe for di dje" e ta pensa.

E ta bula lanta bai para den bentana di su kas. I ta mira leu aya un lus chikitu na e kas di Jamal. E lo ta lanta? Ki obo mi blo riba dje i kombersá kuné. ? e no por ignorami manera e ta hasi semper último tempu. "

ESAKI LO YUDA

Jamal ta sinti unbashí drumi riba kama. E no por drumi i ta keda bòltu. Normal e ta papia kuSol. Pero e sa ku awe e a sali ku su kolega nan di klas Lulu i e no ke strob'é.E ta keda bira televishon manera loko sin por haña nada na drechi pa wak

E ta bula abou kuminsá dip i hasi poko buikspier pa kansa su kurpa ya e por drumi. Soda ta keda kore for di su kurpa. "Mihó mi bai dal un baño. Mi no por subi kama soda fis asina aki."

"aworakí no tin un alma lanta kemen mi no tin kunes" e ta kita su paña nan den kas mes i bai pafó bai baña.

Un pia un pia pa no trapa den sumpiña e ta wak unda e ta kanando. E ta yega na e porta i keda wak e. "lo ta e bon idea pa bai asina aki?, pero ya mi ta te aki kaba ban pe"