Jamal a bira tata di su mes ruman na un manera di bisa. Ketu bai e ta traha duru den e hòfi di Tinjo manera su tata. I manera semper tambe Sol ta den su banda ketu bai den buki.
Tur su sakrifisio nan no ta pòrnada. Sol ta bayendo hopi bon na skol i ta un di e mihó studiante nan. Pa por realisá su soño di bira Hurista e mester bai Hulanda pa kontinuá su estudio.
Pa promé biaha den bida Jamal ta su so den kas. E tabata dediká su tempu liber pa sigui práktika su bringamentu i tambe kuida mata. Mata tabata su kompania.
Pa e nan tabata manera su amigu. E tabata duna nan awa i kombersá ku nan. Ora soledat mes batié e tabata bai sinta bou di e palu di Kenepa. Asina e tabata sinti manera su famia tabata uni atrobe manera ántes.
Ki ora e haña un chèns e tabata papia ku Sol via Skype na Hulanda.
E yu muhé di Tinjo, Danique tabata hopi popular. E ta un dama kolo kla i kurpa diki. Su kabei maron largu ta yega te na e parti abou di su lomba. Ora e hari e tin dos buraku na su kara ku tin tur hende loko. Semper e tabata rondoná di amiga. Su kas tabata hopi luho ku pisina i kria. Tur hende tabata gusta esaki i tabata gusta bishit'é.
Kasi tur wikènt tabatin un ke otro fiesta òf ambiente rondó di e pool.
Jamal tabata un guy ku tipo wowo maron skur ku lep diki. Su kueru tabata pretu manera un kòpi kòfi stèrki traha. Su kurpa tabata forma manera un estatua griego. E a heredá e bon DNA di su tata ku un kurpa forma. E trabou físiko ku e tabata hasi a forma su kurpa mas ainda. I e stèm bas ku e tin i su haltura ta intimidante. Ku su kabei nan dread largu e tabata parse un super héroe saka di un Comic book.
Ora e traha den solo e tabata gusta kita su shirt pa baha kalor. Mayoria biaha e amiganan di Danique tabata para den bentana i atmirá su muskulo nan.
"waw nan tur tabata bisa. Mare ami tatin un hende asina ta limpia mi kura. Lo e mag limpia tur mi kura nan" un otro ta kontesta
Nan tur ta kai den harimentu.
"Jamal ta bon danki, Anto Haitiano nan ta traha duru..e mag di traha ku mi kon duru ku e ke."
Mas harimentu.
Pa e grupo di amiga , tabata dushi pa tenta Jamal. Nan tabata hañ'é algu eksitante pa bisti sexy i pasa dilanti Jamal òf buk pa malu pa hala su atenshon.
Tur ora nan tabata invit'é na fiesta. Pero Jamal su smak nunka no tabata den meskla masha ku hende. I muchu ménos e grupito aki. E tatin semper e idea ku nan ta sea huzgá òf ku nan kisas kier planeá algu, òf simplemente invit'é pa nan por hasi bofon di dje.
Ricardo di famia portugues. Tabata un baby face ku kabei pretu semper nechi peña i wanta ku gel. E tabata hende ku moda i tur ora ta bisti bon. E tabata gusta bai gym den su tempu liber kual tabata hopi.
E tabata un di e 4 guynan ku a sera kabes bati Jamal na chikitu. Semper e a sintié mas ku Jamal i te ku dia di awe su pensamentu no a kambia.
Pa tapa e yalurs ku e tabata riba tur e atenshon ku Jamal tabata haña serka tur e dama nan e tabata tent'é òf benta puña ki ora e mire..
Pa e motibu aki Jamal no tabata gusta bai niun fiesta ni nada ora e tende ku Ricardo tambe lo tei. e tabata sa sigur si e mir'é kara a kara e kos lo kaba na bringamentu. Mirando ku ratu kaba e tin gana di buta Ricardo na su lugá.
Un fiesta na Danique su kas sin Ricardo tabata imposibel. E tabata frei Danique i no tabata konfia lag'é su so niun ratu.
Un di e tantísimo biaha ku e dama nan a reunié i tabata atmirá Jamal nan a disidí di hasi e wega di mas kruel ku un hende por imaginá. Nan a hasi hunga ku Jamal su sintimentunan e wega i drumi ku ne e premio.
